Bokstan Polsha astanasy Varshavada Felıks Shtamm atyndaǵy halyqaralyq týrnır aıaqtaldy. Bıyl bul jarys 35-shi ret uıymdastyryldy.
Varshavadaǵy boks básekesine Qazaqstannan 10 boksshy qatysty. Onyń 7-i júldeli orynnan kórindi. 4 altyn 2 kúmis 1 qola medal jeńip aldy.
Alty birdeı boksshymyz fınalda judyryqtasty. Alǵash bolyp sharshy alańǵa shyqqan Ilııas Súleımenov (56 kg) ıordanııalyq boksshy Alýadı Muhamedti aıqyn jeńip, altyn medaldy enshiledi. Odan keıin 64 kg-ǵa deıingi salmaqta Bekdáýlet Ibragımov polıak boksshysy Damın Dıýrkachty utyp, jarys jeńimpazy atandy.
69 kg salmaqta Aslanbek Shymbergenov top jardy. Ol fınalda reseılik boksshy Sergeı Sobylınskııdi jeńip shyqty. Sondaı-aq aýyr salmaqtaǵy (91 kg) boksshymyz Anton Pınchýk altyn medal úshin ótken jekpe-jekte túrikmen Arslanbek Achılovtan aılasyn asyrdy.
О́kinishke qaraı, fınalda qurama kapıtany, eki birdeı Olımpıada oıyndarynyń kúmis júldegeri Ádilbek Nııazymbetov reseılik boksshy Georgıı Gýshıtashvılıge jol berip, kúmis júldeger atandy. 75 kg-ǵa deıingi salmaqta judyryqtasqan Abaı Tólesh te kúmis medaldy qanaǵat tutty. Ol da fınalda reseılik boksshy Gleb Bakshımen judyryqtasyp, ese jiberdi.
Qorjynǵa túsken bir qola medaldy asa aýyr salmaqtaǵy boksshymyz Aıboldy Dáýrenuly ıelendi. Al Jomart Erjan (49 kg), Azamat Isaqulov (52 kg) pen Berik Ábdirahmanov (60 kg) júldeli orynnan kórine almady.
Aıta keteıik, qazaq boksshylary 8-12 naýryz aralyǵynda Fınlıandııa eliniń astanasy Helsenkıdegi halyqaralyq týrnırge qatysty. Onda otandastarymyz 5 altyn 1 kúmis medal jeńip alǵan bolatyn.
Bokstan Qazaqstan quramasy úshin 2018 jyldyń basty jarysy – tamyz aıynda Djakartada (Indonezııa) ótetin Azııa oıyndary. Halyqaralyq jarystarda joǵary nátıje kórsetken boksshylar osy dodada el namysyn qorǵaıdy. Ulttyq quramanyń bas jattyqtyrýshysy Myrzaǵalı Aıtjanov aıta ketkendeı, Azııa oıyndaryna qatysatyn boksshylar shilde aıynda belgili bolady.
Derekkóz: vesti.kz
