Táýelsizdiktiń 20 jyldyǵy qarsańynda «Samuryq» ulttar teatrynyń ujymy D.Isabekovtiń «Baqyt qusy» atty týyndysyn Astana kórermenderine tartý etken bolatyn. Búgin biz Elbasy N.Á.Nazarbaevqa osy teatrdyń ártisteri joldaǵan úndeý hatty jarııalap otyrmyz.
Asa qadirli Nursultan Ábishuly!
Biz, Sizdiń qoldaýyńyzben dúnıege kelgen «Samuryq» ulttar teatrynyń ártisteri el birligi – «Kelisim» kúnine arnap «Baqyt qusy» (avtory D. Isabekov) spektaklin sahnaǵa shyǵarǵan edik. Bul bizdiń Qazaqstan Respýblıkasy Táýelsizdiginiń 20 jyldyǵyna degen tartýymyz. «Baqyt qusy» qoıylymynyń keıipkerleri bizdiń ómirimizdiń, qazaqstandyq qoǵamnyń aıshyqty beınesi. Olar óz jerin, qatar ómir súrip jatqan, taǵdyr toǵystyrǵan adamdardy jaqsy kóredi, olardyń qarym-qatynasy arqyly jalpyǵa ortaq qundylyqtar, rýhanı birlik negizderi qalyptasady. Bul – Sizdiń júrgizip otyrǵan salıqaly saıasatyńyzdyń arqasynda ornaǵan jaǵdaı – ártúrli ult pen ulystyń, ártúrli din ókilderiniń bir tilde – kelisim tilinde sóılep, Samuryq – Baqyt Qusy bizdiń elimizdiń – Qazaqstannyń basyna qonǵany týraly qoıylym. Ádette saıasatkerler saıasatpen, ekonomıster ekonomıkamen shuǵyldanady. Al biz, ártister, osyndaı qoıylymdar arqyly Siz ben bizdiń, bizdiń qoǵamymyzdyń, Otanymyzdyń ómirin, biz tańdaǵan jáne biz baǵalaıtyn ómirdi kórsetemiz. Sebebi, biz, ult pen ulysqa bólinbeıtin, dostyq pen túsinistikti, ar-ojdan tazalyǵy men syılastyqty qadir tutatyn bir úlken otbasynyń ókilderimiz. Qurmetti, Nursultan Ábishuly, negizinen, Qazaqstannyń ár azamaty úshin beıbitshilik pen tynyshtyqtan, balalarynyń bolashaǵyna degen senimnen, ortaq shańyraǵymyzdyń beriktiginen asqan mańyzdy eshteńe joq. Qaıyrymdylyq, danalyq, ózara syılastyq, yntymaq, birin-biri tyńdaı da túsine bilý bar jerde qashanda adamdar baqytty ekendigi ejelden belgili. Bizdiń qoıylym osyny kórsetedi. Biz óz shyǵarmashylyǵymyzben qoǵamǵa el birligi týraly, tatý elde ǵana baqytty ómir súrýge bolatyndyǵy týraly oıdy jetkizýdi maqsat tutamyz. Biz Sizdi shyǵarmashylyqqa jany jaqyn, ónerli tulǵa retinde bilemiz, Sizdiń án aıtyp, dombyra tartyp, Qazaqstanda turatyn qanshama ult pen ulystyń ánderin biletinińizge tántimiz. Al óner degenimiz, adam janyn ósiretin, órge súıreıtin uly uǵym. Siz sol shyǵarmashylyǵyńyz arqyly búgin álemge áıgili Táýelsiz Qazaqstan degen eldi shyńǵa shyǵardyńyz. Bul Sizdiń – Ult kóshbasshysynyń sarabdal saıasatynyń arqasynda qol jetken jeńis. Sizge osyndaı baǵa jetpes eńbegińiz úshin myń da bir rahmet aıtamyz. Qazaqstannyń ár azamaty óz taǵdyry men óz ómirinde Sizdiń eńbegińizdiń nátıjelerin sezinedi, biledi, baǵalaıdy. Qazaqtyń qonaqjaı shańyraǵynyń astynda biz barlyǵymyz birge baqytty ómir súrip jatyrmyz. Bizdiń elde ár adam óz ornyn taba alady. Budan artyq adam janyna ne kerek?! Biz Sizdi Qazaqstan Respýblıkasynyń – bizdiń súıikti Otanymyzdyń 20 jyldyǵy mereıtoıymen shyn júrekten quttyqtaımyz. Sizge zor densaýlyq, uzaq ómir tileımiz. Biz Sizdiń basqarýyńyzben táýelsiz, gúldengen Qazaqstandy ári qaraı damyta berýge daıynbyz. L.Káden – Qazaqstannyń eńbek sińirgen ártisi, «Kurmet» ordeniniń ıegeri, Ǵ.Músirepov atyndaǵy memlekettik akademııalyq qazaq balalar men jasóspirimder teatrynyń ártisi; T.Banchenko – Qazaqstannyń eńbek sińirgen ártisi, «Daryn» memlekettik jastar syılyǵynyń laýreaty, M.Lermontov atyndaǵy memlekettik akademııalyq orys drama teatrynyń ártisi; S.Popov – M.Lermontov atyndaǵy memlekettik akademııalyq orys drama teatrynyń ártisi; A.Fedoseev – M.Lermontov atyndaǵy memlekettik akademııalyq orys drama teatrynyń ártisi; M.Tokarev – Qazaqstannyń eńbek sińirgen ártisi, M.Lermontov atyndaǵy memlekettik akademııalyq orys drama teatrynyń ártisi; J.Sadyrbaev – M.Áýezov atyndaǵy qazaq memlekettik akademııalyq drama teatrynyń ártisi; E.Jýmanov – «Daryn» memlekettik jastar syılyǵynyń laýreaty, N.Sas atyndaǵy memlekettik akademııalyq balalar men jasóspirimder teatrynyń ártisi; G.Tabala – N.Sas atyndaǵy memlekettik akademııalyq balalar men jasóspirimder teatrynyń ártisi; G.Kım – II dárejeli «Dostyq» ordeniniń ıegeri, memlekettik respýblıkalyq koreı mýzykalyq drama teatrynyń ártisi; O.Lı – Qazaqstannyń eńbek sińirgen óner qaıratkeri, «Kurmet» ordeniniń ıegeri, memlekettik respýblıkalyq koreı mýzykalyq drama teatrynyń ártisi; A.Nýrmagambetov – T.Júrgenov atyndaǵy Qazaq ulttyq óner akademııasynyń stýdenti; A.Oraqbaeva – T.Júrgenov atyndaǵy Qazaq ulttyq óner akademııasynyń stýdenti; M.Ahmanov – qoıýshy rejısser, Qazaqstannyń eńbek sińirgen ártisi; L.Nı – memlekettik respýblıkalyq koreı mýzykalyq drama teatrynyń jáne Ulttar teatrynyń dırektory; A.Muhamedıuly – T. Júrgenov atyndaǵy Qazaq ulttyq óner akademııasynyń rektory jáne Ulttar teatrynyń kórkemdik jetekshisi.
