Bul, meniń oıymsha, EKSPO-2017 halyqaralyq kórmesiniń zańdy jalǵasy ispettes jospar. Esterińizde bolsa, Astanadaǵy EKSPO kórmesi aıasynda 100-den asa memlekettiń, halyqaralyq uıymdar men kompanııalardyń ókilderi «Bolashaqtyń energııasyna» baılanysty XXI ǵasyrdaǵy álemdi mazalaǵan negizgi energetıkalyq máselelerdi talqylap, sheshimin tapqan alańǵa aınalǵan edi.
Gazdandyrý bastamasy aldymen eldi energııamen qamtamasyz etýdiń aımaqtyq tepe-teńdigin qalyptastyratyndyǵyna kóz jetkizip otyrmyn. Gaz qubyry soltústikke deıin jetip, áleýmettik jáne ekonomıkalyq serpilisterge jol ashady.
Sondaı-aq tabıǵı gaz qorshaǵan ortaǵa zalaly az otyn bolǵandyqtan, ekologııanyń jaqsarýy keler urpaqtyń deni saý bolýyna yqpal etedi. Tıisinshe, densaýlyq saqtaý salasynyń júgi de jeńildeı túsedi.
Eń bastysy, halyqaralyq ınvestorlardy tartýǵa jaǵdaı týǵyzatyn bul jobanyń strategııalyq mańyzyn da joqqa shyǵarýǵa bolmaıdy. Bir sózben aıtqanda, Prezıdenttiń bes bastamasy eldi ólsheýsiz tabysqa keneltkeli otyr.
Paskal LORO,
Shýazel ınstıtýtynyń prezıdenti,
EKSPO-2017 halyqaralyq kórmesindegi Fransııa pavılonynyń burynǵy komıssary
