Meniń qazaqstanym

JULDYZDY JIYRMA KÚN

Birinshi kún (26 qarasha ):

MENIŃ QAZAQSTANYM

ULAǴATQA BASTAR ULYQ QUNDYLYQTAR

О́mir pálsafasy árbir adam­nyń qasterleıtin, qasıet tuta­tyn nársesi bolýy kerektigin kór­setedi. Seksenniń seńgirinen asqan jasymyzda, kolhozdyń esep­shiliginen, bastaýysh mekteptiń muǵaliminen mınıstr, oblatkom tóraǵasy, oblystyq partııa ko­mıtetiniń birinshi hat­shy­sy, Qazaq KSR Joǵarǵy Keńe­si Tóralqasy­nyń tóraǵa­sy­na deıingi bas­pal­daqtap jú­rip ótken jo­lymyzda biz sııaqty aǵa urpaq el men jerdiń, halyq pen Otannyń qadirine jetýdi ózi­miz­diń paryzymyz dep bildik. Áli de solaı. Olaı bolsa, el qasıeti, el­diktiń belgisi qashanda sol eldiń rámizderinen baıqalar bolar. Osy oraıda Vladımır Maıakov­skııdiń sovettik pasport týraly ataqty óleńi eske túsedi. Aıta­lyq, pasportty jyrlaǵan sol óleń talaı býynnyń boıynda otanshyldyqty tárbıelegeni anyq. Eldiń týy jelbiregende, eldiń gımni shyrqalǵanda boıymyzdy árqashan shym-shymdap bir maqta­nysh sezimi kerneıtin. Sonymen birge sol keńes ýaqytynda bizdiń beıresmı rámizderimizge balan­ǵan ulttyq qundylyqtarymyz bol­mady dep aıta almaımyn. Qa­zaq­tyń batyrlyq jyrlary, ha­lyq ánderi, aqyndar aıtystary, Abaı óleńderi, Muhtar Áýezovtiń «Abaı joly» romany, taǵy bas­qalar ulttyq rýhty qalǵytpaǵan qun­dylyqtar qataryna jatady. Al endi erkindik pen egemendikke qolymyz jetip, kókiregimiz keńip, keýdemiz bıiktegen búgingi zamanda táýelsiz elimizdiń memlekettik rámizderi biz úshin qansha­lyqty qundy? Osy saýaldy árbir otanshyl azamat óz-ózine qoıyp otyrýy kerek. Shyn má­ninde de Memlekettik ánura­nymyz shyr­qalǵanda júregimiz tol­qyp, Aqor­danyń kúmis kúm­bez­di tóbe­sinde jelbiregen kók Týymyzdy kórgen saıyn kóńi­limiz shalqyp, mereıimiz aspaı ma. Osy memlekettik rámizder – bizdiń maqta­nyshymyz. Olar biz­diń eldigimizdi, memlekettigimizdi pash etedi. Bul belgilerde bizdiń asqaq múd­­de­lerimiz ben bıik maqsat­ta­ry­myz tur. Son­dyqtan, qaı kezde de el­digi­miz­diń arǵy­maǵy atoılap, árbir aq tańy jarqy­rap atyp, shańy­raǵy shaı­qal­ma­sa eken dep tileımiz. Álbette, soń­­ǵy jıyrma jyl­da elimizdiń ardagerler uıy­myn basqarǵan men úshin qazirgi Qazaqsta­nym­nyń kók baıra­ǵy, Ánurany jáne Eltańbasy erekshe qymbat. Bularda el men jer­diń tarıhy, ultymyzdyń jaqsy qa­sıet­teri men dástúrleri, ar-na­my­sy men parasat-paıymy, beıbitshildigi men birlikshildigi, izgi maqsat­tary men aq nıeti, búgingi baqy­ty men bolashaqtaǵy baǵda­ry tamasha kórinis tapqan dep oılaı­myn. Osy rámizderdi son­sha­­lyq­ty mazmundy da maǵyna­ly, aıbyndy da ádemi etip jasaı bilgen avtorlaryna myń alǵys! Ol rámizderdi janyńmen uqqan saıyn eliń úshin, Otanyń úshin, qazaq degen halqyń úshin shýaqty maqtanysh sezimine bóle­nesiń. Bile bilgenge bizdiń memlekettik rámizderimizdiń zamandasta­ry­myz úshin de, jas urpaq úshin de taǵy­lymy zor. Olardan biz ula­ǵatqa bastaıtyn ulyq qundy­lyq­tardy kóremiz. Ol rámizderde otan­shyl­dyq pen patrıottyq tárbıeniń bastaý bulaǵy jatyr. Keıingi jastar men búldirshin­derdi sol taza bulaqtyń tunba­synan moly­nan sýsyndatqa­nymyz abzal. Maqtaı SAǴDIEV, Qazaqstannyń qurmetti ardageri. Almaty.