Qazaq aqynyn qadirledi

«Qazaqstan Respýblıka­sy­nyń táýelsizdiginiń 20 jyl­dyq merekesine» degen aıdarmen Moń­­­ǵolııanyń bas ba­sy­lymy «Mon­golyn Ún­en» («Moń­­ǵoldyń Aqıqa­ty») gazeti qazaqtyń uly aqyny Maǵjan Jumabaev­tyń shy­ǵarma­­shylyǵyna ar­na­ıy bet arnady. 90 jyldan asa tarıhy bar bul basylymnyń qazaq aqy­nyna mun­daı zor qurmet kórse­týin eki el arasyndaǵy dostyq jáne mádenı baılanystyń jar­qyn aıǵaǵy dep tanýymyz qajet. «Qazaqtyń tá­ńir­li uly aqyny Maǵjan Juma­baev» degen maqalasynda fılologııa ǵy­lymdarynyń kandıdaty, tú­rik dúnıesiniń bilgiri Nápil Baz­ylhanuly aqynnyń ómir­baıa­­nyn tolyq kórsetýmen qa­tar, onyń shyǵarmasy jó­ninde az da bolsa, sazdy oı tolǵaǵan. Aqyn óleńde­riniń mońǵol tiline aýda­rylýy haqynda, onyń shyǵar­ma­shy­lyǵynyń ereksheligi týraly oı­laryn aıtqan. Alǵysózden keıin Maǵjan Ju­ma­baevtyń «Túr­kis­tan» dep ata­latyn kólemdi tolǵaýy aqyn Júkel Hamaıdyń aýdarma­sy­men tolyq berilgen. Bul aýdarma – ǵalym Nápil Ba­zyl­hanuly men aqyn Júkel Ha­maıdyń kóp jyl­dan beri shyǵar­mashylyq tur­ǵyda birlesip jumys jasap kele jatqa­nynyń bir kórinisi. Aqyn Júkel Hamaı budan bu­ryn Nápil Bazyl­han­ulynyń keńesimen qa­zaq­tyń daýylpaz aqyny Mahambet О́te­misu­lynyń tolyq shyǵar­masyn moń­­­­ǵol tiline, mońǵoldyń ejel­­­gi tarıhı dastany «Altan tobchy» men A.Amardyń «Kósh­pen­dilerdiń qys­qasha tarıhyn» qazaq tiline aýda­ryp, jaryqqa shyǵarǵan bo­latyn. Alda bul eki azamat Maǵjan Juma­baev­tyń tolyq jı­naǵyn moń­ǵol tiline aýdarýdy kóz­dep otyr­ǵan­dary «Mongolyn Únen» gazetinde jaryq kórgen maqa­lada da aıtylǵan. Káýsar QABDIQYZY.