Oblysta qazir erekshe qajettilikteri bar 4593 bala bar, onyń ishinde 1471-i múgedek. Qazir mektepterde ınklıýzıvti bilim berý júıesi boıynsha 1784 bala oqyp jatyr. Balababaqshalar men shaǵyn ortalyqtarǵa 500-ge jýyq bala baryp júr. Ortalyqtyń basty maqsaty — ınklıýzıvti bilim berýdiń teorııasy men tájirıbesin biriktire otyra, ár deńgeıde úzdiksiz sapaly bilim berýdi qalyptastyrý bolyp tabylady.
О́ńir basshysy Qumar Aqsaqalov bul bastamany qoldady.
«Erekshe qajettilikteri bar balalarǵa arnalǵan resýrstyq ortalyǵyn ashý óte oryndy usynys. Biz qoldaýǵa daıynbyz», — dedi Qumar Aqsaqalov.
Inklıýzıvti bilim berý — erekshe bilim berý qajettilikterin jáne jeke múmkindikterin eskere otyryp, barlyq bilim alýshylardyń bilimge teń qol jetkizýin qamtamasyz etetin úderis. Memleket ınklıýzıvti bilim berýdiń maqsatyn iske asyra otyryp, bilim berýdiń barlyq deńgeıinde damý múmkindikteri shekteýli azamattarǵa olardyń bilim alýyna, damýyndaǵy aýytqýdy túzetýine jáne áleýmettik beıimdelýine arnaıy jaǵdaılar jasaýdy qamtamasyz etedi. Inklıýzıvti bilim berý ár balaǵa onyń muqtajdyǵyna jáne basqa mán-jaılarǵa baılanyssyz, óz áleýetin jáne bilim alýǵa quqyǵyn iske asyrýǵa múmkindik beredi.
