Maqsat – úılesimdi saıasat júrgizý

Keshe Máskeýde Qazaqstan Res­pýb­lıkasy Parlamenti Senaty men Reseı Federasııasy Fede­ral­dy Jı­nalysy Federasııa Keńe­siniń ara­syndaǵy Parlamenttik ynty­maq­tas­­tyq toptarynyń besinshi oty­rysy boldy, dep habar­lady Qa­zaq­stan Respýblıkasy Par­­lamenti Se­na­tynyń baspasóz qyzmeti. Qazaqstandyq delegasııaǵa ynty­maqtastyq tobynyń qazaqstandyq ja­ǵynyń teń tóraǵasy, Parlament Se­naty Áleýmettik-mádenı damý komıtetiniń tóraǵasy Aqan Bıjanov bassh­ylyq etti. Otyrysta bilim berý jáne ǵy­lymı-tehnıkalyq salalardaǵy yn­ty­maq­tastyqty odan ári damytý, Bir­tutas ekonomıkalyq keńistik jaǵda­ıynda dárigerlik maqsattaǵy taýar­lardy zańdastyrýda úılesimdi saıasat ázirleý máseleleri talqylaýdyń basty taqyryby boldy. Otyrysta sóz alǵan Reseı Bilim jáne ǵylym, О́nerkásip jáne saýda mınıstr­likteriniń ókilderi qatysý­shy­lardy joǵary tehnologııa men ǵylymı aýqymdy jobalardy óndiris­ke engizýge baǵyttalǵan birlesken sharalar týraly habardar etti. Sondaı-aq Birtutas ekonomıkalyq keńis­tik jaǵdaıynda dárigerlik maq­sattaǵy taýarlardy zańdastyrý sala­syn­da úılesimdi saıasat júrgizý týra­ly aqpa­rat depýtattardyń naza­ryna usy­nyldy. Bilim berý, ǵylym jáne densaý­lyq saqtaý salalary boıynsha ult­tyq zańnamalardy jetildirý men bir­izdendirý jónindegi usynys­tardy eskere otyryp, otyrysta tıisti usy­nymdar ázirlendi. Qazaqstan Respýblıkasy Parlamenti Senaty men Reseı Fede­rasııasy Federaldy Jınalysy Federasııa Keńesiniń arasyndaǵy Parlamenttik yntymaqtastyq toptarynyń kezekti otyrysyn 2012 jyldyń ekinshi jar­ty jyldyǵynda Qazaqstanda ótkizý josparlandy. Bul yntymaqtastyq toptary Qazaqstan men Reseı Parlamentteri joǵarǵy palatalarynyń sheshimimen 2007 jyly qurylǵan bolatyn.