Uly jeńisterge halyqpen birge jetemiz

BÁRIMIZDE BIR OTAN, BASTA BIZDI, «NUR OTAN»!

Men el bolashaǵyn aıqyndaýǵa múmkindik beretin osy syndarly synaqta Qazaqstan halqy qoldaý kórsetip, «Nur Otan» partııasy basym daýys alady dep  kámil senemin.

N.NAZARBAEV.

(«Nur Otan» partııasynyń  HIV sezinde sóılegen sózinen).

ULY JEŃISTERGE HALYQPEN BIRGE JETEMIZ

Qazaqstan Respýblıkasynyń Prezıdenti,  «Nur Otan» HDP Tóraǵasy N.Á.Nazarbaevtyń partııanyń  HIV sezinde sóılegen sózi

Qurmetti sezd delegattary!

Qadirli qonaqtar!

Meniń partııalas serikterim!

«Nur Otan» partııasynyń HIV sezi biz úshin mereıli meje – el Táýelsiz­di­gi­niń 20 jyldyǵy merekesi qarsańynda ótýde. Biz jasampaz jıyrma jylda júz jylǵa tatıtyn ulan-ǵaıyr joldy ba­syp óttik. Araıly azattyq arqyly qol jetkizgen jetistikterimizdiń barshasynda «Nur Otan» partııasynyń súbeli úlesi bar. Tóńiregine murattas serikterim top­tasqan partııa táýelsizdik jyldarynda qo­ǵamdy jańa jobalarǵa jumyldyra bildi. Shyn máninde halyqtyq uıymǵa aı­nalǵan «Nur Otan» meniń bastamalary­ma qoldaý kórsetip, irgeli isterdiń uıyt­qysy bolýda. Osylaısha biz bıik belesterdi birge baǵyndyrdyq. Táýelsizdiktiń jasampaz jıyrma jyl­dyǵy – eldigimizdi ornyqtyrý jo­lyn­daǵy alǵashqy kezeńniń mereıli qo­rytyndysy. Biz myńjyldyqtyń úshinshi onjyl­dyǵyna qadam basý arqyly el da­mýy­nyń jańa kezeńinde turmyz. Búginde damýdyń 2020 jylǵa deıingi ındýstrııalyq-ınnovasııalyq Strate­gııa­syn júzege asyra bastadyq. Ǵasyrlyq máni bar bul joba bizge jańa mindetter men jaýapkershilikter júk­teıdi. Onyń ústine, bolashaqtyń ne usy­naryn boljap bilý qıyn. Kóptegen elder daǵdarys daýylyna shydas bermeı, shaıqalýda. Sondyqtan bul kezeńdi biz bıik rýhpen, keń tynyspen, tyń serpinmen bastaǵanymyz abzal. Ol solaı bolǵaly da tur. Barshańyz bilesizder, jańa jyldan keıin elimizde Májilis saılaýy ótedi. Bul joly Májilis saılaýymen birge jergilikti máslıhattardyń da  saılaýy qatar ótetini belgili. Saılaý qorytyndysy boıynsha, Kons­tıtýsııaǵa sáıkes, Májilis kem degende eki partııadan turýy kerek. Elimizde saıası partııalarǵa alǵash ret osyndaı múmkindik berilip otyr. Bul – saılaýdyń jaýapkershiligi men júgin arttyryp, partııalar arasynda shynaıy básekelestikti qyzdyra túse­tini anyq. Men el bolashaǵyn aıqyndaýǵa múmkindik beretin osy syndarly synaqta Qazaqstan halqy qoldaý kórsetip, «Nur Otan» partııasy basym daýys alady dep  kámil senemin.

Qurmetti delegattar!

Meniń qymbatty serikterim!

Bul jolǵy sezdiń Táýelsizdiktiń 20 jyldyǵynda ótýiniń nyshandyq máni bar. Birinshiden, biz elimizdi qalyptasty­rý jolyndaǵy  eki onjyldyqqa sozyl­ǵan eren eńbegimizdiń qorytyndysyn shyǵaryp, ony laıyqty aıaqtaýdamyz. Onyń sońǵy bes jyly tabysty Qazaqstan joly úshin sheshýshi boldy. Olar qazirgi Parlamenttiń jumysymen tuspa-tus keldi. Dál osy jyldar bizdiń halqymyz­dyń uly berik birligin, onyń myzǵymas toptasqandyǵyn aıǵaqtap berdi. Bizdiń ashyq ekonomıkamyz planeta­myz­dyń barlyq tarıhyndaǵy qarjy-ekonomıkalyq daǵdarystyń qatal emtıhanyna tótep bere aldy. Bizdiń saıası jáne áleýmettik júıe­miz naqty, turaqty jáne tıimdi jumys istedi. Munda «Nur Otan» halyqtyq-demo­kra­tııalyq partııasynyń orasan eńbegi bar. Ekinshiden, biz búgin is-qımyldyń «Qazaqstan. 2017-niń maqsattary» dep atalatyn Ulttyq josparyn partııanyń aldaǵy Májilis saılaýyndaǵy jos­pary retinde bekitetin bolamyz. «Nur Otan» qashanda naqty isterdiń partııasy boldy jáne bolyp qala beredi. Bizdiń saılaýaldy tuǵyrnamamyz – bul Qazaqstannyń 2020 jylǵa deıingi Strategııalyq damý jospary men «Qa­zaq­stan-2030» Strategııasynyń óz keze­ńine naqty belgilengen quramdas bóligi. Jáne bizdiń ortaq mindetimiz – saı­laýaldy kúreste bizdiń partııalyq min­det­terimizdiń  túbegeıli mazmunyn ár saı­laýshyǵa, ár qazaqstandyqqa jetkizý! Táýelsizdiktiń úshinshi onjyldyǵy­nyń tarıhy búgin bastalady. Sondyqtan 15 qańtardaǵy parlamenttik saılaý – bul bolashaqtyń aqıqat sáti deýge bolady. Men bizdiń «Nur Otan» partııasyn qazaqstandyqtardyń búkilhalyqtyq qoldaıtynyna senimdimin. Bizge, nurotandyqtarǵa tek jeńis kerek! Ol belgilengen baǵdarlamalardy oryndaýdy jalǵastyrý jáne barlyq azamattardyń ál-aýqatyn odan ári jaqsartý úshin qajet.

Qurmetti delegattar!

Bes jylǵa jýyq ýaqyt buryn, al­ǵash ret partııalyq tizimder negizinde ótkizilgen Májilis saılaýynda bizdiń partııa saılaýshylardyń absolıýtti kóp­shiliginiń qoldaýyna ıe boldy. Búgin osy sezdiń minberinen biz maq­tanyshpen málimdeımiz: «Nur Otan» partııasy 2007 jylǵy saılaýǵa barǵan Halyqtyq tuǵyrnama merziminen buryn oryndaldy. Jáne bul bizdiń ortaq jeńisimiz! Bul bizdiń halqymyzdyń jeńisi! О́ıtkeni, biz ony álemdik daǵdarys­tyń asa aýyr jaǵdaıynda júzege asyr­dyq. Sebebi, tuǵyrnama túzilgen kezde biz osyndaı daýylmen betpe-bet kelemiz dep oılaǵan joqpyz. Ol, árıne, qan­daı da bir túzetýler engizdi, biraq biz jolymyzdan adaspaı, belgilegen jáne ýáde bergen mindetterdiń údesinen shyqtyq. Tolyq emes bes jyl ishinde Qazaq­stan ekonomıkasynyń kólemi 2 ese ul­ǵaıdy. Tek osy jyly ǵana ınnovasııalyq úlgidegi 350 jańa kásiporyn salyndy. Táýelsizdiktiń 20 jyldyǵy jylynda bizdiń aýyldyqtar rekordtyq 30 mıllıon tonna astyq jınady. Biz álemde un eksporty jóninen birinshi oryndy tórtinshi jyl qatarynan ustap kelemiz. Qazaqstan shet el ınvestısııasyn álemde eń kóp tartqan kóshbasshy 20 el qataryna endi. Tipti qurylys salasy úshin  kúrdeli kezeńniń ózinde 19 mıllıon  sharshy metr jańa turǵyn úı salyndy. Jarty mıllıonnan astam qazaq­stan­dyq ózderiniń turǵyn úı jaǵdaıyn jaqsartty. Jumyssyzdyq deńgeıi 7-den 5,4 paı­yzǵa deıin tómendedi. Biz halyq ál-aýqatynyń jahandyq reıtınginde álemdegi alǵashqy 50 mem­lekettiń qataryna endik. Jan basyna shaqqandaǵy IJО́ kóle­mi bıylǵy jyly 10 myń dollardan  astamdy quraıdy, al 2015 jylǵa qa­raı 15 myń dollarǵa jetedi. Biz kezinde bul týraly tipti armandaı aldyq pa? Búginde osy kórsetkish boıynsha biz, basqa kórshilerimizdi aıtpaǵannyń ózin­de, Ýkraınadan 2 eseden astamǵa  asyp tústik. Biz Shyǵys Eýropanyń birqatar elderiniń aldynda turmyz. Tórt jarym jylda turǵyndardyń aqshalaı tabystary, bıýdjet salasyn­daǵylardyń eńbekaqylary, stýdent­terdiń stıpendııalary 2 ese ósti. Zeınetaqy tólemderi men bir jasqa tolmaǵan sábıdi kútip-baqqany úshin járdemaqylar 2,6 ese ósti. Bilim berýge, ǵylym men densaýlyq saqtaýǵa shyǵyndar 2 ese ulǵaıdy. Búkil elimiz boıynsha shamamen 4 myń jańa balalar baqshasy ashylsa, bul týraly men ózimniń Joldaýymda tapsyrma bergen bolatynmyn, 350 mektep, 50 shaqty kolledj salyndy. Jańa Nazarbaev ýnıversıteti, bola­shaqtyń Intellektýaldyq mektepter jelisi quryldy. Biz ǵylymı-ınnovasııalyq sala re­formasyna kiristik. Qajetti zańdar qa­byldanyp jatyr, ǵylymdy qarjylan­dyrý ulǵaıdy, tıisti zań qabyldandy. Qazaqstanda 150-deı jańa emhana, aýrýhana men medısına ortalyqtary turǵyzyldy. Astanada bizdiń densaýlyq saqtaý salamyzdyń flagmany – Bolashaqtyń gospıtali qurylý ústinde. Qazaqstandyqtardyń ómir jasynyń uzaqtyǵy   2 jylǵa artyp, ana men bala ólimi aıtarlyqtaı azaıdy. Halyqaralyq sarapshylar qazirdiń ózinde Qazaqstandy eń jedel ósip otyr­ǵan álem ekonomıkasynyń úshtigi­ne qosty. Bizdiń aldymyzda tek Katar men Qytaı ǵana tur. Álemdik daǵdarystyń qıyn jyl­darynda biz ózimizdiń áleýmettik  mindetterimizden bas tartpaı, Halyqtyq tuǵyrnamanyń mindetterine  adaldyq tanyttyq! Men aıtqan osy sandardyń barly­ǵynyń artynda búkil  halyqtyń jáne, árıne, bizdiń «Nur Otan» partııasynyń aýqymdy jumysy tur. «Nur Otan» partııasynyń parlamenttik kópshiliginiń negizinde jasaq­tal­ǵan bizdiń Úkimetimizdiń daǵdarys jaǵ­daıynda kásibılikpen jemisti ju­mys istegenin atap ótý kerek. Parlamenttik fraksııa qajetti zań­dardy, onyń ishinde daǵdarysqa qarsy zańdardy da qabyldaýdy qamtamasyz etti. Men sezd minberinen Májilistiń barlyq depýtattaryna olardyń qyz­meti kezeńindegi jaýapty, nátıjeli ju­mystary úshin shynaıy rızashy­lyǵym­dy bildirgim keledi. Partııa olardyń orasan tájirıbesin paıdalanýy tıis ekenine senimdimin. Men depýtattardyń kópshiligi qaıta saılanady, al kimniń mandaty aıaqtalsa – partııa bul adamdar ózderiniń tájirı­belerin atqarýshy bılik organdary men bizdiń partııanyń organdarynda paıda­lanýlary úshin qamqorlyq tanytady ǵoı dep oılaımyn. Bizdiń máslıhattardaǵy depýtattyq toptarymyz, partııanyń óńirlik fı­lıal­dary óńirlerde Jol kartasynyń, Turǵyndardy eńbekpen qamtýdyń jańa strategııasynyń oryndalýy úshin adal eńbektendi. Barlyq óńirlerde turǵyn úı-kommý­naldyq sharýashylyq keshenin jańǵyr­tý, jol jóndeý men salý, qalalar men aýyldardy abattandyrý boıynsha biz­diń tarıhymyzda buryn-sońdy bolma­ǵan jumystar júrgizildi. «Nur Otan» partııasy  Qazaqstan halqy Assambleıasymen, Qazaqstannyń kásipodaqtarymen, qoǵamdyq birlestikterimen barlyq baǵyttar boıynsha tyǵyz jumys istedi. Kúrdeli kezeńde biz turaqtylyqty, beıbitshilik pen kelisimdi kózimizdiń qa­rashyǵyndaı saqtadyq. Bul Qazaqstan búkil álemde  aıtsa sengisiz  bedel men qurmetke qol jetkizgen nátıjeniń berik negizi bolyp tabylady. Bizdiń álemdik arenadaǵy tabys­tarymyz – barlyq jańa táýelsiz memleketter úshin biregeı jáne teńdessiz. Eýropa Keńesiniń Bas hatshysy Iаgland myrza taıaýdaǵy bizdiń áńgimemiz barysynda «álemdegi kez kelgen adam Qazaqstannyń óńirde ǵana emes, son­daı-aq álemdik arenada úlken tabysqa jetkenin aıta alatynyn» aıryqsha atap kórsetken edi. Bul – syrtqy baqylaýshynyń bizdiń jumysymyz ben tabystarymyzǵa bergen shynaıy baǵasy. Men biz úshin bul erekshe jaǵymdy ǵoı dep oılaımyn. 2010 jyly Qazaqstan asa iri halyq­aralyq uıym – EQYU-ny laıyqty basqardy. EQYU-nyń Astana Sammıti bizdiń jáne búkil álemdik tarıhtyń altyn paraǵynyń biri boldy. Qazir, óte kúrdeli ýaqytta, biz Islam Yntymaqtastyǵy Uıymyndaǵy tóraǵalyq mıssııany atqarýdamyz. Bizdiń elimiz jahandyq antııadrolyq qozǵalystaǵy kóshbasshylyq pozısııa­syn aıtarlyqtaı nyǵaıtty. Bizdiń ıadrolyq qarýsyzdaný men taratpaý úderisine dáıekti qatysýshy retindegi úlgimiz qazirgi álemde eshqandaı talas týǵyzbaıdy. Biz, ózderińiz biletindeı, ıdeıasyn 17 jyl buryn men ilgeriletken eýrazııa­lyq ıntegrasııa salasynda sapalyq ser­pindilikke qol jetkizdik. Qazaqstan, Belarýs jáne Reseı Keden odaǵy jumys isteı bastady. Bir apta buryn Máskeýde 2012 jyldyń 1 qańtarynan bastap Birtutas ekonomı­kalyq keńistik qalyptastyrý týraly úsh jaqty ýaǵdalastyqqa qol qoıyldy. Bul qadam bizdiń Táýelsizdigimizdiń taǵy bir kepili bolyp tabylady jáne bizdiń syrtqy ekonomıkalyq qaýipsiz­digimiz ben óńirlik turaqtylyǵymyzdy aıtarlyqtaı nyǵaıtady. Aıtylǵandardyń barlyǵy – biz 5 jyl buryn jarııalaǵan partııa tuǵyr­na­masyn is júzinde oryndaýdyń naqty nátıjesi. Osylaısha, «Nur Otan» partııasy halyq birliginiń, eldi tek qana alǵa – jańa jeńister men asýlarǵa sheshimdilikpen jeteleıtin muqalmas erik-jigerdiń partııasy boldy jáne bolyp qala beredi!

Qymbatty qazaqstandyqtar!

Qurmetti sezd delegattary!

Bizdiń elimiz aýqymdy modernızasııa dáýirine aıaq basyp keledi. Biz jahandyq damýmen ortaq yrǵaq­qa endik. Eldi damytýdyń strategııalyq maqsattary men mindetteri tutas on­daǵan jyldarǵa buryn jasalǵan. 2017 jylǵa qaraı ekonomıkanyń shıkizattyq emes sektoryna ınvestı­sııa­lar 15 paıyzǵa ósedi. IJО́ qurylymynda óńdeýshi óndi­ris­tiń úlesi aıtarlyqtaı artyp, daıyn ónim eksporty 40 paıyzǵa ulǵaıatyn bolady. О́nerkásiptegi eńbek ónimdiligi bir jarym ese artady. Metallýrgııa jáne hımııa sala­laryndaǵy óndiris kólemi eki eselenedi. Bizdiń jeńil ónerkásip ónimderimiz ishki rynok suranysynyń úshten birin qamtamasyz etetin bolady. Tutastaı alǵanda, biz bolasha­ǵy­myzdy HHI ǵasyrdyń basty synaqta­ryn qaperge ala otyryp elestetemiz. Búginde biz álemdik daǵdarystyń tipti kóptegen jyldar boıy damý men turaqtylyqtyń úlgisi sanalǵan memle­ketterdiń ózin qalaı korrozııaǵa ushy­ratqanyn kórip otyrmyz. 2009 jyly-aq men álemdik qarjy júıe­sin reformalaý bastamasyn kótergen bolatynmyn. «Daǵdarystan shyǵýdyń kilti» atty ma­qa­lamda men daǵdarysqa qarsy opa­lan­ǵan sharalar álemdi jahandyq daǵ­da­rystyń jańa tolqyndarynda opa bermeıtinin jazǵan edim. Jáne qazirde oqıǵalardyń damýy mun­daı baǵamnyń ádildigin kórsetip otyr. Men ózimdi optımısterdiń de, pes­sımısterdiń de qataryna qospaımyn. Búginde jahandyq kataklızmderge daǵdarys álsiretken ekonomıkalarǵa memlekettik bereshektiń ósimi alyp kelýi yqtımal ekeni aıqyn. Qarjy daǵdarysy men oǵan ere kelgen resessııalar osal orta qalyp­tas­tyr­sa, nazar aýdarýsyz qaldyrylǵan táýe­kelder erteńgi daǵdarysqa aınalady. Eýropada ne bolyp jatqanyna qa­rańyzdar. Defolt qateri Grekııanyń, Ispanııa­nyń, Italııanyń, Portýgalııanyń al­dynda tur. Domıno áserinen qaýiptengen Eýro­odaq elderiniń basym bóligi búginde belgili bir deńgeıde kómek suraýǵa májbúr. Áleýmettik problemalar Amerıka Qurama Shtattarynda, Avstralııada ótkir kórinýde. Barlyǵyna aýyr tıip tur. Álemdik daǵdarys,  árıne, bizge de áserin tıgizetin bolady. Jáne ol ótken kezeńdegideı bizdiń josparlarymyzǵa da túzetý engizýi yqtımal. Sondyqtan, barlyq tabystary­myzǵa qaramastan, biz kez kelgen kút­pe­gen jaǵdaılarǵa daıyn bolýǵa tıispiz. Qazirgi zamanǵy saıasattyń basty máselesi – memlekettiń naqty baǵ­dary týraly másele. Ondaǵan elderdegi qazirgi mazasyz oqıǵalardy, jalpylaı alǵanda, memlekettik qundylyqtar daǵdarysy dep ataý­ǵa bolady. Álem qoǵamnyń basty ıgiligi quddy bir aqsha bolyp tabylatyndaı, aıyrbas pen jınaqtaý quralynan jalǵan «jo­ǵa­ry qundylyqtarǵa» aınalyp, monetarızm ıdeıasyn eleýsiz ǵana «jutyp qoıdy». Sondyqtan, qazirgi memleketterdi saýyqtyrý – ólsheýge bolmaıtyn arqaý­lyq qundylyqtarǵa qaıta oralý. Ádilettilikten aýytqýdyń ózi álem­dik daǵdarystyń túbegeıli sebebi bo­lyp tabylady. Ádilettilikti qalpyna keltirý daǵ­darystan keıingi álemniń negizi bolady. Ádiletti halyqaralyq qatynastar qajet. Ádil álemdik valıýtadaǵy ádil ha­lyq­aralyq qarjy júıesi qajet. Baı jáne kedeı elder arasyndaǵy aıyrmashylyq óse túsýde. Búgingi álemde kóptegen adamdar ekonomıkaǵa tolyqqandy qatysý, álem­dik ekonomıkalyq ósýdiń barlyq ıgilikterin alý múmkindikterinen aıyrylǵan. Bul tepe-teńsizdikterge, áleýmettik shıelenister men daý-janjaldarǵa aparyp soqtyrýda. Men osyǵan deıin de aıtyp kelgendeı, Qazaqstan el azamattarynyń eko­no­mıkalyq ósýge keńinen qatysýyna jol ashatyn menshiktiń eń jańa qury­ly­myn qalyptastyrýǵa kiristi. Halyqtyq IRO júıesi arqyly qa­zaq­standyqtar eldiń strategııalyq ak­tıvteriniń menshik ıeleri bola alady. Onyń ne ekenin halyqqa túsindirý qajet. Álemdik deńgeıde tanylǵan iri ulttyq kompanııalar aksııalarynyń bir bóligin alý arqyly bizdiń azamattary­myz elimiz baılyǵyna ıelik etip, dıvıdentter men tabystar taýyp tura alady. Kelesi jyldyń ózinde-aq halyqtyq IRO-ǵa alǵashqy bolyp «QazTransOıl», «KEGOK» jáne «Eır Astana» shyǵady. Olardan soń qalǵan iri ulttyq kompa­nııa­lar da qosylady. Al 2014-2015 jyl­dary «QazMunaıGaz» shyǵatyn bolady. Halyqtyq IRO baǵdarlamasy – án­sheıin jańa buqaralyq jekeshelendirý emes. Ol laıyqty ómir súrip jatqan jańa menshik ıeleriniń buqaralyq tabyn qurý úderisi. Halyqtyq IRO úshin senimdi quqyq­tyq negiz qalyptastyrý jáne damytý Májilistiń kelesi quramynyń birinshi kezekti mindeti bolyp tabylady. Munyń syrtynda barlyq quqyq qorǵaý organdaryndaǵy reformalardy tereńdetip, jumysty jalǵastyrý qajet. Sybaılas jemqorlyqqa qarsy kúresti kúsheıte túsý kerek. «Nur Otan» partııasy sybaılas jem­qorlyqpen kúres jónindegi úsh júz­den astam qoǵamdyq keńesterdiń jalpyulttyq jelisin quryp, oǵan basshylyq jasap otyr. Azamattardyń bir myńnan astam ótinishteri qaralyp, olardyń kópshiligi boıynsha qylmystyq ister qozǵaldy, naqty sheneýnikter jazalandy. Biz sybaılas jemqorlyqpen kúres máselesinde ymyrasyz bolýǵa tıispiz. Partııa sybaılas jemqorlyqqa qar­sy keń kólemdi qozǵalystyń basynda bolýǵa tıis jáne bolady da. Bilim berý men densaýlyq saqtaýdyń ádil júıesi, ádil áleýmettik qorǵaý, ádil jastar jáne turǵyn úı saıasaty – bular bizdiń damýymyzdyń jańa kún tártibindegi máseleler. Olar «Ulttyq is-qımyldar jospa­ry. Qazaqstan. 2017-niń maqsattaryn­da» kórinis tapqan. Birinshiden, bilim berý salasynda biz ata-analar balalarynyń oqýyna qar­jy jınaý úshin der kezinde asha ala­tyndaı oqytý depozıtteri júıesin engizýimiz kerek. Kelesi bes jylda 3 myńnan astam balabaqshalar men mektep jasyna deıin­giler úshin damytý ortalyqtary ashy­lyp, keminde 400 jańa mektep salynady, álemdik deńgeıdegi kásiptik kolledjder jelisin qurý jónindegi joba júzege asyrylady. Barlyq bilim berý uıymdarynyń 90 paıyzdan astamyn keń jolaqty ınter­net­ke qosý, 60 paıyzynda elektrondy oqy­tý júıesin engizý mindetin alǵa qoıamyn. Pedagogtardyń eńbekaqylary olar­dyń biliktiligine baılanysty 30 paıyzdan 100 paıyzǵa deıin ósedi. Ekinshiden, densaýlyq saqtaý júıesi úsh jańa dárigerlik ambýlatorııalarmen, elý emhanalarmen jáne feldsherlik-akýsherlik pýnkttermen tolyǵatyn bo­lady. Ár oblysta avıasııany qoldaný ar­qyly shuǵyl kólik medısınasy engizi­ledi. «Densaýlyq» medısınalyq poı­yz­darynyń sany artady. Sapaly medısınalyq qyzmetter qol­jetimdi bolý úshin barlyq qazaq­stan­dyqtarǵa birdeı jaǵdaılar týǵyzylady. 2017 jylǵa qaraı ana men bala ólimi kórsetkishi bir jarym ese tómendetiledi. Úshinshiden, ádil áleýmettik júıe – bul eń aldymen laıyqty zeınetaqylar men áleýmettik áljýaz halyqqa tóle­netin ótemaqylar. 2017 jylǵa qaraı arqaýlyq zeınet­aqy tólemderi men ataýly áleýmettik kómek eń tómengi kúnkóris deńgeıiniń kem degende 60 paıyzyn quraıtyn bolady. Sonymen birge, múgedekter men mem­lekettik áleýmettik járdemaqy­lar­dy yqtımal alýshylardyń ózge top­tary­nyń óz áleýetterin júzege asyrý­la­ry úshin múmkindikterdi keńeıtý jó­ninen naqtyly jumys júrgizý qajet. Taıaýdaǵy bes jylda nesıe somasy 3 mıllıon teńgege deıin jetetin selolyq kásipkerlerdi shaǵyn nesıeleý baǵdar­lamasy júzege asyrylatyn bolady. Sizder «Jumyspen qamtý – 2020» baǵ­darlamasynyń júzege asyrylyp jat­qanyn bilesizder. Eńbekke qabiletti azamattar jumys isteýi kerek. Bul biz­diń negizgi kómegimiz. Memleket búginde kómek kórsetip otyr. Aýyldyq jerde ispen aınalysqysy keletinder úshin – ol 3 mıllıon teńgege deıingi shaǵyn nesıeler. Onda jumys isteı almaı­tyn­dardy biz memleket esebinen qalalarda oqýǵa shaqyramyz, olardy turǵyn úı­men qamtamasyz etip, jumysqa orna­las­tyramyz. Muny túsindirý kerek. Bul bizdiń jaǵdaıymyzda óte mańyzdy baǵdarlama. Bizde óte kóp mıgranttar jumys isteýde. Qazaqstanda jumys­syz­dar sany meılinshe az bolýy tıis. Ol úshin bizde barlyq múmkindikter bar. Biraq, eń aldymen, adamnyń óziniń eń­bek etip, óziniń jáne óz otbasynyń tur­my­syn jaqsartýǵa degen nıeti bolýy qajet. 2018 jyly Qazaqstan turǵyndary­nyń tabys deńgeıi joǵary elder to­byna enýi tıis. Tórtinshiden, aldaǵy bes jylda 24 mıllıon sharshy metrden kem emes turǵyn úı qurylysyn qamtamasyz etý qajet. Jergilikti ákimdikterge azamattar­dyń, ásirese, jas otbasylardyń tur­ǵyn  úı jınaq salymdaryna qymbat emes turǵyn úı qurylysyn júrgizýine qoldaý kórsetiletin bolady. Biz qalaımyz ba, álde qalamaımyz ba, aýyldan qalaǵa kóshý júrip jatyr. Ol jalǵasa beretin bolady. Negizinen olar ornyqty jaǵdaıy, eshqandaı ma­man­dyqtary joq jastar. Bizdiń mindetimiz barlyq jerlerde, barlyq qala­lar­da, oblystarda, óńirlerde olardyń belgili bir jerlerde ómir súrip, osy baǵ­darlama boıynsha mamandyqtarǵa oqyp jáne iske aralasýyna jaǵdaılar jasaý. Turǵyn úı taqyrybyn jalǵastyra otyryp, az qamtamasyz etilgen azamat­tar­dyń jóndeý jumystaryna ataýly kó­mek jáne qurylys júrgizýge maqsat­ty jarnalar alatyndyǵyn aıtqym keledi. 2017 jylǵa qaraı qalalardyń bári ortalyq sýmen jabdyqtaýmen 90 paıyz qamtamasyz etiledi, 30 myńnan astam kommýnaldyq jeliler qaıta jańǵyr­tylady. Bizdiń elimizde kommýnaldyq ister boıynsha eshqashan mundaı kólemde jumys júrgizilgen emes. Besinshiden, ádil jastar saıasaty jas qazaqstandyqtardyń ındýstrııa­lan­dyrý baǵdarlamalaryna belsendi atsalysýyna negizdeletin bolady. Biz jas mamandarǵa, jas otbasy­larǵa qoldaý kórsetý baǵdarlamasyn júzege asyrýdamyz. Qarýly Kúshterde, polısııada jáne ózge de quqyq qorǵaý organdarynda qyzmet arqyly Otanǵa qyzmet etý mamandyǵyn tańdaǵan jastarǵa turaq­ty qamqorlyq jasaý – aıryqsha másele. Biz bul jerde áskerı qyzmetshiler otbasylary úshin oryn alǵan turǵyn úı problemalaryn tolyq jabýǵa tıispiz. Bul aspektilerdiń bári bizdiń saı­laýaldy baǵdarlamamyzǵa engizilgen. Olardy naqtylandyrý meniń kelesi jylǵy Joldaýymda odan ári damy­ty­latyn bolady. «Nur Otan» partııasynyń «Halyq daýysy» aksııasyna atsalysqan bir mıllıonnan astam qazaqstandyqtar Ulttyq is-qımyldar josparynyń teń avtorlaryna aınaldy. Bizdiń partııamyz – halyqtyq-de­mo­kratııalyq, sondyqtan ol barlyq qa­zaq­standyqtardyń múddelerin beıneleıdi. Bizdiń endigi boryshymyz – barlyq kezde de ádildik partııasy bolyp qalý. О́ıtkeni, ol «Nur Otan» partııasy­nyń uzaq merzimdi saıası kóshbasshy­ly­ǵynyń, qazaqstandyq saılaýshylar se­nim­deriniń joǵary deńgeıin bútindeı on­daǵan jyldar alǵa oza otyryp ustap turýdyń basty kezeńi jáne negizgi sharty.

Qurmetti delegattar!

Alda turǵan Májilis saılaýy – saıası júıeni modernızasııalaýdaǵy mańyz­dy qadam. Ortalyq memlekettik bılik organ­daryn jańartý úderisi Májilis pen máslıhattardan bastalady. Sondyqtan parlamentshilerdiń merziminen buryn saılaý ótkizý týraly bastamasy tereń qurmetke laıyq. Saılaýshylardyń erik bildirýi ar­qy­ly 2007 jylǵy konstıtýsııalyq re­formanyń mańyzdy normasy merziminen buryn júzege asyrylatyn bolady. Daýys berý qorytyndysy boıynsha alǵash ret keminde 2 partııalyq frak­sııa­nyń qatysýymen, kóp partııaly negizde jumys isteıtin Parlament qalyp­tastyrylady. Odan soń jańa Úkimet jasaqtalyp, mınıstrlikter men vedomstvolar sa­palyq turǵyda jańarady. Osylardyń bári barlyq saıası partııalardyń jaýapkershilik deńgeıin arttyra túsedi. Búginde jańa jaǵdaılardaǵy saıası básekelestik maǵynasynyń nede ekenin aıqyn túsinýdiń mańyzy zor. Eger álemge kóz salar bolsaq, HHI ǵasyrda tabysty partııanyń kúshi onyń ákkilikpen synaı bilýinde emes. Partııanyń kúshi – onyń jurt­shylyqty synaqtar soqpaǵynan alyp ótý, turaqtylyq pen halyq birligin nyǵaıta bilý qabiletinde. «Nur Otan» – osyndaı partııa. Biz ony óz tarıhymyzben, ózimizdiń Qazaqstan úshin jáne qazaqstandyq­tardyń ıgiligi úshin tynymsyz atqarǵan jumysymyzben dáleldedik. Sonymen birge Saıası keńes Bıýrosynan bastap, bastaýysh uıymǵa deıin – báriniń de saıası jumystardyń jańa formalaryn meńgerýleri kerek. Birinshi. Bizdiń partııada kadr saıasatynyń aıqyn júıesi bolýy tıis. Aýdan men oblys departamenti bas­shysynan bastap mınıstrge deıingi mem­lekettik menedjerlerdiń jaýapty qyzmetterine kadrlar irikteýdegi par­tııanyń rólin kúsheıtý qajet. Ekinshi. «Nur Otan» partııasy stra­tegııalyq memlekettik bastamalar ja­saý­dyń ortalyǵy bolýǵa tıis. Mańyzdy zańdar men baǵdarlamalar jobalarynyń partııa alańdarynda – sezder men konferensııalarda, Saıası keńestiń keńeıtilgen otyrystarynda aldyn-ala talqylanýynyń mańyzy zor dep esepteımin.                                                            Úshinshi. Partııa basshylyǵy men onyń Parlamenttegi fraksııasy qyz­meti­niń birtutas algorıtmi qajet. Barlyq máslıhattardaǵy nurotan­dyq depýtattar jumystaryn úılestirý­diń aıqyn júıesi bolý kerek. Tórtinshi. Jańa tuǵyrnamanyń oryn­dalýy partııa basshylyǵynyń qatań baqylaýynda bolýy tıis. Ortalyq apparatta ındýstrııalan­dyrý­dyń, áleýmettik modernızasııa­laý­dyń, turǵyn úı saıasatynyń, jastar­men, ardagerlermen, ÚEU-lar jáne basqalarmen jumystardyń mańyzdy baǵyttary men jobalary boıynsha kýratorlar ınstıtýtyn qurý qajet. Besinshi. Elektorattyq kezeńde «Nur Otan» partııasy ózge saıası par­tııalarmen, kásipodaqtarmen jáne ÚEU-larmen yntymaqtastyq týraly saı­laýal­dy memorandýmy sııaqty qural­dardy paıdalanýy kerek. Men osy saılaýǵa qatysatyn bar­lyq saıası partııalar halyq aldyndaǵy, el aldyndaǵy, álemdik tarıhtyń kúr­deli kezeńi aldyndaǵy jáne daǵdarys aldyndaǵy joǵary jaýapkershilikti bas­shylyqqa alyp, bizdiń qoǵamy­myz­daǵy turaqtylyqty, tynyshtyqty saqtaý úshin yntymaqtastyq tanytyp, saıası kúreste naqtyly jáne ádepti bolady degen senim bildirgim keledi. Prezıdent retinde men jańa Par­lamentte de jáne bizdiń elimizde de ókildikke ıe barlyq saıası kúshtermen jumys isteıtin bolamyn. Barlyq parlamenttik partııalardyń jemisti jumys isteıtinine, tek qana bizdiń Otanymyzdyń ulttyq múdde­le­rin basshylyqqa alatynyna senimdimin. Bizdiń halqymyzǵa, bizdiń yrǵaqty damyp kele jatqan elimizge keregi de dál osy.

Qymbatty dostar!

Uly kún – Táýelsizdiktiń 20 jyl­dyǵyna az ǵana kúnder qaldy. Men barlyq delegattardy, barlyq nurotandyqtardy alda kele jatqan mereıtoımen aldyn-ala quttyqtaımyn! HHI ǵasyrda  tek kúshti memleketter ǵana tabysty damı alady. Kóshbasshy saıası partııa retinde «Nur Otan» eldiń bolashaǵy, qoǵamda­ǵy turaqtylyq pen aldaǵy ondaǵan jyl­darǵa arnalǵan saıası baǵyttyń sa­baqtas­tyǵy úshin jaýapkershilikti óz moınyna alady. Sizderdiń bárińiz osy jyldar boıy meniń komandam boldyńyzdar. Sizder­diń kópshiligińizdi men uzaq jyldardan beri bilemin. Men sizderge sendim jáne senemin jáne árqaısyńyzǵa úlken mindetter júkteımin! Ýaqyttyń ózi bizden birlikti talap etip otyrǵan búgingi kúni komandalyq rýh pen toptasqandyq óte mańyzdy. Tek solaı ǵana biz bolashaqqa, jańa jeńisterge, jańa tabystarǵa bara alamyz! Alǵa, «Nur Otan»! Alǵa, Qazaqstan!

Qurmetti sezd delegattary!

Qadirli qanattastarym!

Bizdiń aldymyzda elimizdi asqar asýlarǵa bastaıtyn tarıhı mańyzy zor taǵdyrly sheshimder qabyldaý mindeti tur. Men «Nur Otan» partııasynyń HIV sezi jańa kezeńge betburys bastaýy bolady dep úmit artamyn. Bizdiń qýatymyz – birlikte. Biz berik birligimiz ben bekem tirligimiz arqyly ulan-ǵaıyr jetistikke qol jetkizdik. Aldaǵy ýaqytta da ıyq tirese júrip, bıik belesterdi birge baǵyndyra beretinimizge senemin. Bizdiń baǵytymyz aıqyn, bola­sha­ǵymyz jarqyn. Endeshe, osy jolda barshańyzǵa tolaıym tabystar tileımin. Táýelsizdigimiz tuǵyrly, eldigimiz ǵumyrly bolsyn! Alǵa, Qazaqstan!