Kezdesý barysynda Q.Mámı Qazaqstannyń táýelsizdigin Germanııa alǵashqylardyń biri bolyp moıyndaǵanyn jáne osy jyldar boıy bizdiń elimizdiń strategııalyq seriktestigi ekenin atap ótti. Memleketterdiń basshy tulǵalarynyń ózara saparlary senimgerlik qatynas ornatýǵa yqpal etti.
Tóraǵa qonaqty konstıtýsııalyq reformanyń negizgi erejelerimen, sondaı-aq Konstıtýsııalyq Keńestiń ókilettikterimen tanystyrdy. Kezdesý kezinde taraptar ulttyq zańnamalardy jáne konstıtýsııalyq baqylaý praktıkasyn jańǵyrtý aıasynda tájirıbe almasty. Konstıtýsııalyq Keńes Tóraǵasy atap ótkendeı, osy jyldar ishinde Qazaqstannyń jáne Germanııanyń zań qurylymdary arasynda jemisti yntymaqtastyq ornatyldy. Konstıtýsııalyq Keńes Germanııa Federatıvtik Respýblıkasynyń Federaldyq Konstıtýsııalyq Sotymen tyǵyz baılanysty jolǵa qoıdy.
Máselen, Germanııanyń quqyq qorǵaý organdaryna jáne sottaryna barý saparlary Germanııanyń qylmystyq, qylmystyq-prosestik jáne ákimshilik zańnamalary júıesin tereń zerdeleýge múmkindik berdi. Bul jobalar Qazaqstanda osy jyldar boıy tıimdi jumys istep kele jatqan Halyqaralyq quqyqtyq yntymaqtastyq Germanııa qorymen (IRZ) jáne Halyqaralyq yntymaqtastyq boıynsha Germanııa qoǵamymen (GIZ) tyǵyz ózara is-qımylda iske asyrylyp keledi, dedi Q.Mámı. Kezdesý sońynda taraptar Qazaqstannyń jáne Germanııanyń konstıtýsııalyq ádilet organdary qyzmeti salasyndaǵy ekijaqty ózara qatynastarynyń halyqaralyq yntymaqtastyqty tereńdetý sheńberinde damı beretinine senim bildirdi.
