Almaty Ýnıversıada astanasy atandy!

Keshki qalalyq gazetterde bolmasa, tańerteń jaryq kóretin kúndelikti basylymdarda «búgin...» dep sóıleý salty qabyldanbaǵan. О́ıtkeni, tańerteńgilik gazetter ádette eń jedel degende keshegi kúnniń keshki oqıǵalary jaıynda jazady. Al bul joly biz búgin, ıaǵnı 30 qarashada jetken habardy jarııalaǵaly otyrmyz. Túngi saǵat 1-ge jaqyn qal­ǵanda,  «Egemen Qazaq­stan­nyń» betterine qol qoıyl­ǵa­ly jatqan shaqta Belgııa astanasy Brıýsselden súıin­shi habar aldyq. Qazaqstannyń álemge ke­ńi­rek tanylýyna septigin tıgizetin, elimizdiń dańqyn asy­ra­tyn taǵy bir jaqsy jańalyq kelip jetti: Ýnıversıtettik sporttyń halyqaralyq fede­ra­sııasy (FISU) 2017 jylǵy Ýnıversıadany Almaty qala­synda ótkizý jóninde sheshim qabyldanǵanyn jarııa etti. Bul oqıǵa Eýropa ýaqytymen keshki 19-da, Astana ýaqy­ty­men túngi 12-de boldy.  Sol kezde FISU prezıdenti Klod-Lýı Galen Almaty qala­sy­nyń ákimi Ahmetjan Esimovke 2017 jylǵy Ýnıversıadany ótkizý quqyn jeńip alǵan qa­lanyń sertıfıkatyn tabys etti. Mańyzy men aýqymy jó­ninen Olımpııalyq oıyn­dar­dan keıingi ekinshi orynda tu­ratyn bul jahandyq jarysty ótkizýge talasýshylardyń soń­ǵy máresine eki qala shyqqan edi. Onyń biri Almaty, ekinshisi Italııanyń Trento qala­sy bolatyn. Keshe Almatynyń anyq artyqshylyǵyna jáne eldegi ekonomıkalyq daǵda­rys­qa baılanysty Italııa úkimeti Ýnıversıadaǵa Trento kandıdatýrasyn alyp tastaý jóninde sheshim qabyldaǵany habarlandy. Sondyqtan Al­ma­tynyń 2017 jylǵy Ýnıversıada astanasy atanýy avto­mat­ty túrde júzege asty. Ahmetjan Esimov Brıýsselde Almatynyń ótinim ko­mıtetiniń tusaýkeseri kezinde bul sheshimge baılanysty qala basshylyǵy Ýnıversıadany eń joǵary deńgeıde ótkizýge bar kúshin salatynyn aıtty. «Bul úshin bizde barlyq jaǵ­daı bar. Birinshiden, Qazaq­stan Prezıdenti Nursultan Nazarbaevtyń tarapynan qol­daý kórip otyrmyz. Álemdegi daǵdarysqa qaramastan, bizdiń elimiz qarqyndy damyp keledi. Biz Azıadaǵa barlyq ha­lyq­aralyq standarttarǵa saı keletin jańa sport nysan­daryn turǵyzdyq. Oǵan FISU komıssııasy joǵary baǵa berdi. Buǵan qosa biz 2017 jylǵy oıyndarǵa deıin jańa muz sa­raıyn salamyz», dedi Ahmetjan Smaǵululy tusaýkeserde. FISU prezıdenti Klod-Lýı Galenniń Qazaqstanǵa, Alma­tyǵa qatysty aıtqan sózderi árbir otandasymyzdy mereılendiredi dep oılaımyz. «Men Almaty Ýnıver­sıa­dasy tamasha ótetindigine senimdimin. О́z tarapymnan bu­ǵan barlyq qoldaýymdy kór­se­temin. Endi sizdiń elińiz Ýnı­versıadadan keıin ne bo­la­tynyn oılaı bastaýy kerek. Sizderdiń Qysqy Olımpııa­lyq oıyndardy ótkizýge óti­nim berýge tolyq múmkin­dik­terińiz bar dep oılaımyn», dedi keshe FISU prezıdenti. Aıtqany kelsin! Táýelsizdigimizdiń jańa ta­bysy qutty bolsyn, ardaqty aǵaıyn!