О́z ustanymdaryna beriktik tanytty

Almatyda Patrıottar partııasynyń HI sezi bolyp ótti. Onda atalǵan saıası birlestiktiń saılaýaldy tuǵyrnamasy biraýyzdan qoldaý tapty. Forým dástúr boıynsha jańa múshelerge partııa bıletterin saltanatty túrde tapsyrýymen bastaldy. Onda qazaqstandyq tanymal taı boksynyń sheberlerimen qatar, jas sportshylar da óz ónerlerin ortaǵa saldy. Sóz retinde sezge delegattar elimizdiń barlyq óńirlerinen kelgenin aıta keteıik. Partııa tóraǵasy, Parlament Senatynyń depýtaty Ǵanı Qa­sy­mov óziniń baıandamasynda patrıottar ózderiniń aldyna qoıyp otyrǵan jaqyn jyldardaǵy bas­ty maqsat el azamattarynyń sa­pa­lyq turǵydan jańa ómir deń­geıine ótýi bolyp tabylatynyn atap kórsetti. Táýelsizdiktiń 20 jylynda Otanymyz áleýmettik-ekonomıkalyq damýda úlken ta­bys­tarǵa qol jetkizip, óziniń álem­dik arenadaǵy bedelin bekemdeı tústi. Newsweek jýrna­ly­nyń nusqasy boıynsha ótken jyly Qazaqstan «Álemniń ozyq elderi» tiziminde 61-shi orynǵa turaqtaǵan. Ǵ.Qasymovtyń aıtýynsha, bul erkin kórsetkish bilim berý, den­saýlyq saqtaý, ómir sapasy, eko­nomıka damýy, saıası ahýal, tur­ǵyndardyń jappaı saýattylyǵy sııaqty reıtıngterden turady. Bir­qatar pozısııalar boıynsha biz­diń elimiz qazirdiń ózinde álem­niń básekege qabiletti 50 memleketiniń qataryna kirip úlgergen. Halyqaralyq rezervter deńgeıi jóninen de osyny aıtýǵa bolady. Forýmda atap kórsetilgenin­deı, partııa qyzmetiniń mańyzdy baǵyty el Prezıdenti Nursultan Nazarbaevtyń bastamalaryn jú­zege asyrý boıynsha jasalatyn jumystar bolady. Olardyń ara­synda ekonomıkany jańǵyr­tý­dyń ulttyq jobalary, otbasy men balany qoldaý, adam áleýetin ashý bar. Taıaýdaǵy bes jylda, dep esepteıdi delegattar, Qazaq­stannyń ekonomıkasy azamattar tabysyn 20 paıyzǵa arttyrýǵa qabiletti. Parlamentke saıla­na­tyn depýtattar bıýdjet salasy qyzmetkerleriniń eńbekaqylaryn joǵarylatýǵa, az qamtamasyz etil­genderge, múgedekterge, zeınet­ker­lerge, kóp balaly otbasylaryna memlekettik qoldaýdy kúsheıtýge dáıektilikpen qol jetkizýge um­tylatyn bolady. Sonymen qatar, turǵyndar úshin áleýmettik qyzmet kórsetý­diń joǵary sapasyn qamtamasyz etý, jas otbasylaryna árkez nazar aýdaryp otyrý, jańa jumys oryndaryn quryp, shaǵyn bıznesti damytý arqyly jumys­syzdyq deńgeıin azaıtý da aı­tarlyqtaı mańyzdy. Qazaqstannyń Keden odaǵy men Búkilálemdik saýda uıymyna kirýi jónindegi Memleket basshy­synyń birtutas strategııalyq saıa­satyn qoldaı otyryp, fo­rým­ǵa qatysýshylar muny aza­mat­tar­dyń joǵary sapaly taýarlarǵa qol jetkizýiniń, qyzmet kórse­týler men otandyq ónimniń ha­lyq­aralyq rynoktarǵa shyǵýy ese­binen azamattardyń ómir sa­pa­syn joǵarylatýdyń asa mańyzdy faktorlarynyń biri retinde qa­ras­tyrdy. Sezde saıası júıeni jań­ǵyr­tý máselesine de basa nazar aý­da­ryl­dy. Ǵ.Qasymovtyń pikirinshe, joǵary uıymdastyrýshylyq ju­mys pen saıası birlestiktiń bar­lyq músheleriniń joǵary belsendiligi nátıjesinde Patrıottar par­tııasy Parlament Májilisi­nen birqatar orynǵa qol jetkizip, óziniń fraksııasyn qurýǵa qabi­letti. Sondyqtan partııa tór­aǵa­sy Parlament Májilisi men bar­lyq deńgeıdegi máslıhattar saı­laýy naýqany kezinde birqatar mindetter qoıdy. Sezd qorytyndysynda saı­laý­aldy saıası tuǵyrnama bekitilip, partııadan Parlament depý­ta­t­tyǵyna usynylatyn kandı­dat­tardyń tizimi naqtylandy. – Biz qazir saılaý taktıkasyn oılastyrýymyz qajet. Árbir par­tııa uıymy qandaı uıym­das­ty­rýshylyq áleýetke, materıal­dyq resýrstarǵa jáne múmkin­dik­terge ıe ekenin anyqtaýǵa tıispiz. Sheshingen sýdan taıynbas degen, son­dyqtan jeńiske umtylatyn bo­lamyz, – dedi Patrıottar par­tııa­synyń kóshbasshysy Ǵ.Qasymov. Osy arada eske sala ketetin bolsaq, 2004 jáne 2007 jyldar­daǵy Májilis saılaýlarynda Pat­rıottar partııasy sáıkesinshe 0,55 jáne 0,78 paıyz daýys jı­naǵan bolatyn. Ǵ.Qasymov osy joly qajetti daýys alatyndaryna senimdi. «Egemen-aqparat».