Memleket basshysynyń atyna Ońtústik Qazaqstan oblysy, Tóle bı aýdanynyń bir top jastarynan hat keldi, dep habarlady Qazaqstan Respýblıkasy Prezıdentiniń baspasóz qyzmeti.
Hat ıeleri Elbasy bastamasymen júzege asqan «Bolashaq», «Dıplommen – aýylǵa», «Jumyspen qamtý-2020» memlekettik baǵdarlamalary nátıjesinde jastar shet elderde bilim alyp qana qoımaı, oqý bitirip kelgen jas mamandardyń jumysqa ornalasýyna múmkindikter jasalyp otyrǵanyna rızashylyqtaryn bildirgen.
Odan ári: «Sizdiń kóshbasshylyǵyńyzben elimiz nebári 20 jylda dúnıe júzi elderimen terezesi teń, qýatty memleketke aınaldy. Qazaqstan – búginde bereke-birliktiń kıeli mekeni. Týǵan eldiń tolaǵaı tabystary bizdi zor maqtanysh sezimge bóleıdi. О́ńirlerde jastarǵa barlyq qamqorlyq jasalýda. Jeke kásibin qurǵandarǵa jańa múmkindikter ashyldy. Memlekettiń keleshegi – jastar. Sizdiń artqan senimińizdi, úkilegen úmitińizdi aqtaımyz degen senimdemiz», dep jazady hat ıeleri.
Elbasyna degen yqylasty sezimderin bildirgen hatqa Sh.Qaldaıaqov atyndaǵy halyqaralyq baıqaýdyń dıplomanty Madııar Nııazbek, oblystyq baıqaýdyń júldegeri Botagóz Dosalıeva, sambodan eki dúrkin Azııa chempıony Olja Rysbektegi, bokstan eki dúrkin Azııa chempıony Qaıyrgeldi Dáýitbek jáne «Shamshyraq» jastar uıymynyń múshesi Asqarbek Alıqulov qol qoıǵan.
