2017 jylǵy «Televızııalyq maýsymnyń úzdik oqıǵasy» nomınasııasyn - «Habar» arnasynyń «Ulttyq mýzykalyq júlde» jobasy jeńip aldy. Arna basshylyǵyna marapatty Dáýren Abaev tabys etti.
«Meniń aldymda aıtylǵan jyly lebizderge shyn júrekten qosylamyn. Biz eń aldymen ardagerlerimizdi qurmettep, «Tumar» nomınasııasyn berip, jýrnalıstıkada júrgen mamandarymyzdyń dárejesin kótergimiz keledi. Qazaqta «Júırikke tumar» degen sóz bar. Ol sondaı, júırikter eshqashan súrinbesin, kóz tımesin degen oımen aıtylǵan sóz. Sondyqtan, báıgelerimizge eshqashan kóz tımesin. Búgin aǵa býyn men jas býyn osynda bas qosyp otyr. Jastardyń boıyndaǵy jalyn men jas býynnyń zor tájirıbesi - otandyq televızııanyń jarqyn bolashaǵyna bastar degen senimdemin», - dedi mınıstr.
Saltanatty rásimde «Úzdik rejısserlik jumys» nomınasııasy boıynsha - Qýanysh Orazalıevtiń «Bylo delo» rejısserlik jumysy úzdik dep tanyldy.
«Úzdik operatorlyq jumys» nomınasııasy boıynsha - «Naedıne s prırodoı» baǵdarlamasymen «Qazaq TV» top jardy.
«Jyldyń úzdik telejýrnalısi» nomınasııasyn «Habar» arnasynan Ashat Nııazov, al «Jyldyń úzdik telejúrgizýshisi» marapatyn Dana Nurjigit jeńip aldy.
