«Búgin Qazaqstan Respýblıkasynyń Parlamentinde halyqqa jańa áleýmettik bastamalarmen sóz bastaımyn. Men bul isti burnynnan oılap júrgen edim, biraq bizge kúsh pen qarjy jınaý qajet boldy. Endi mine onyń ýaqyty kelgen sekildi. Qoǵamnyń áleýmettik birligin nyǵaıta túsýge qajetti naqty kúsh-jiger qabyldaıtyn ári ony aýqymdy áleýmettik jobalar arqyly júzege asyratyn ýaqyt jetti. «Qazaqstan – bizdiń ortaq úıimiz» ıdeıasy jańa mánge ıe bolýy kerek», dedi Nursultan Nazarbaev.
Elbasy óz sózinde árbir qazaqstandyqtyń jaǵdaıyn odan ary jaqsartýǵa negizdelgen jańa áleýmettik bastamalardy talqylaý úshin Parlament palatalarynyń jáne Úkimettiń birlesken otyrysyna bastamashylyq etkenin málimdedi.
Memleket basshysy usynylyp otyrǵan barlyq usynys jan-jaqty qarastyrylǵanyn jáne qazirgi ýaqytta iske asyrylyp jatqan memlekettik baǵdarlamalardyń jalǵasy bolatynyn aıtty.
