Nıderland elshiliginde tóraǵalyq qyzmettiń qorytyndysy talqylandy

Is-sharaǵa Nıderland Syrt­­qy ister mınıstrliginiń BUU Qaýip­sizdik Keńesiniń máse­­­leleri bo­ıyn­sha arnaıy toby­nyń úıles­ti­rýshisi Robert Dresen, BUU Qaýip­sizdik Ke­ńe­si­niń turaq­ty emes múshe el­deriniń elshileri, «Klın­gendaıl» je­tekshi taldaý orta­lyǵynyń sara­pshylary jáne basqa da nıderlandtyq aka­demııalyq toptardyń belgili ókil­deri qa­tys­ty.

О́z sózinde Qazaqstan elshisi Maǵ­jan Ilııasov Qazaqstan tó­raǵalyǵynyń sheńberinde ke­ńes­­ter, brıfıngter jáne pikir­­talastar úlgisinde otyzǵa jýyq otyrystar ótkizilip, olar­dyń qo­­rytyndylary boıyn­sha Keńes tóraǵasynyń qarar­lary jáne má­lim­demeleri qabyl­dan­ǵanyn atap ótti. Qazaqstan dıploma­ty Pre­zıdent Nur­sultan Nazar­baev­tyń 18 qań­tar­daǵy saıası Úndeýi­niń negizgi baǵyttaryna erekshe na­zar aýda­ryp, olardyń ishinde Qazaq­stannyń BUU Qaýipsizdik Keńesindegi jumysynyń ba­sym­­­dyqtary men tájirıbelik kom­po­nent­teri kózdelgeni týraly aıtty.

Sonymen qatar Qazaq­stan­nyń Álemdik terrorızmge jol bermeý týraly minez-qulyq kodeksi joba­syn iske qosý boıyn­sha joǵary deńgeıdegi arnaıy is-shara ótkizgeni týraly atap aıtyldy. BUU-nyń onyń ishinde ter­rorızmge qarsy qurylym­dardyń basshylyǵy, múshe mem­le­ketterdiń júzden astam dele­gasııalarynyń ókil­deri atal­ǵan kodekstiń ózektiligi men mańyz­dylyǵyn qoldady.

О́z kezeginde dóńgelek ústelge qatysýshylar Qazaq­stannyń BUU Qaýipsizdik Ke­ńesiniń tóraǵasy re­tindegi jetis­tikterin joǵary baǵa­lap, Aýǵanstandaǵy jaǵdaıdy turaq­­tandyrýǵa baǵyttalǵan biz­diń elimizdiń praktıkalyq kúsh-jigerin atap ótti.

19 qańtarda ótken Mı­nıstr­lik pikirtalastardyń qar­sańynda BUU Qaýipsizdik Keńesi múshele­riniń Aýǵanstanǵa je­ti jyldyń ishinde uıym­das­tyrylǵan alǵash­qy sapary bul eldiń ishki jáne aı­na­lasyndaǵy turaqtylyq pen ór­kendeýdi qoldaý úshin sheshýshi mańyz­ǵa ıe bolǵany atap aıtyldy. Sonymen birge Qazaqstan jáne Prezıdent N.Nazarbaevtyń jap­paı qyryp-joıatyn qarýdy taratpaý isine qosqan eleýli úlesi erekshe atap ótildi. Kezdesý barysynda BUU Qaýipsizdik Keńesi turaqty emes músheleriniń 2018-2019 jyl­darǵa arnalǵan kún tártibi bo­ıynsha jan-jaqty pikir almasý boldy.

Kezdesýdi qorytyndylaı kele, Robert Dresen: «Qazaq­stannyń Qaýip­sizdik Keńesi­niń tóraǵalyǵy álem­dik qaýym­dastyqqa eń ózekti máse­lelerdi sheshýge syndarly kózqaraspen qaraıtynyn kórset­ti. Atap aıtqanda, bul óz kezeginde Aýǵan­­­standaǵy qaýipsizdikti ny­­ǵaıtý úshin mańyzdy óńirlik eko­no­mıkalyq jobalardy, onyń ishinde ınfraqurylymdy damytý, elektr energııamen jabdyqtaý, saýda-sattyq pen tranzıt qyz­met­terin qeńeıtý jobalaryn iske asyrýǵa jol ashady», dep málimdedi.

«Egemen-aqparat»