Saılaýda osylaı daýys berip edik jeńisterge jetkizip keledi

Qarap otyrsam, ótken ǵasyrdyń 1991 jyly, onyń ózinde jeltoqsan aıy elimiz jańa tarı­hyn­da altyn better bolyp jazylyp qalǵan oqıǵa­larǵa toly bolypty. Jyl basynan-aq Keńes Odaǵy keńistiginde buryn-sońdy estilip-kóril­megen ózgerister dúmpýi shyndyǵyn aıtqanda, kóńilimizdi ártúrli oılarǵa qobaljytyp, asa alań­daýshylyq týǵyzǵan edi. Arty boljaýsyz almaǵaıyp kezeńniń nege aparyp soqtyrary kún saıynǵy buralańdardan tipti úreı úıeletetin. Osyndaı shaqta respýblıka basshysy N.Á. Nazar­baevtyń ustamdy, baısaldy saıasaty medet bolmaǵanda qandaı jaǵdaıǵa ushyrarymyzdy eske alý aýyr. Bar úmitimiz ben senimimiz el halqy aldynda bedeli óte-móte bıik Nursultan Ábishuly bolǵandyǵy shyndyq. Metallýrgter ortasynda shyńdalyp ósip, qaıratqa qaıralǵan qasıetin jaqsy biletindikten qıyndyqtan alyp shyǵatyndyǵyna men ózim ásirese, berik sendim.Sondyqtan sol kezdegi Joǵary Keńes depýtatta­rynyń prezıdentikke Nursultan Nazarbaevtyń kandıdatýrasyn usynýyn qýana qarsy aldym. Halyqtyń túgeli qatysýy ar­qyly saılanýǵa túsý durys sheshim dep qabyldadym. Daýys berý kúni saılaý ýchaskesine erte bardym. Solaı bolsa da onyń aldy jurtqa lyq tolyp qalypty. Báriniń de oı-nıeti birdeı ekeni jarqyn júzde­ri­nen aıtylmaı-aq ańǵaryldy. «О́zimizdiń Nur­sul­tanymyzǵa. О́zimizdiń Nazarbaevymyzǵa daýys beremiz!» dep jańǵyryqqan daýystar osy kúnge deıin qulaǵymnan ketpeıdi. Keıinnen bilgenimdeı temirtaýlyqtardyń 99 paıyzy jaqtap daýys beripti. Mundaı biraýyzdylyq keıingi saı­laýlarǵa da tán boldy. Bul halyqtyń Tuńǵysh Prezıdentine degen sheksiz súıispenshiligi deı alamyn. Temirtaýymyz jyldan-jylǵa kórkeıip, ór­kendeý ústinde. Jaqynda Nursultan Ábishuly jumys saparymen qalamyzda, ózi eńbek etken metallýrgııalyq kombınatta bolyp, jańarý­larmen tikeleı tanysty. Oǵan súıinishtiligin bildirdi. Jolymyzdy jalǵastyrǵan jastardyń jalyndy isterine qýanyshtymyz. Arǵyn JÚNISOV, Qazaqstannyń Eńbek Eri. Temirtaý.