Sýretti túsirgen Erlan OMAR, «Egemen Qazaqstan»
Jıyndy ashqan Prezıdent naýryz aıyndaǵy merekeler týraly aıtyp ótip, Alǵys kúnine erekshe toqtaldy.
"Izgi oqıǵalar Qazaqstan halqyn biriktire túsedi. Biz Qazaqstan halqynyń birliginiń arqasynda barlyq synaqtardan óte aldyq. Qazaq halqymen birge ómir súrip jatqan basqa etnostardyń barlyǵy baǵalaıdy. Búgingi tańdań Batys Qazaqstan, Almaty, Jambyl, Ońtústik Qazaqstan oblystarynda "Qazaq eline myń alǵys" monýmentteri ornalarastyrylǵan. Bul izgi bastamalar qazaq halqynyń ashyqtyǵy men ulylyǵyn kórsetedi. Ony jadynda saqtaǵan halyqtyń rýhy únemi bıik bolady", dedi Elbasy.
Sonymen qatar ol óz otbasynyń da Qazaqstanǵa aıdalǵandardyń birin panalatqanyn esine aldy.
"Aıtýǵa ońaı kórinedi, árıne. Biraq taýar vagondary otbasylardy ákelip, bala-shaǵalarymen dalada qaldyryp ketti. Sondaı kezderi bizdiń úıdiń de sondaı otbasyn qabyldaǵanyn barlyqtaryńyz bilesizder. Sondyqtan barlyq etnostardyń qazaq halqyna alǵys aıtyp jatqany ata-babalarynyń ósıeti dep oılaımyn", dedi Prezıdent.
Aıta ketý kerek, birlesken otyrysqa Joǵarǵy Sot, Úkimet músheleri tolyq quramda, Prezıdentke tikeleı esep beretin jáne baǵynatyn organ basshylary, ulttyq kompanııalar men memlekettik uıymdar basshylary qatysyp otyr.
Eske sala keteıik, 2 naýryzda Parlament Májilisiniń Tóraǵasy Nurlan Nyǵmatýlın Parlament palatalarynyń birlesken otyrysyn shaqyrý týraly О́kimge qol qoıǵan bolatyn.
Gúlnur Qýanyshbekqyzy,
"Egemen Qazaqstan"
