Qolda bar altyn qadirli

Gazet tilshisi Ǵabıt Mú­si­repovtiń bul suhbaty Táýel­sizdiktiń bir belgisi – ulttyq valıýtamyzdyń Qazaqstan Res­pýblıkasy Prezıdenti Nur­sultan Nazarbaevtyń Jarly­ǵ­ymen aınalysqa engizilip, qa­lyptasqandyǵyna arnalypty. Suhbat «Altynalmas» aksıonerlik kompanııasynyń birinshi vıse-prezıdenti  Murat Mur­tazaevpen júrgizilgen. Suhbatta Semeıdegi «Al­taıaltyn», Baqyrshyq, Kók­she­taýdaǵy Vasılkov, Aqmola oblysyndaǵy «Qazaltyn», Pav­lodardaǵy Maıqaıyń, Jam­byldaǵy Aqbaqaı taý-ken kombınattary men zaýyttary «Qazaltyn» birlestigine ba­ǵyn­ǵandyǵy, ol óz kezeginde Máskeýdegi KSRO mınıstrler keńesi janyndaǵy «Alty­nal­mas» basqarmasyna qarap kelgendigi týraly aıtylady. Respýblıka egemendik al­ǵan­nan keıin «Qazaltyn» respýblıka ıeligine kóship, altyn óndiretin oryndardy esep-qısapqa ala bastapty. «Bar-joǵymyzdy ózimiz tú­gendep, altyn kombınattaryn qalpyna keltirýge jumys istedik. Buryn altyn kenderimizdi óndirý úshin Armenııa, Tájik­stan, О́zbekstan, Reseıge jiberetinbiz. Endi arnaıy kelisim-shart boıynsha óńdeý úshin tek Reseıge jiberemiz de tolyq qaıtaryp alamyz. Túbegeıli tazarǵan altyn ulttyq bankimizdegi baǵaly baılyqtar saq­taý qoryna tapsyrylady» depti Murat Murtazaev. Munan keıin tilshi al­tyn­nyń qalaı óńdeletindigi jaı­yn­da suraq qoıyp, ony óńdeı­tin ózimizde zaýyttardyń bar-joqtyǵyn bilmek bolǵan. – Reseıge tapqan alty­ny­myzdyń barlyǵy óńdeýge jiberilmeıdi, onyń birsy­py­rasy ózimizde óńdeledi. Al tikeleı altyndy óńdeýge keletin bolsaq, ol eń aldymen ken kúıinde alynady. Sodan keıin baıytylyp, konsentratqa aı­naldyrylady. Metallýrgter altyn men kúmisti qosyp, qo­rytpa dári jasaıdy. Sóıtip, eń sońynda qorytpa dárini tazartyp, 99,99 prosenttik dárejedegi taza altyn men taza kúmis paıda bolady. Osylaısha  barlyq elekten ótken taza altyn men kúmis memlekettik saqtaý qoryna qoı­y­lady, – dep jaýap berilgen.