Jıynǵa Qazaqstannyń Túrkııadaǵy Elshisi Abzal Saparbekuly, Saıan Shylmámbetov, Ermuhamet Maralbek, Dinmuhamed Qasymbek, Erkin Qalıdolla, Dana Qasqabaeva, Darhan Ábishev, Erbolat Sarýarov syndy Hajettepe, Gazı, Ankara, Iyldyrym Baıazıt ýnıversıtetteriniń doktoranttary men magıstranttary qatysty.
Qazaqstandyq azamattardy Alǵys aıtý kúnimen quttyqtaǵan Elshi A.Saparbekuly Elbasy N.Á.Nazarbaevtyń Qazaqstan halqyna arnaǵan Joldaýynyń negizgi baǵyttaryn atap ótip, «Bolashaqqa baǵdar: rýhanı jańǵyrý» atty memlekettik baǵdarlama týraly egjeı-tegjeı baıandap berdi. Alǵys aıtý kúnine oraı ótip jatqan sharaǵa sáttilik tilep, Qazaq eline, otan men ata-anaǵa, otbasy men týǵan-týysqa, elimizdiń abdal azamattaryna alǵys aıtýdyń mán-jaıyn túsindirip berdi. Qazaqstannyń beıbit ómir súrýine úles qosyp otyrǵan otandastarǵa alǵys aıtýdyń, birlik pen yntymaqtyń, ózara túsinistik pen sabyrlyqtyń qajettiligi týraly áńgime qozǵady.
Osy oraıda Gazı ýnıversıtetiniń magıstranty, ázerbaıjandyq Ahmat Hasanov beıbitshilikti saqtap, yntymaqty tý etken qazaq jurtyna alǵys aıtyp, kúlli Qazaq elin aıtýly merekemen quttyqtady. Quttyqtaý sózinde ol Qazaqstan halqy Assambleıasy týraly baıandama jasap, bereke-birliktiń arqasynda Qazaqstannyń búkil álemge úlgili memleket ekendigine nazar aýdardy.
О́z kezeginde, jas zertteýshi-ǵalymdar «BUU Qaýipsizdik keńesi jáne Qazaqstannyń halyqaralyq qaýipsizdiktegi orny», «BUU qurylýy jáne onyń tarıhı mıssııasy», «Qazaqstan men BUU arasyndaǵy yntymaqtastyq», Shanhaı Yntymaqtastyq Uıymy jáne Qazaqstannyń geosaıası aspektileri», «BUU sheńberindegi lańkestikke qarsy kúres Qazaqstannyń lańkestikke qarsy kúrestiń zańnamalyq sharalary», Túrki álemi jáne Qazaqstan», «Qazaqstan Respýblıkasynyń Dúnıejúzilik saqtaý uıymymen yntymaqtastyǵy» syndy taqyryptar tóńireginde baıandama jasady.
Jıyn sońynda Elshi A.Saparbekuly qazaq jastaryna Alǵys hatpen marapattady.
