Sýretti túsirgen Orynbaı BALMURAT
Gúlshara Ábdiqalyqova ulttyq televızııa syılyǵyn tapsyrý rásimin ashyp, Qazaqstan Respýblıkasy Prezıdenti Nursultan Nazarbaevtyń quttyqtaý sózin oqyp berdi.
Quttyqtaýda 1958 jyldyń kókteminde jumysyn bastaǵan Qazaq televızııasynyń búginde joǵary tehnologııalarǵa arqa súıeıtin aýqymdy salaǵa aınalyp otyrǵany aıtylǵan. Ol úzdik tehnıkamen jabdyqtalǵan telearnalardy qamtıdy jáne bul salada myńdaǵan kásibı mamandar eńbek etýde. Ásirese qazaq televızııasynyń qara shańyraǵy – «Qazaqstan» ulttyq telearnasynyń alatyn orny erekshe.
«Memleket qazaq televızııasynyń zaman talabyna saı damýy úshin barlyq múmkindikterdi jasaýda. TMD aýmaǵynda balamasy joq «Qazmedıa ortalyǵy» – osynyń aıqyn dáleli», – delingen quttyqtaý hatta.
Elbasynyń quttyqtaýy oqylǵannan keıin «Tumar» televızııalyq syılyǵyn tapsyrýǵa arnalǵan saltanatty rásim ótti.
Is-shara barysynda Memlekettik hatshy qazaq televıdenıesiniń qurylý tarıhyna jáne qazaq televıdenıesiniń 60 jyldyq mereıtoıyna arnalǵan kórmeni aralap kórdi.
Sharaǵa Parlament depýtattary, memlekettik organdar basshylary, qoǵam qaıratkerleri, televızııa salasynyń ardagerleri, respýblıkalyq telearnalar men BAQ ókilderi qatysty.
***
«Tumar» syılyǵy 2017 jyly taǵaıyndaldy. Ol televızııa óneri salasyndaǵy joǵary jetistikter úshin beriledi jáne Qazaqstan televızııasynyń sapasyn arttyrýǵa, daryndy kásibı mamandardy qoldaýǵa arnalǵan.
2018 jyly osy syılyqqa usynylǵan jumystar 14 nomınasııa boıynsha qabyldandy. Astananyń 20 jyldyq mereıtoıy men qazaq televızııasynyń 60 jyldyǵyna arnalǵan nomınasııalar da bar.
Konkýrsqa barlyǵy 400-ge jýyq ótinim usynylǵan. Olardyń sany ótken jylmen salystyrǵanda 1,6 ese artqan.
