2011 jylǵy 28 qazan, Astana, Úkimet Úıi
Tarıhı-mádenı mura obektileriniń qorǵaý aımaqtaryn, qurylys salýdy retteý aımaqtaryn jáne qorǵalatyn tabıǵı landshaft aımaqtaryn aıqyndaýdyń qaǵıdalaryn jáne olardy paıdalaný rejımin bekitý týraly
«Tarıhı-mádenı mura obektilerin qorǵaý jáne paıdalaný týraly» Qazaqstan Respýblıkasynyń 1992 jylǵy 2 shildedegi Zańynyń 17-babynyń 9) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Tarıhı-mádenı mura obektileriniń qorǵaý aımaqtaryn, qurylys salýdy retteý aımaqtaryn jáne qorǵalatyn tabıǵı landshaft aımaqtaryn aıqyndaýdyń qaǵıdalary jáne olardy paıdalaný rejımi bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.Qazaqstan Respýblıkasy Úkimetiniń 2011 jylǵy 28 qazandaǵy №1218 qaýlysymen bekitilgen
Tarıhı-mádenı mura obektileriniń qorǵaý aımaqtaryn, qurylys salýdy retteý aımaqtaryn jáne qorǵalatyn tabıǵı landshaft aımaqtaryn aıqyndaýdyń qaǵıdalary jáne olardy paıdalaný rejımi
1. Jalpy erejeler
1. Osy Tarıhı-mádenı mura obektileriniń qorǵaý aımaqtaryn, qurylys salýdy retteý aımaqtaryn jáne qorǵalatyn tabıǵı landshaft aımaqtaryn aıqyndaýdyń qaǵıdalary jáne olardy paıdalaný rejımi «Tarıhı-mádenı mura obektilerin qorǵaý jáne paıdalaný týraly» Qazaqstan Respýblıkasynyń 1992 jylǵy 2 shildedegi Zańynyń 17-babynyń 9) tarmaqshasyna sáıkes ázirlengen jáne tarıhı-mádenı mura obektileriniń qorǵaý aımaqtaryn, qurylys salýdy retteý aımaqtaryn jáne qorǵalatyn tabıǵı landshaft aımaqtaryn aıqyndaý tártibin jáne olardy paıdalaný rejımin belgileıdi. 2. Tarıh jáne mádenıet eskertkishi dep tanylǵan jáne Tarıh jáne mádenıet eskertkishteriniń tizimine engizilgen tarıhı-mádenı mura obektileriniń (budan ári – tarıhı-mádenı mura obektileri) qorǵalýyn qamtamasyz etý maqsatynda qorǵaý aımaqtary, qurylys salýdy retteý aımaqtary jáne qorǵalatyn tabıǵat landshafty aımaqtary belgilenedi.2. Tarıhı-mádenı mura obektisiniń qorǵaý aımaǵyn aıqyndaýdyń tártibi
3. Tarıhı-mádenı mura obektisiniń qorǵaý aımaǵynyń shekarasyn tıisti jergilikti atqarýshy organnyń usynýy boıynsha oblystardyń (respýblıkalyq mańyzy bar qalanyń, astananyń) jergilikti ókildi organdary bekitedi. 4. Sáýlet jáne qala qurylysy eskertkishi jerden onyń eń bıik núktesine deıingi araqashyqtyq kólemine teń, biraq 20 metrden kem bolmaıtyn qorǵaý aımaǵymen qorshalady. 5. Arheologııalyq eskertkish onyń shekarasynan, toptalǵan eskertkishterde – shetki ornalasqan obektiniń syrtqy shekarasynan 50 metr bolatyn qorǵaý aımaǵymen qorshalady. Kózben sholý qamtamasyz etilýge tıis arheologııa eskertkishi úshin qorǵaý aımaǵynyń radıýsy onyń ortasynan 200 metrge teń bolýǵa tıis. 6. Tarıhı-mádenı mura obektisiniń aınalasyndaǵy qorǵaý aımaǵy qorǵaý belgilerimen nemese jyrtylǵan jermen nemese qorshaýlarmen ne olardyń shekara syzyqtarynyń boıyna butalar otyrǵyzý arqyly belgilenedi. Tarıhı-mádenı mura obektileriniń tórt jaǵynan obektiniń ataýy, onyń qorǵaý aımaǵynyń aýdany kórsetilgen qorǵaý belgileri ornatylady. 7. Tarıhı-mádenı mura obektileriniń qorǵaý aımaǵy tıisti jerdiń tarıh jáne mádenıet eskertkishteri men jańadan anyqtalǵan tarıhı-mádenı mura obektileriniń ornalasýy tirkeletin tarıhı-sáýlet tirek josparyna jáne karta-shemasyna engiziledi. 3. Tarıhı-mádenı mura obektisiniń qurylys salýdy retteý aımaǵyn jáne qorǵalatyn tabıǵı landshaft aımaǵyn aıqyndaýdyń tártibi 8. Tarıhı-mádenı mura obektileriniń qurylys salýdy retteý aımaǵy men qorǵalatyn tabıǵı landshaft aımaǵynyń shekaralaryn tıisti jergilikti atqarýshy organdardyń usynýy boıynsha oblystardyń (respýblıkalyq mańyzy bar qalanyń, astananyń) jergilikti ókildi organdary bekitedi. 9. Tarıhı-mádenı mura obektisiniń qurylys salýdy retteý aımaǵy qorǵaý aımaqtarynyń kólemine eki ese teń mólsherde bekitiledi. Qurylys salýdy retteý aımaǵy qorǵaý aımaǵynyń shetinen bastap ólshenedi. 10. Tarıhı-mádenı mura obektisiniń qorǵalatyn tabıǵı landshaft aımaǵynyń kólemi qurylys salýdy retteý aımaǵyna teń mólsherde belgilenedi. Qorǵalatyn tabıǵı landshaft aımaǵy qurylys salýdy retteý aımaǵynyń shetinen bastap ólshenedi. 11. Tarıhı-mádenı mura obektisiniń qurylys salýdy retteý aımaǵy jáne qorǵalatyn tabıǵı landshaft aımaǵy tıisti jerdiń tarıh jáne mádenıet eskertkishteri men jańadan anyqtalǵan tarıhı-mádenı mura obektileriniń ornalasýy tirkeletin tarıhı-sáýlet tirek josparyna jáne karta-shemasyna engiziledi. 4. Tarıhı-mádenı mura obektisiniń qorǵaý aımaǵyn, qurylys salýdy retteý aımaǵyn jáne qorǵalatyn tabıǵı landshaft aımaǵyn paıdalaný rejımi 12. Qorǵaý aımaǵy: tarıhı-mádenı mura obektileri jáne onyń aýmaǵyna japsarlas tarıhı qalyptasqan ortanyń saqtalýyn qamtamasyz etý úshin; tarıhı-mádenı mura obektisiniń tarıhı, ǵylymı, kórkemdik nemese ózge de mádenı qundylyqtaryn anyqtaýǵa yqpal etetin jaǵdaı jasaý úshin belgilenedi. Qorǵaý aımaǵynyń aýmaǵynda tarıhı-mádenı mura obektisiniń saqtalýyna, onyń tarıhı-mádenı qabyldanýyna teris áserin tıgizetin jumystar júrgizilmeıdi. 13. Qurylys salýdy retteý aımaǵy tarıhı-mádenı mura obektileriniń qalalardy, eldi mekenderdi, tabıǵat kórinisterin josparlaýdyń jáne salýdyń tarıhı qalyptasqan júıesindegi keńistiktik, kompozısııalyq rólin saqtaý úshin, tarıhı-mádenı mura obektileriniń qazirgi zamanǵy qala qurylysy nemese tabıǵı ortamen úılesimdiligin qamtamasyz etý úshin belgilenedi. Qalalardy jáne basqa da eldi mekenderdi josparlaý, salý jáne qaıta qurý jobalaryn ázirleý jáne bekitý kezinde oblystardyń (respýblıkalyq mańyzy bar qalanyń, astananyń) jergilikti atqarýshy organdary tarıhı-mádenı mura obektilerin qorǵaý jáne paıdalaný jónindegi ýákiletti organmen kelise otyryp, barlyq sanattaǵy tarıh jáne mádenıet eskertkishterin anyqtaý, zerdeleý, saqtaý jónindegi is-sharalardyń oryndalýyn, tarıhı-sáýlet tirek josparlaryn jáne karta-shemalardy jasaýdy qamtamasyz etedi. 14. Qorǵalatyn tabıǵı landshaft aımaǵy tarıhı, sáýlet-kórkemdik nemese ózge de mádenı qundylyǵy bar tabıǵı jáne jasandy landshaftardyń, baýlardyń, saıabaqtardyń saqtalýyn qamtamasyz etý úshin belgilenedi. Qorǵalatyn tabıǵat landshaft aımaǵynyń aýmaǵynda landshaftyń, sýmen qamtý júıesiniń, ósimdikterdiń jáne basqa da aımaq rejıminde kózdelgen elementterdiń sıpatyn ózgertpeıtin qyzmetke ruqsat etiledi.
