Sport merekesine zaýyttyń «Metallýrg» sport klýbynyń jas tárbıelenýshi sportshylary erekshe daıyndyqpen keldi. Zaýyt kásipodaq komıtetiniń basshysy N. Sýhoterınnniń aıtýynsha, sport merekesi ótkizilip kele jatqan 10 jylǵa taıaý ýaqytta 5 myńdaı jas sportshy qaladaǵy jarys alańdarynda sporttyń ár túrinen qatysty. Jas jankúıerler odan da kóp.
Bıylǵy kóktemgi sport jarystary taǵy da sondaı merekelik kóńil kúımen ótti. Kishi jastaǵy sporshy balalar arasynda Barnaýldan kelgen komanda jeńiske jetti. Ekinshi orynǵa aqsýlyq «Metallýrg», al úshinshi oryndy Slavgorod qalasynyń sportshalry ıelendi. Zaýyttyń «Metallýrg» sport klýbynyń, ekibastuzdyq fýtbolshylar jaqsy oıyn kórsetti. Basketbol, voleıbol, fýtbol oıyndarynda jergilikti sportshy jasóspirimdermen birge, Slavgorodtyq, Aqmola oblysy, Ekibastuzdyq komandalar jaqsy oıyn kórsete bildi.
Voleıbol alańynda pavlodarlyq Olımpııadalyq rezevrtegi jastar mektebiniń voleıbolshylary jeńiske jetti. Qyzdar arasynda voleıbol jarysynda óskemendik komanda alǵa shyqty. Aqsýlyq tennısshiler de top jardy. Barlyq jeńimpazdar IX Halyqaralyq sport festıvaliniń dıplomdarymen, syılyqtarymen marapattaldy.
Farıda Byqaı,
«Egemen Qazaqstan»
Pavlodar oblysy, Aqsý qalasy
Sýretti túsirgen Irına Sychına
