Áleýmettik máselelerge tıisti nazar

Almatyda Jalpyulttyq sosıal-demokra­tııa­lyq partııa­sy­nyń 9-shy sezi ótti. Sezd qorytyndysy boıynsha Jalpy­ult­tyq sosıal-demokratııalyq partııasynyń Parlament Má­jili­siniń saılaýyna belsene qatysatyny má­limdeldi. JSDP aldaǵy ótetin Parlament Májilisiniń saılaýyna 57 azamattyń tizimin usynyp otyr. Saıası birlestiktiń saılaýaldy tizimindegi azamattardyń arasynda ǵaryshker Toqtar Áýbákirov, par­tııanyń lıderi Jarmahan Tuıaq­baı men partııanyń teńtóraǵasy Bolat Ábilov jáne Guljan.org saıtyn shyǵarýshy Gúljan Er­ǵalıeva, partııanyń bas hatshysy Ámirjan Qosanov bar. Bolat Ábilov óziniń saı­laý­al­dy básekedegi múmkindigin joǵa­ry baǵalaıdy. Al jalpy, Jal­py­ulttyq sosıal-demokratııalyq partııasynyń ókilderi Parla­ment­tiń tómengi palatasynyń 2012 jyldyń 15 qańtarynda mer­­zimi­nen buryn ótkiziletin saı­­laýyna ózgeshe baǵdarla­ma­men, ózgeshe usynystarmen keletinderin jetkizdi. Olardyń pikirlerine súıe­ner bolsaq, partııa eń aldy­men qoǵamdaǵy áleýmettik máse­le­ler­di sheshýge aıryqsha mán beredi. Máselen, partııa ózi­niń saı­laýal­dy baǵdarlamasyna sáı­kes, eń tó­mengi ómir súrý kór­set­kishin 70 myń teńgege, al zeı­net­aqy men járdemaqynyń kó­le­min 3 esege deıin joǵarylatýdy kóz­deıdi. JSDP músheleri sondaı-aq stra­tegııalyq turǵyda mańyzy bar barlyq kompanııalardy mem­le­ket­tiń qaramaǵyna alý qajet dep esepteıdi. Iаǵnı, olardyń oılarynsha, sharýa qojalyqtary salyqtan bo­satylyp, al shaǵyn jáne orta bızneske 5 jyl kóle­minde salyqtyq jeńildikter berilýi kerek». Alaıda, sezd delegattary par­tııa baǵdarlamasyn taǵy da jetildirý qajettigin aıtyp, da­ýys berdi. Al partııa lıderleri aldaǵy Parlament Májilisiniń saılaýyna «Azat» Jalpyulttyq sosıal-demokratııalyq partııa­sy» atymen emes, burynǵysha Jal­pyulttyq sosıal-demo­kra­tııa­lyq partııa atymen qaty­sa­tyndyqtaryn da aıtty. Son­dyqtan biz saıası keńes quryp, burynǵydaı Jal­pyulttyq so­sıal-demo­kra­tııa­lyq partııa ata­ýy­na qaıtadan kóshetin bolamyz. Osy Jal­py­ulttyq sosıal-de­mo­kra­tııalyq par­tııa degen ataýmen Parlament Májilisiniń saılaýy­na baramyz, dedi Jarmahan Tuıaqbaı. Parlament Májilisin taratý jáne Parlament Májilisiniń saı­laýyn merziminen buryn ótkizýge qatysty Jarmahan Tuıaqbaı: – «Parlament Májilisiniń saı­la­ýyn merziminen buryn ótkizýdi qa­jetsinetin kezekten tys mańyzdy sharalar bar dep oılamaımyn. Meniń oıymsha, bul eldegi saıası kúshterdiń uzaqmerzimdi saılaý­al­dy básekege daıyn bolmaýy­men baılanystyrylýy múmkin. Sol arqyly tez arada merziminen buryn saılaýaldy naýqanyn uı­ymdastyryp, aqparat keńistigin­de ózderiniń múmkindikterin jo­ǵa­ry deńgeıde paıdalanǵysy keletinderi sebepti bolýy múmkin. Ekinshiden, aldymyzda daǵdarys kele jatyr. Al ekonomıkalyq daǵdarys budan keıin tipti de tereńdeı túsedi dep oılaımyn», dedi J.Tuıaqbaı, sonymen qatar, qoǵam ishinde aıtarlyqtaı deń­geı­de áleýmettik alańdaýshylyq týdyrmaý úshin de merziminen bu­ryn saılaý ótkizilýi múmkin, dep sanaıdy. Sonymen, Jalpyulttyq so­sıal-demokratııalyq partııasy músheleri Parlament Májilisiniń 2012 jyldyń 15 qańtarynda óte­tin saılaýyna jan-jaqty daıyn­dyq ústinde. «Egemen-aqparat».