Delegattar lebizi

Ábdirash AQYLBEKOV, L.N.Gýmılev atyndaǵy Eýrazııa ulttyq ýnıversıteti fı­­zı­ka-tehnıkalyq fa­kýl­tetiniń dekany: – Bul sezdiń ereksheligi aıryqsha dep oılaımyn. Birinshi másele – 15 qańtarda ótetin saı­laýǵa depýtattardy usyný boldy. Bolashaqta osy depýtattarǵa kóp nárse baılanysty bolady ǵoı. Biraz máseleni solar sheshedi. Parlament Májilisiniń tarap otyrǵany da jaı emes. Aldymyzda álemdik daǵdarys kele jatyr. Bul soǵan daıyndyqtyń bir kórinisi. Al daıyndyq tájirıbeli Parlamentten de bastaý alary sózsiz. Soǵan baılanysty «Nur Otan» partııasynyń sezi óziniń beldi degen azamattaryn usyndy. Sezge stýdentter qaýymy da úlken daıyndyqpen qatysty. Endi ýnıversıtettegi aýdıtorııalarda osy sezde qandaı máseleler kóterilgenin aıtyp, sol arqyly biz bul sezdiń mańyzdylyǵyn jan-jaqty jetkizetin bolamyz.   Ulasbek SÁDIBEKOV, Ońtústik Qazaqstan oblys­tyq «Nur Otan» partııasy fılıaly tóraǵasynyń birinshi oryn­basary: – Sezde eki másele qaraldy. Bireýi – saılaýaldy tuǵyrna­ma­ny qabyldaý, ekinshisi – aldaǵy Parlament Májilisi saılaýyna partııalyq tizimdi usyný. «Nur Otan» partııasynyń lıderi, Elbasy 2007 jylǵy saılaýda qabyldanǵan tuǵyrnamany osylaı jarııa etken bolatyn. Odan bergi ýaqyttyń ishinde sol tuǵyrnamada kórsetilgen máseleler artyǵymen oryndaldy dep aıtýǵa bolady. Ásirese, áleýmettik máseleler. Sebebi, halyqqa keregi de osy áleýmettik máselelerdiń sheshilýi ǵoı. Álemdik daǵdarysqa qaramastan mıllıardtaǵan qarjy bólinip, olar birinshi kezekte aýyldyq jerlerge jetip jatty. Osylaısha, aýyldardaǵy áleýmettik jaǵdaılar sheshildi. Al áleýmettik jaǵdaı degenimiz – aýrýhana, balabaqsha, mektep, taza sý, jol. Mine, osy salalar­ǵa qyrýar qarjy qarastyrylyp, úlken jumystar atqaryldy. Bul rette Elbasynyń Joldaýda aıtqan sózderine, basqa da minberlerde kótergen bastama­laryna qatysty qabyldanatyn baǵdarlamalarǵa qarap otyryp, is pen sózdiń qatar júretinin Qazaqstan halqy biledi dep oılaımyn.   Muhıt ShERMUHANULY, «Nur Otan» HDP Qor­ǵal­jyn aýdandyq fılıaly tór­aǵa­synyń birinshi oryn­basary: – Biz respýblıkalyq saıası keńestiń keńeıtilgen májilisinde Saıası Keńestiń múshelerimen birge osy sezde talqylanǵan máse­le­lerdiń barlyǵyn qarap, nátı­jesinde olar biraýyzdan maquldandy. Partııanyń 2017 jylǵa deıingi ulttyq baǵyttaǵy sharalary halqymyzdyń áleýmettik jaǵdaıyn jaqsartýǵa baǵyttalǵan. Partııa óziniń istiń partııasy ekenin dáleldep otyr. Densaýlyq salasyn, bilim-ǵylym salasyn damytý, áleýmettik salalardy jaqsartý, ındýstrııalyq-ınnovasııalyq damý baǵdarlamalary – bulardyń barlyǵy Qazaqstannyń gúldenýine úles qosatyn ıgi qadamdar dep sanaımyn. Bolashaqta da partııanyń bastamalary odan ári júzege asyrylyp, bizder, ıaǵnı partııa belsendileri ózimizdiń múmkindikterimizdi paıdalanyp, úlesimizdi qosamyz degen senimimiz bar.   О́mirzaq MELDEHANOV, Shymkent qalalyq fılıaly­nyń «Nur Otan» partııasy tór­aǵasy: – Sezde qaralǵan máseleniń alǵashqysy – «Nur Otan» HDP-nyń 2017 jylǵa deıingi ulttyq is-qımyl jospary. Ekinshi másele – Parlament Májilisi saılaýyna depýtattyqqa túsetin kandıdattardyń tizimin usyný jáne bekitý. Árıne, árbir sezden halyq úlken jańalyq kútedi. Bul oraıda jańa ózgerister men jańa bastamalar, soǵan sáıkes ıgi jumystardyń atqarylýyn kútedi. Alda úlken saılaý kele jatyr. Osy saılaý kezinde «Nur Otan» partııasy óziniń ornyn taǵy da nyqtaı túsedi degen oıdamyn. Sebebi, halyq arasynda partııany basqaryp otyrǵan Elbasymyzdyń bedeli, «Nur Otan» HDP bedeli jaqsy. Al partııanyń 2017 jylǵy ulttyq is-qımyl josparyna kelsek, «Nur Otannyń» aldyna qoıyp otyrǵan maqsat-mindeti, soǵan sáıkes kóteriletin bastamalar – biz úshin aıryqsha mańyzdy. Sebebi, osyndaı maqsat-mindetter men bastamalarǵa qaraı bizdiń baǵdarymyz aıqyndalady, ekonomıkamyz odan ári jandana túsedi.   Murat ÁBENOV, «Nur Otan» HDP múshesi: – Biz búgingi kúnge deıingi aldymyzǵa qoıǵan maqsatta­ry­myzdy oryndadyq dep oı­laımyn. Qarjy daǵdarysy boldy, basymyzdan kóptegen qıynshylyqtar ótti, biraq soǵan qaramastan kóp sharalar atqaryldy. Onyń nátıjesin kórip otyrmyz. Ekonomıka, saıası, áleýmettik salalardaǵy barlyq ózgerister óz nátıjesin berdi. Aldaǵy ýaqytta da alǵa qoıǵan maqsat­tary­myzǵa jetemiz dep oılaımyn. Búgingi kúni biz mynany baıqap otyrmyz: bilim salasynda, densaýlyq saqtaý salasynda, jastardy qorǵaý máseleleri boıynsha aldymyzǵa kóp maqsat qoıyp otyrmyz. Osy oraıda bizdiń saılaýshylarymyz «Nur Otan» HDP-ǵa tolyq qoldaý kórsetedi dep senemiz.   Ermek KELEMSEIIT, Almaty oblysy, Panfılov aýdanynyń ákimi: – XIV sezd – tarıhı sezd. Árıne, jetistigimiz de bar. Aldy-artymyzǵa qaraıtyn da kezeń. Júrgen jolymyzdy ba­ǵam­daıtyn kezeń. Qazirgi tańda Parlament Májilisiniń jańa quramyn saılaýǵa kirisip otyrmyz. Depýtattyqqa usynyl­ǵan, aty atalǵan azamattardyń barlyǵy naǵyz eńbek maıdanynyń ortasynan kelgender, ómirdiń túrli soqpaǵynan ótken laıyqty azamattar dep aıtar edim. Endigi kezeńde úlken damý jolyna túsemiz dep oılaımyn. Al oǵan mundaı parla­men­tarııler óte qajet. Men ózim de Parlamenttiń birinshi, ekinshi shaqyrylymynyń depýtaty bolǵanmyn. Sondyqtan ol jerdegi istiń qandaı ekenin, aýqymy qandaı ekenin, qandaı tájirıbe qajet ekenin sezemin, bilemin. Bizdiń memlekettiń josparlary ulttyq sıpatqa oıysyp kele jatyr. Soǵan sáıkes ulttyq múdde de birinshi kezekte turady degen oıdamyz. Qazir­diń ózinde jaqsy deńgeılerge jetip otyrmyz. Aldyńǵy qatarly damyǵan elderdiń qataryna qosylý úshin áli de atqaratyn kóp isterimiz bar. Al ulttyq ıdeıany qalyptastyryp, ulttyq rýhymyz joǵarylaıtyndaı dárejege jetsek, búgingi jetken jetistigimiz tipti de joǵarylaı túser edi.   Baqytjan ERTAEV, Halyq qaharmany: – Bul sezdiń maǵynasy da, tabıǵaty da ózgeshe. Sebebi, bul sezge «Nur Otan» par­tııasy atynan Májilis de­pý­tattyǵyna kandıdattardyń tizimi usynyldy. «Nur Otan» – el partııasy, eldiń qamyn oılaǵan partııa. Ne sebepti, «Nur Otan» partııasyn kópshilik qoldaıdy. Sebebi, ol – eldiń nıet-tilegin oılaıtyn, eldiń qamyn oılaıtyn partııa. Sondyqtan da bul partııa jeńiske jetip jatyr. Bul sezde partııaǵa kóp ıgi tilekter aıtyldy. «Nur Otan» bastaǵan jol ári qaraı jalǵasa bersin dep tileımin. Sebebi, Elbasy atap ótken, bizdiń 2020, 2030 jyldarǵa deıingi kózdelgen strategııamyz birtindep oryndalyp keledi. Endeshe, barlyǵymyzdyń pikirimiz úndes bolýy kerek. Egemen elimizdiń 20 jyldyq mereıtoıy jaqyndaı túsýde. Osy oraıda elime tileıtinim: keń baıtaq jerimiz tutas bolsyn, kópetnosty elimiz ózara tatý bolsyn. Ol úshin árdaıym «Nur Otanmen» birge mańdaı terimizdi tógip jumys isteýimiz qajet.   Rústem QARKENOV, Qostanaı qalasy ákimi apparatynyń jetekshisi: – «Nur Otan» halyqtyq-demokratııalyq par­tııa­synyń kezekten tys HIV sezinde al­daǵy min­detter baǵdar­la­nyp, nendeı baǵytpen jyl­jýy­myz ke­rek­tigi aıshyq­taldy. Má­jilis depýtattarynyń saı­laý­yn ótkizýin qoldaı otyryp, jyl basynan barlyq uıym­dastyrý máselelerin sheship alǵan durys dep esepteımin. Jańa depýtattarmen ja­saq­tal­ǵan Parlamentpen biraz sha­rýa­ny atqaryp tastaıty­ny­myz­ǵa senimdimiz. Aldaǵy saılaý tartysty óterin de qaperden shyǵarmaımyz. Bul saıası básekege «Nur Otan» partııasy da saılaýǵa ár salada ózin tanytqan tájirıbeli, el aldynda abyroıy bar azamattaryn qosyp otyr. El Táýelsizdiginiń 20 jylynda Qazaqstan kóptegen tabystarǵa qol jetkizdi. Bir ǵana mysal, buryn memlekettik qyzmet salasynda aılyq jalaqy az bolǵandyqtan, oǵan eshkim barǵysy kelmeıtin. Qazir jaǵdaı kúrt ózgerdi. Bul ózge salalarǵa da qatysty. Partııanyń bul jerdegi atqarǵan isteri orasan.   Svetlana JALMAǴAMBETOVA,  senator: – Men senator retinde Parlament Májilisine saılanatyn depýtattardyń tiziminde áıel­derdiń óskenin durys baǵa­laımyn. Onyń ishinde buryn depýtat bolǵan azamatshalar da bar. Olar Parlamentte óte jaq­sy deńgeıde jumys istedi. Depýtattyqqa usy­nylǵandardyń arasynda, sondaı-aq memlekettiń damýyna kóp úles qosyp otyrǵan áıelder de bar. Sondyqtan olardyń taǵy da tizimge túskenine qýanyshtymyn. Bolashaqta olar óz tarapynan memlekettiń órkendeýine aıtarlyqtaı deńgeıde yqpal etedi dep oılaımyn.   Gúlshara ÁBDIQALYQOVA, Eńbek jáne halyqty áleýmettik qorǵaý mınıstri: – Partııanyń saılaýaldy Tuǵyrnamasy quryltaıǵa deıin tolyq jasaldy. Atalǵan joba jer-jerlerde talqyla­nyp, quryltaıda qoldaý tap­ty. О́zim de atsalysqandyqtan, Tuǵyrnamada áleýmettik máseleler de kóptep engizilgendigin aıta keteıin. Onda zeınetaqy júıe­sin ári qaraı damytý máseleleri de qamtylǵan. Ásirese, kedeıshilikpen kúres, jumyspen qamtý máseleleri de erekshe oryn alyp otyr. Partııa­nyń Saıası Keńesiniń múshesi bolǵandyqtan, ózim de usynystar usyndym. Úshinshi onjyldyqqa kele jatyrmyz, son­dyqtan alǵa úlken maqsattar qoıylyp otyr. Al bul saılaý tarıhı jáne mańyzy jaǵynan zor saıası naýqan bolmaq. О́ıtkeni, elimiz óziniń 20 jyldyq táýelsizdigin atap ótkeli otyr. Alda jańa belester bar, soǵan sáıkes talaptar da jańa bolary belgili. Elimiz Táýelsizdiginiń 20 jyl­dy­ǵynda áleýmettik sala boıynsha kóp deńgeıli áleýmettik júıe qurylǵandyǵyn erekshe atap ótkim keledi. Sońǵy on jyldyń ózinde zeınetaqy 8 esege kóbeıtildi. Aılyq eńbekaqy sońǵy 3 jyl­da eki esege artty. Sonymen qatar, qazir áleý­mettik kómek kórsetý tetigi damýda. Jalpy, kedeıshilik deńgeıi osydan 20 jyl buryn halyq arasynda 40 paıyz bolsa, qazir 6-7 paıyzǵa deıin tómendedi.   Záýresh BAIMOLDINA, QazGZÝ professory: – Partııanyń kezekten tys ótkizilgen quryltaıynyń kún tártibinde eki másele qaraldy. Alǵashqysy – «Nur Otan» HDP-nyń saılaýaldy Tuǵyr­na­masy bolsa, sońǵysy – Par­lamenttiń tómengi palatasy depýtattyǵyna kan­dıdattardyń tizimi bekitildi. Olardyń barlyǵy da el aldynda ysylǵan, tańdaýǵa laıyq jandar. Sondyqtan da 15 qańtar kúni ótetin saılaýda partııaǵa qoldaý kórsetetin saılaýshylardyń qatary da kóp bolaryna senim mol. Májilis kem degende eki partııadan jasaqtalýy kerek, degen talapqa sáıkes partııalar baryn salary aıtpasa da túsinikti. Eki nemese kóppartııalyq ne úshin kerek degende, pikirlerdiń áralýandyǵy qoǵamnyń alǵa jyljýyna ıgi yqpalyn tıgizedi degim keledi. «Nur Otan» – aldaǵy saılaýǵa tas túıin daıyn otyrǵan partııa.   Ráshkúl OSPANÁLIEVA, Ońtústik Qazaqstan oblystyq máslıhatynyń depýtaty: – «Nur Otan» partııasynyń kezekten tys XIV sezi Parlament Májilisi depýtattyǵyna kandıdattardyń tizimin naqty­lap berdi. Osy rette partııa­nyń qol jetkizgen jetistikterinen saılaýshylar jaqsy qulaǵdar. Elbasynyń júrgizip kele jatqan saıasaty halyq tarapynan erekshe qoldaýǵa ıe. Ońtústik Qazaqstan oblysynan quryltaıǵa kelip otyrmyn, máslıhat depýtatymyn. Elimizdi túgel aıtpaǵannyń ózinde, qazir óńirde atqa­ryl­ǵan sharýalar óte kóp. Mysaly, 100 mekteptiń 34-i bizdiń óńirde salynýda. Taǵy jergilikti bıýdjet esebinen 26 mektep qurylysy bitti. Budan basqa 6 aýrýhana boı kóterdi. Keńestik kezeńde jóndel­megen joldar endi qalpyna keltirilip jatqanyn da aıta ketý kerek. Ásirese, sońǵy bes jylda jumys qarqyndy júzege asýda. Aldaǵy saılaýǵa ke­ler bolsaq, ol tartysty ótetin sııaqty. О́ńirimizde par­tııamyzǵa degen senim óte zor ekendigin únemi kórip júrmiz.   Jánibek KÁRIBJANOV, «Nur Otan» HDP múshesi: – Partııanyń kezekten tys quryltaıy elimiz Táýelsizdi­gi­niń 20 jyldyǵy qarsańynda ótip otyrǵandyǵymen erekshelenedi. Onyń ústine alda Má­jilistiń kezekten tys saılaýy ótkeli tur. Elbasy, «Nur Otan» HDP Tóraǵasy Nursultan Ábishuly Nazarbaev partııanyń atqarǵan isteriniń barlyǵyn atap ótti. Shynynda da, aldymyzǵa qoıylǵan mindetterdiń barlyǵy oryndaldy. Taǵy da úlken mindetter qoıylyp otyr. Endigi másele, jumyla otyryp, elimizdiń bolashaǵyn jarqyn etetin mindetterdi abyroı­men atqaryp shyǵý. Bul elimizdiń órkendeýi úshin qajet. Konstıtýsııa talaby boıynsha Májiliste kem degende eki partııa bolýy kerek degen talapqa sáıkes saılaýǵa kóptegen partııalar úmit artyp otyr. Eń bastysy, egemendigimizdi alýymyzdyń arqasynda halqymyz ǵasyrlar boıy ańsaǵan táýelsizdigimizge qol jetkizýimiz. Sol egemendigimizdiń arqasynda halyqtyń turmys jaǵdaıyn aıtarlyqtaı túzetip kele jatyrmyz.   Berik RAQYShEV, jas depýtattar qaýym­das­tyǵy Aqmola oblys­tyq fılıalynyń tór­aǵasy: – Parlament Májilisi de­pý­tattyǵyna kandıdattardy irik­teý partııa tarapynan jú­zege asyryldy. Árbir úmit­ker­diń atqarǵan isteri men mol tájirıbeleri bar. Aǵalarymyz partııanyń qos qanaty sanalatyn jastardy únemi demep, óz qoldaýlaryn kórsetip keledi. Sondyqtan da aldaǵy saılaýlar úderisine belsene qatysamyz, aǵalarymyz ben ápkele­ri­mizdi qoldaımyz degen oıdamyn. Sonymen qatar, jastar jaǵy jergilikti máslıhattarǵa depýtattyqqa kandıdat bolyp qatysý oılary bar ekendigin de bildire ketkim keledi. «Egemen Qazaqstannyń» tilshiler toby.