Atalǵan zań jobasymen jumys barysynda gazben jabdyqtaý júıesi obektileriniń qaýipsiz paıdalanylýyn qamtamasyz etý máseleleri gaz naryǵy sýbektileriniń úlken alańdaýshylyǵyn týǵyzyp otyr.
2014 jyly ónerkásiptik qaýipsizdik salasyndaǵy ýákiletti organnyń turmystyq ballondar men gazben jabdyqtaý júıeleri obektilerin qaýipsiz paıdalaný talaptarynyń saqtalýyna baqylaý júrgizý jónindegi quzyreti alyp tastalǵan bolatyn. Osynyń saldarynan gaz naryǵy sýbektileriniń qaýipsizdik talaptaryn saqtaýyna baqylaý júrgizý múldem joǵaldy. Baqylaý joqtyqtyń kesirinen tek sońǵy bir jylda ǵana Qazaqstanda 91 ret gaz ballondary jarylyp, sonyń kesirinen 9 adam qaza taýyp, 100 adam zardap shekken.
Qazirgi ýaqytta Úkimet gazben jabdyqtaý júıeleriniń obektilerin qaýipsiz paıdalaný máselesin sheshý úshin tıisinshe ókilettikterdi turǵyn úı ınspeksııalaryna júkteýdi josparlap otyr.
Alaıda qaýipsizdik máseleleri gaz tutynýshy júıeler men turmystyq jáne kommýnaldyq-turmystyq tutynýshylardyń gaz jabdyqtaryna qatysty ǵana emes, keshendi túrde sheshilýi qajet ekenin tájirıbe kórsetip otyr. Turǵyn úı ınspeksııalarynyń ókilettikteri gaz qubyrlary, gaz toltyrý pýnkti jáne avtogaz quıý stansasy sııaqty obektilerdi baqylaýǵa jetkilikti bolmaıtyny sózsiz. Iаǵnı, problema bul jerde birjaqty ǵana sheshiletin bolady jáne azamattar úshin alǵashqy qaýip kózderi nazardan tys qalady.
Osyǵan baılanysty, biz ónerkásiptik qaýipsizdik salasyndaǵy ýákiletti organnyń nemese jergilikti atqarýshy organdardyń janynan gaz-tehnıkalyq ınspeksııalaryn qurýǵa baǵyttalǵan jedel sharalar qabyldaý qajet ekenin aıtyp, Úkimet basshysy B.Saǵyntaevqa depýtattyq saýal joldadyq. Eger osyndaı qurylym jaraqtalsa turmystyq ballondardy jáne gazben jabdyqtaý júıeleriniń obektilerin qaýipsiz paıdalaný talaptarynyń saqtalýyna baqylaýdy júzege asyratyn bolar edi.
Shavhat О́TEMISOV,
Májilis depýtaty
