Mereıtoı qarsańynda eki áleýmettik joba aıaqtaldy

Respýblıka Táýelsizdiginiń 20 jyldyq mereıtoıy qarsańynda «Qarashyǵanaq Petrolıým Opereıtıng B.V.» (QPO) kompa­nııa­sy Batys Qazaqstan oblysynyń Bórli aýdanynda jalpy quny 6,5 mıllıon AQSh dollaryna jýyq eki iri áleýmettik jobany oıda­ǵydaı aıaqtaǵandyǵy týraly jarııa etti. Jergilikti ınfraqurylymdy damytý baǵdarlamasy aıasynda, jekeleı alǵanda, QPO Aqsaı qalasynyń 10-shaǵyn aýdandaǵy qazandyqqa qaıta jańǵyrtý júr­gizdi, sondaı-aq Aqbulaq jer­asty sýlary ken ornynan qala­ny qosymsha sýmen jabdyqtaý jobasy da júzege asyryldy. QPO bas dırektory Djýzeppe Pazı bul oraıda «Respýblıka Táýelsizdiginiń 20 jyldyǵy qar­sa­ńynda osy eki zamanaýı áleý­mettik nysandy aıaqtaǵanymyzǵa qýanyshtymyz. Jergilikti ın­fra­­qurylymdy jaqsartýǵa QPO-nyń salǵan ınvestısııalarynyń arqasynda, óńirde jańa mektepter, aýrýhanalar, sport ımarat­tary salynyp, joldar tóseldi, sondaı-aq Aqsaı qalasynda já­ne kóptegen eldi mekenderde gazben jáne sýmen jabdyqtaý júr­gizildi» – deıdi maqtanyshpen. – «QPO-nyń áleýmettik baǵdarla­masy О́nimdi bólý týraly túp­kilikti kelisimniń is-áreketi merzimi ishinde jarty mıllıardtan asa AQSh dollary kóleminde ınvestısııalarymen qarasty­ryl­ǵan, bul el ıgiligi úshin Ba­tys Qazaqstan oblysyn odan ári damytýdyń kepili bolady». Bul rette BQO, Bórli aý­danynyń ákimi Bolat Shákimov «aýdannyń áleýmettik ınfraqu­rylymyn jaqsartý QPO-nyń áleý­mettik jaýapkershiliginiń kór­­neki úlgisi bolyp tabylady. Jergilikti bılik organdary men QPO-nyń yntymaqtastyǵy Qa­ra­shyǵa­naq­­tyń áleýetin tıimdi paıdalanýdy kózdeıdi, ol óz kezeginde óńirdiń ekonomıkalyq jáne áleýmettik salalaryna oń­dy ózgerister áke­leri sózsiz. Kom­panııa Qazaqstan Táýelsiz­di­gi­niń 20 jyldyǵy qar­sa­ńynda aýdannyń barlyq hal­qy­na tamasha tartý jasady» dep shynaıy rızashy­lyǵyn bildirdi. Qazandyqty iske qosý Aqsaı qalasynyń 10-shaǵyn aýdanyn jy­lýmen jáne ystyq sýmen jab­dyqtaýdy turaqty qamta­ma­syz etýge tolyq múmkindik berdi, onyń ishinde QPO-nyń áleý­met­tik baǵdarlamasy aıasynda 2010 jyly salynǵan 900 oqýshy oqı­tyn jańa mektep te bar. Jylǵa jeter-jetpes ýaqyt ishinde merdiger – jergilikti «Aqsaıspes­montaj» JShS kompanııasy ju­mystardyń úlken kólemin or­yn­dady. Qazandyqtyń eski ǵı­ma­ra­tyn bólshektep jańa qurylys turǵyzdy, 2 qazandyqty montaj­dap, qazandardy orap, sorǵylar­dy ornatty. Buǵan qosa sý daı­yndaý qondyrǵysyn qatarǵa qo­syp, baqylaý-ólsheý aspaptary men avtomatıka júıesin montaj­dady. Elektrondy jabdyqpen jabdyqtalǵan zamanaýı qazan­dyq­tar gaz tutynýdy eki esege deıin tómendetýge, jylý shyǵy­nyn edáýir azaıtýǵa múmkindik beredi. Qosymsha sýmen jabdyqtaý jo­basyn júzege asyrý Aqsaı qa­lasynyń jáne Qyzyltal ken­ti­niń turǵyndaryn úzdiksiz sýmen turaqty qamtamasyz etti. Qu­ry­lystyń merdigeri bolyp otan­dyq kompanııa – «Spes­stroı­servıs» JShS tyndy­rym­dy is atqardy. Buǵan deıin qala halqy aýyz sýdy Bestaý sý qoı­masynan alyp kelgen edi, onyń ónimdiligi táýligine 7300 m3 bo­latyn. Al­aı­da, qalanyń shaǵyn aýdan­dary men Bestaý kentin da­mytý aýyz sýmen qosymsha jab­dyq­taýdy talap etti. Qurylys eki kezeńge bólinip júrgizildi. Al­dymen sorǵy stansasy bar sý qoımasy salyndy, onyń qura­myna eki tereń uńǵyma tereńge batyry­latyn sorǵysymen, sýdy esepke alatyn jáne bóletin blok, son­daı-aq polıetılendi qu­byr­lardan turatyn sýaǵar kirdi. Ekinshi kezeń barysynda Aq­saı qalasyna deıin tartylǵan sýa­ǵary bar sorǵy stansasy tur­ǵyzyldy. Ol Aqsaı qalasyna jáne irgeles jatqan Aqsý men Jańaqos eldi mekenderine sý qu­byry jelisine sý berý úshin ar­nalǵan edi. Jańa sý qoımasy ımaratynyń ónimdiligi táýligine 1980 m3 bolyp otyr. Bul, ásirese jazǵy kezeńde aýyz sý tap­shylyǵy máselesin sheshýge múmkindik beredi. Marat AQQUL.