«Sırııalyqtar el Konstıtýsııasyna ózgeristerdi, onyń aımaqtyq jáne ákimshilik qurylymy, prezıdenttik jáne parlamenttik saılaýlardy qosa alǵanda qajetti zańnamalyq reformalar júrgizý arqyly ózderiniń bolashaqtaǵy saıası júıelerin qurýdy bastaýy tıis», - dedi ol elordada bastalǵan Sırııadaǵy ahýaldy retteý jónindegi Astana prosesiniń kepilger elderi Syrtqy ister mınıstrleriniń kezdesýinde. Qaırat Ábdirahmanovtyń paıymynsha, jańa qadamdar qabyldaý qajettigi týyndap otyr.
«Álemdik qoǵamdastyq birqatar qaýipti qaqtyǵysqa kýá bolyp otyr. Bul zorlyq-zombylyqtyń tipti deeskalasııa aýmaǵynda da ósimine ákeldi. Atalǵan jańa qarýly áreketter áıelder men balalardy qosa alǵanda beıbit turǵyndardyń arasynda kóptegen ólim-jitimniń bolýyna yqpal etti. Biz áli de sırııalyq halyqtyń azapqa toly taǵdyry doǵarylýy tıis degen ustanymdamyz. Sırııanyń qarapaıym azamattaryna atalǵan jantúrshigerlik qaqtyǵys barysynda óte úlken nuqsan keldi. Búginde Sırııada baıqalyp otyrǵan jaıttar óńirlik turaqtylyqqa qaýip tóndirip qana qoımaı saıası retteý joldaryn izdeýdegi kúsh-jigerdi de buzady. Astanada qol jetkizilgen kelisimder tek qana qaǵazda qalyp qoımaýy tıis. Olar seziletindeı nátıjeler jasaýy tıis», - dedi Qaırat Ábdirahmanov. Sonymen qatar ol Qazaqstan Sırııadaǵy ahýaldy retteý jónindegi Astana prosesiniń kepilger elderi Syrtqy ister mınıstrleri Sırııadaǵy soǵysty toqtatý jáne deeskalasııa aımaqtaryn belgileý boıynsha kelisimdi qatań oryndaý úshin qosymsha konsýltatıvtik qadam jasaıtyndyǵyna senim artatyndyǵyn basa aıtty. «Jer-Jerde shıelenistiń órshı túsýi aıasynda biz negizgi óńirlik jáne halyqaralyq sýbektiler barynsha qajet dep sanaımyz. Birinshi kezekte Reseı men AQSh atalǵan másele boıynsha konstrýktıvti dıalogty bastaýlary qajet. Sırııa ahýalyn retteýdegi osy eki yqpaldy kúshterdiń tabysty yntymaqtastyǵy barlyq taraptardyń jáne tolyqtaı alǵanda Sırııa halqynyń múddesine jaýap beretin bolady», - dedi Syrtqy ister mınıstri.
Qazaqstan tarapy janjaldyń odan ary ýshyǵa túsýi esh tarapqa da paıda ákelmeıdi. Sırııa halqyn odan ary azapqa túsire beretin bolady, dep esepteıdi. «Qazaqstan BUU Qaýipsizdik keńesiniń turaqty emes múshesi, bul janjaldyń beıtarap ári ádil bitimgeri retinde Sırııadaǵy qantógisti tez arada toqtatý jáne ahýaldy beıbit jolmen retteýge úmit arta otyryp, múddeli taraptarǵa qajetti barlyq kómekti kórsete berýin jalǵastyrady», - dep túıindedi sózin Qaırat Ábdirahmanov.
