Alǵysqa bólengen aq halattylar

Gazettiń oblystaǵy tilshi qo­sy­nyna  Qarǵaly aýdany  Aq­ja­ıyq aýdanynyń turǵyny Tóle­gen Bısekeevtiń  haty keldi.  Otyzdan astam em alýshynyń atynan  jaz­ǵan  hatynda  ol syrqattarǵa sa­paly medısınalyq qyzmet kór­setetin aýrýhana ujymyna alǵys sezimin bildiredi. Ásirese,  ujym­dy halyqtyń densaýlyǵyn jaq­sar­týǵa judyryqtaı jumyl­d­ryp otyrǵan aýdandyq aýrýha­nanyń bas dárigeri Ámirhan Baho­novtyń bilikti basshy ǵana emes, óz isiniń mamany, kásibı sheberligi joǵary hırýrg  ekenin jetkizedi. «Jaq­syny kórmek úshin» degendeı  Ádilhan Kenjetaıulymen dema­lysta júrgenine qaramastan az-kem áńgimelesýge ýaqyt taýyp jolyqqanbyz. Ýaqytyn alǵany­myz­ǵa ǵapý etip jatyrmyz ǵoı, ádep saqtap. Oı, aǵa dárigerde demalys degen aty ǵoı, bireýdiń jany qınalyp jatqanda óz sharýamyzdy ekinshi kezekke ysy­rýǵa úırengenbiz deıdi kúlim­sirep.  Aýrýlar rıza bolsa, bol­ǵan­daı-aq jan eken. Shırek ǵasyrdan astam osy aýdanda áýeli hırýrg bolyp eńbek jolyn bastaǵan ol aýdandyq aýrýhananyń tizginin ustaǵaly da isi ilgeri basyp keledi.  2009 jyly bul ujym oblystyń den­saýlyq saqtaý mekemeleri arasyn­da ótkizilip kele jatqan «Sha­paǵat» konkýrsynda «Úzdik aýrýhana» nomınasııasy boıynsha jeńimpaz bolsa, ótken jyly osy ujymda eńbek etetin dáriger Álııa Hangeldi aýyl dárigerleri arasynda respýblıkalyq baı­qaýda birinshi oryndy ıelendi, ústimizdegi jyly aýdandyq aýrýhana ujymy «Salamatty ómir saltyn nasıhattaý» nomınasııa­synda  respýblıka boıynsha birinshi oryn aldy.   Emdeý-saýyq­ty­rý, aýrýdyń aldyn alý jumys­taryn «Biryńǵaı den­saýlyq  saq­taý júıesi»  baǵ­dar­­­lamasy bo­ıyn­sha júrgizip ot­yr­ǵan aýdan­dyq  aýrýhanaǵa jeti dári­gerlik ambýlatorııa jáne on eki medpýnkt qaraıdy. –Bizdiń aýrýhananyń osyndaı jetistikterge jetýi búkil ujym­nyń eseli eńbeginiń, uıymshyl­dyǵy men birliginiń, kásibı biliktiliginiń nátıjesi der edim. «Jalǵyz aǵash orman emes», degendeı dárigerler men medbıkeler óz isin tereń bilmese, meniń basta­malaryma qoldaý kórsetpe­se, mundaı tabystyń aýyly qashyq bolar eli. Shúkir, ujymda qalyptasqan eńbek dástúri bar. Mamandarymyz óz kásibiniń sheberleri. Osynda eńbek etetin 40- tan astam dárigerdiń teń jartysy joǵary jáne 1 dárejeli mamandar.  Byltyr úsh jas maman keldi. Olar turǵyn úımen qamtamasyz etildi. Materıaldyq bazamyz jaq­sy, dárigerlermen tolyq qamta­masyz etildik,–deıdi Ádil­han Kenjetaıuly. Bul – laparaskopııalyq operasııalar jasaıtyn birden-bir aýdan­­dyq aýrýhana.  Aýrýhanada osy kezge deıin 200-den astam osyndaı operasııalar jasalyp­ty. Munda osyndaı tásilmen áıel­derdiń jatyryna ota jasaý da jolǵa qoıylǵan. Mundaı opera­sııa­lardy joǵary dárejeli dári­ger-hırýrg Qaırat Bóke­kov pen gınekolog Juldyz Esenova sátti jasap keledi. Sońǵy bes jylda 300 mıllıon teńgege jón­deý jumystary júrgizilse, úsh jylda 400 mıllıon teńge medı­sı­nalyq qondyrǵylar alýǵa jum­sa­lypty. Dári-dármekpen to­lyq qamtamasyz etilgen. Aýdan­dyq aýrýhananyń materıaldyq-tehnıkalyq bazasy­nyń nyǵaıýy­na, dári-dármekpen, maman kadrlarmen qamtamasyz etilýine  oblystyq  jáne aýdandyq ákimshi­lik, densaýlyq saqtaý bas­qar­masy udaıy kóńil bólip otyrady. Osy baǵyttaǵy júıeli jumys, iskerlik izdenistiń nátı­jesinde ana  men bala ólimi kemip, qurt aýrýynyń beti qaıtyp, jalpy aýrýǵa shaldyǵý kórsetkishi tó­men­dep keledi. Aýdandyq aýrýhana  qyzmet­kerleri jylý berý maýsymyna da tııanaqty daıyndyqpen túsip otyr. Bý qazandyǵy daıyn,  jetkilikti otyn túsirilgen. Ishi-syrty tap-taza aýrýhananyń eki-úsh adam­dyq palatalarynda janyńa kerek­tiń bári bar. Teledıdar, tońazyt­qysh qoıylǵan.  Em-dom alǵan aýrý­lardyń rıza bolatyn­daı da reti bar. Bilikti dárigerler men meıirimdi medbıkelerdiń ózderine degen yqylasty kózqa­rasy men jyly sózi  emdelýshi­lerdiń syrqa­tyn sylyp alǵandaı rızashy­lyqqa bóleýde. Satybaldy SÁÝIRBAI, Aqtóbe oblysy.