Týre Naerland: Aýqymdy jobalar el ıgiligine aınalady

Qazaqstan – aýmaǵy boıynsha álemdegi toǵyzynshy el. Onda kóptegen etnostardyń ta­tý-tátti ómir súrip jatqany, túrli konfes­sııa­lardyń ózara túsinis­tik tanytyp otyrǵany talaılardy qyzyqtyrady.

N.Nazarbaev naýryz aıynyń basynda usynǵan bes áleýmettik bastamasynda atap kórsetilgen baǵyttar men naqty mindetterdi joǵary baǵalaımyn.

Bul bastamalar boıynsha memleket halyqqa tıimdi nesıe berýdi qalaıdy, tómen jalaqyǵa salyq júktemesin 10-nan 1 paıyzǵa deıin qysqartýdy kózdeıdi. Sondaı-aq joǵary bilim alǵysy keletin jastarǵa buǵan deıin bólinip kelgen 54 myń grantqa 2018-2019 oqý jylynda qosymsha 20 myń grant berý josparlanýda. Bul jastardyń sapaly bilim alýyna qoljetimdilikti qam­tamasyz etetin bolady. Nur­sul­tan Nazarbaev atap ótkendeı, jas­tar basymdyqqa ıe bolýy kerek.

Sondaı-aq mıkronesıeleý kó­lemin bıylǵy jyly 62 mlrd teńgege (193,4 mln AQSh dol­lary) ulǵaıtý usynylyp, kásip­ker­likti jandandyrýǵa basa nazar aýdarylmaq. Bul jańa jumys oryndaryn kóptep qurýǵa jol ashady.

Prezıdenttiń Qyzylorda oblysynan Jezqazǵan, Qaraǵandy jáne Temirtaý qalalary arqyly As­tanaǵa iri gaz qubyryn tartý arqyly 2,7 mln adamǵa gaz ıgi­ligin kórsetýge qatysty tapsyrma berýi de halyqqa jasalǵan shy­naıy qoldaý boldy.

Men ózimdi árdaıym qazaq halqynyń dosy sanaımyn. Qa­zaqtar – úlken qurmetke laıyq tamasha halyq.

Men Prezıdent N.Nazar­baev­ty Semeı ıadrolyq synaq alańyn jaýyp, álemge úlgi kórsetkeni já­ne ıadrolyq qaýipsiz álem qurý jónindegi batyl bastamalary úshin, sondaı-aq Sırııada beı­bit­shilik ornatýdaǵy belsendi qyz­meti úshin qurmetteımin.

Týre NAERLAND,
Halyqaralyq «Bike for Peace» ÚEU tóraǵasy (Norvegııa)