Taǵaıyndalǵan senatorlarǵa kýálikter tapsyryldy

Keshe Ortalyq saılaý komıssııasynyń tóraǵasy Qýandyq Turǵanqulovtyń tóraǵalyq etýimen Komıssııanyń kezekti oty­rysy ótti. Otyrysta Ortalyq saılaý komıssııasy Prezıdenttiń Jarlyǵymen taǵaıyndalǵan Parlament Senatynyń depý­tat­taryn tirkedi jáne Qazaqstan Respýblıkasy máslıhattarynyń depýtattyǵyna kandıdattardyń respýblıkalyq bıýdjet qa­ra­ja­tynan jabylatyn shyǵystarynyń normatıvterin bekitti.

Qazaqstan Respýblıkasy Pre­zıdentiniń 2011 jylǵy 23 qara­sha­daǵy «Qazaqstan Respýb­lı­ka­sy Parlamenti Senatynyń de­pý­tattaryn taǵaıyndaý týraly» Jarlyǵynyń negizinde Ortalyq saılaý komıssııasy Ikram Adyr­bekovti, Muhtar Altynbaevty, Berik Imashevti, Qaırat Mámıdi, Baýyrjan Muhamedjanovty, Erlan Nyǵmatýlındi jáne Lıýdmıla Poltorabatkony Qazaqstan Res­pýblıkasy Parlamenti Sena­ty­nyń depýtattary retinde tirkedi. Odan soń Komıssııa tóraǵasy Parlament Senatynyń tirkelgen depýtattaryna tıisti kýálikter men omyraýǵa taǵatyn belgilerdi tapsyrdy.

– Prezıdenttiń Jarlyǵymen ekinshi merzimge senator bolyp taǵaıyndaldyq, – dedi Muhtar Al­tynbaev kýálikter men omy­raýǵa taǵatyn belgilerdi tapsyrý rásiminen keıin jýrnalısterge bergen suhbatynda. – Bul bizge júktelgen úlken mindet jáne senim. Biz Elbasynyń aldynda, Qa­zaq­stan halqynyń aldynda ózi­miz­ge júktelgen mindet pen senimdi aqtaımyz.

Komıssııa otyrysynda, son­daı-aq Qazaqstan Respýblıkasy máslıhattarynyń depýtattyǵyna kandıdattardyń respýblıkalyq bıýdjet qarajatynan jabylatyn shyǵystarynyń normatıvteri de bekitildi. Qýandyq Turǵanqulov­tyń aıtýynsha, Ortsaılaýkom qa­byl­daǵan qaýly boıynsha zańǵa sáıkes oblystyq, Astana jáne Almaty qalalyq máslıhattardyń depýtattyǵyna kandıdat retinde tirkelgen árbir úmitkerge úgit sha­ralary men kólik shyǵys­ta­ryna bıýdjetten 349 myń teńge, al qalalyq jáne aýdandyq más­lı­hattardyń depýtattyǵyna kandıdattar úshin 179 myń teńge bó­linetin bolady. Onyń syrtynda árbir tirkelgen máslıhat depý­tat­tyǵyna kandıdat saılaýaldy úgit júrgizý úshin óziniń saılaý qoryn da qura alady.

Otyrysta Ortsaılaýkom al­da­ǵy saılaýda qoldanylatyn saı­laýshylar tiziminiń nysany men ýchaskelik saılaý komıs­sııa­synyń saılaý ýchaskesiniń ashy­lýy týraly hattamasynyń ny­sa­nyn bekitti jáne Májilis depý­tat­tarynyń kezekten tys saı­laýy boıynsha saılaý bıýlletenderin «Qazaqstan Respýblı­ka­sy Ulttyq bankiniń Banknot fabrıkasy» sharýashylyq júr­gizý quqyǵyndaǵy respýblıkalyq memlekettik kásipornynda ázir­lenedi dep sheshim qabyldady. Al máslıhat depýtattaryn saılaý boıynsha saılaý bıýlletenderin tórt óńirlik uıym – Aqmola, Qostanaı, Soltústik Qazaqstan ob­lystary men Astana qalasy úshin – Astana polıgrafııasy, Shyǵys Qazaqstan, Qaraǵandy, Pavlodar oblystary úshin – «Arko» JShS, Almaty, Aqtóbe, Atyraý, Mańǵystaý oblystary men Almaty qalasy úshin – «ABK» JShS-nyń baspahanasy, Jambyl, Batys Qazaqstan, Qyzylorda jáne Ońtústik Qa­zaq­stan oblystary úshin – «Senim» baspa ortalyǵy basyp shyǵa­ra­tyn bolady. OSK hatshysy Ba­qyt Meldeshovtyń habardar etýinshe, barlyq bıýlletender qa­jet­ti qorǵaný deńgeıinde qam­tamasyz etiledi.

Otyrystan soń ótken brıfıngte Q.Turǵanqulov BAQ ókil­derin saılaý naýqanynyń bary­sy­men de tanystyrdy. Tóraǵa­nyń atap ótýinshe, qazirgi ýaqyt­ta máslıhattar depýtattaǵyna 10 kandıdat usynylǵan. Olardyń bireýin Qyzylorda oblystyq máslıhaty depýtattyǵyna kadıdat retinde qoǵamdyq birlestik, al 9 úmitker óz kandıdatýra­laryn Mańǵystaý oblysy Beıneý aýdandyq máslıhatyna kandıdat retinde usynǵan. Álısultan QULANBAI.