Tamasha teatr ǵımaraty Elbasynyń qamqorlyǵymen salynǵan bolatyn

О́ner órkeni Qarap otyrsam, kenshiler qa­lasy qutty mekenime aına­lǵa­ny­na qyryq jyldan asypty. Osy ýaqyt ishinde súıikti shahary­myz­dyń kórik-kelbeti adam ta­ny­ǵysyzdaı ózgerýin buryn-sońdy kórmeppin. Mine, búginde birinen-biri asyp, jarqyraǵan túrli ǵımarattar eriksiz kóz tart­qy­za­dy. Solardyń ishinde bizdiń teat­r­dyń sáýlettik beınesi bólekshe kórinedi desem, jańsaq aıtqan­dyǵym bolmas. Búgingi zamanǵy sáýlet óneriniń sony úlgisimen salynǵan ol qalanyń bas kóshesi Buqar jyraý dańǵyly boıynda dóńgelengen kıiz úıdi elestete súısintedi. Keıingi kezge deıin qazaq já­ne orys drama teatry bir ǵıma­ratta otyrǵan edik. Joǵaryǵa je­ke otaý tiksek dep talaı ret ótinish te aıtqanbyz. Sol arman­ǵa táýelsiz­dik arqasynda ǵana qol jetti. Qazaqstan Respýblı­ka­synyń Pre­zıdenti N.Á.Nazar­baevtyń tap­syrmasy boıynsha shaharymyz­dyń eń ádemi jerinde teatr úıi boı kóterdi. El­ba­sy­nyń ózi birinshi kirpishin qalaýǵa qatysyp, ashylý qýanyshyn da kórermen qaýymmen birge bólisti. Aldaǵy jyly teatrymyzǵa 80 jyl tolǵaly otyr. Alǵashqy qoıylymy B.Maılınniń « Maıdan» jáne N. Gogoldiń «Úılený toıy» pesalaryn sahnalaýmen bastalǵan qadam úlken óner jo­lyna ulasyp, búginde ulttyq mádenıettiń máýeli bir báıte­re­gine aınaldy. Osy teatrdyń ir­ge­tasyn qalasqan Jámıla Shashkına, Ánýarbek Shaımerdenov, Torsha Jabaev, Raqııa Qoıshy­ba­evalardyń qataryna qosylǵan Múlik Súrtibaev, Qarǵambaı Sataev, Shámil Júnisov syndy sań­laq ártisterdiń búgingi izba­sar­la­ry teatrdyń kórkemdik jetekshisi Dýnaı Espaev sahnaǵa sátti shyǵaryp júrgen qoıylymdar­dyń tiregi men kórki bolyp júr. Teatrymyz 1964 jyldan beri halqymyzdyń aıaýly tulǵasy Sá­ken Seıfýllın esimimen atala­dy. Buǵan muryndyq bolǵan Sá­bıt Muqanov jaryqtyq edi. Ol kisiniń birneshe pesasy Qara­ǵan­dy sahnasy arqyly kórer­men­ge jol tartqany da áli umy­tylǵan joq. Qazir qandaı da bolmasyn tamasha týyndylardy ónerdiń jo­ǵary talaby-talǵamy deńgeıinde kórermenge usynýǵa qabilet-múm­kindik jetkilikti. Arnaýly daıyndyq zaldary bar. Sahna jyljymaly. Ártister daýysyn anyq estirtetin qondyrǵylar or­natylǵan. Dene shy­nyqtyrý­men shu­ǵyldanýlaryna da jaǵdaı ja­salǵan. Qoıylymdardyń dekora­sııa­syn kórkemdeýge esh qı­yn­dyq joq. Jetkinshekter jas sha­ma­laryna sáıkes qoıylymdar kórsetiletin zal bólek. Teatr ujymy óner saparla­ryna jıi shyǵyp turady. Oblys­tyq ákimdik tartý etken jaıly kólikpen aımaqtyń eldi mekenderine, kórshi qalalarǵa, tipti, ja­qyn shet elderge de baryp-qaı­typ júr. Jaqynda ujymnyń úl­ken toby ombylyq kórermen Qa­sym Amanjolovtyń 100 jyldy­ǵy­na oraı sahnalanǵan óz shy­ǵar­­ma­­laryn kórsetip qaıtty. Bur­naǵy jyly Kaırde, Bishkekte ótken halyqaralyq teatr baıqaý­la­ryn­da bas júldeni ıelense, osy kúzde Iаltada bolǵan baı­qaý­dan da oljaly oraldy. Al, Táýelsizdiktiń 20 jyldyq torqaly toıyna arnalǵan sha­shýy­­myz retinde jazýshy-dra­matýrg Serik Asylbekulynyń «Jeltoq­san túni» spektaklin kórsetpekpiz. Keńes JUMABEKOV, Sáken Seıfýllın atyndaǵy oblystyq qazaq drama teatrynyń dırektory, Memlekettik syılyqtyń laýreaty. Qaraǵandy.