Jergilikti meteorologııa basqarmasynyń habarlaýynsha, jeksenbi kúni tańerteń Ońtústik Koreıanyń shyǵys jaǵalaýyndaǵy Kensan-Pýkto provınsııasynyń Phohan qalasynda magnıtýdasy 4,6 magnıtýdaly bolatyn jerasty dúmpýi boldy.
Jer silkinisi jeksenbi kúni jergilikti ýaqytpen 05.03-te tirkelgen. Zilzala bolǵan Phohan qalasy qysqy Olımpıada oıyndary bolyp jatqan Phenchhannan 160 shaqyrym qashyqtyqta ornalasqan.
Al qysqy Oıyndar ótip jatqan Phenchhan qalasynda aýa raıy qubylyp tur. Munda aýa temperatýrasy -25 gradýsqa deıin tómendeıdi degen boljam bar. QazAqparat málimeti boıynsha Olımpıada oıyndarynan tikeleı habar taratyp jatqan jýrnalısterge Olımpıada oıyndaryn uıymdastyrý komıtetiniń ókili Pek Iý ótkizgen baspasóz máslıhaty barysynda eskertken.
«Búgin qatty jel soǵyp tur. Kúnniń sýytyp kele jatqany baıqalady. Sınoptıkter aýa raıynyń kúrt qubylýy 14 aqpanǵa deıin jalǵasatyndyǵyn boljaýda. Aýa temperatýrasy 25 gradýsqa deıin tómendeıdi. Men barlyqtaryńyzǵa jyly kıinip júrýge keńes beremin», - dep málimdedi Son Pık Iý.
Esterińizge sala keteıik, búgin aýa raıyna baılanysty jarystardyń kestesine ózgerister engen bolatyn.
