BÝMERANG
Qar laqtyryp oınadyq ótkenge,
ótip jatqan ýaqytqa:
Kóktemde –
aına syndy.
KО́RUǴLY
Kúızeledi álem
tamyp túse almaı
qalam ushynan...
JALǴYZDYQ
Birin biri
izder bolsa adamdar,
biler edi – joǵalǵanyn báriniń...
MURAT
Jalqy taýdyń eteginde,
tańda týǵan kóbelek
shyńynda óldi,
juldyzdarǵa eskertkish bop qanaty.
ÝAQYT
Bir top bala maǵan qaraı júgirdi,
qulaǵyma jetti úni,
ekpini – shashymdy aǵartty.
ORTAǴASYR
Adyraspan tútini
syǵan qyzdaı bıleıdi,
janarynda Saıftyń.
ESTELIK
Bala kúngi daýysym,
jańǵyryp tur – alystaǵy taýlarda,
ǵaryshtaǵy ən syndy.
JANJAL
Aǵash úıdegiler ot jaqty.
Quptanda kún shyqty.
Japyraqty shól qysty.
QULAǴAN KOMETA
Ot bolyp
laýlap kep,
zaýlap kep,
qara jerge zyrq etti
aýyr sóz.
AIQAI
Juldyzdar
shytynap qırady,
synyǵy
júrekti tilgilep.
JAŃBYRLY TÚNGI TÚS
Bir batyp,
bir shyǵyp,
qalqyp júr qarýlar,
balalardyń kóz jasynda.
PIGMALION
О́z janyn aqyn halyqta saqtaıdy,
Al halyq bolsa –
Aqynda.
JAHANDANÝ
Áppaq dalama
kirip keldi álem,
aıaǵyn súrtpesten.
YŃǴAISYZDANÝ
Netken jumsaq týǵan jer tastary,
Netken qatty edi alaqanym.
ÝAQYT QYTYǴY
Qysh qumyra ishinen
jańǵyryp estildi
Gomer kúlkisi.
SÝNAMI
Úrikken shaǵala
teńizdi sapyrdy,
jaǵalaýdy shaıdy.
TÝRBÝLENTTILIK
Qus sheńgelinde
ushady qoıan,
ushaqta alma domalaı...
TIRShILIK
Taýlar túnde kóshedi,
balapany ulardyń
jumyrtqasyn jarǵansha.
TAZALYQ
Eliktiń laǵy oınaıdy balammenen.
Babam ańǵa shyqpady ma
ul tapqanda alaly.
JOŃYShQA
Ərbir jazda myna beles jap-jasyl,
ózgermeıdi.
Biraq jylda tanymaıdy meni olar.
ARBA DOŃǴALAǴY
At jalyqqan əýennen
qııalynda balanyń
Mosart týdy.
QYR
Qyrǵa ketip, qańǵyrdym.
Men qalaǵa bara almaımyn,
Bala qazdyń qataıǵansha qanaty.
KО́ShPENDI
Bul taý buryn qyz bolypty desedi,
men de buryn qus bolǵam,
qondym ba ekem ıyǵyńa?..
JAŃA О́MIR
Baq ishinen ushyp shyǵyp balapan,
shıq-shıq etip kezip júrdi aýlany
kók almanyń ıisindeı.
TARAZ ShIESI
Shıraz sulýynyń ernindeı,
Sham oıshylynyń uıatyndaı,
Afına shesheniniń tilindeı.
DƏLELDEÝ
Zilzalanyń
dəleldeýi qajet pe,
ol zilzala ekenin?
TÚS ƏLETI
Kóz shyrymyn alsamshy,
shýlaı qonyp ústime,
alma aǵashtyń gúlderi.
MAZASYZDYQ
Inelik nege kózin jumbaıdy,
nege typ-tynysh
myna tún?..
ShARASYZDYQ
Jalańash jartasta
qalǵıdy barqyn,
qarǵa daýsynan qulaǵy tunyp.
SEBEPSIZDIK
Qustarǵa jem berdim
qolymnan,
qanatyn alǵam joq.
BƏIEK
Japyraqtan tamshy tamyp túskenshe
dúnıede degbirsizdik týylyp,
maǵan ótti.
KО́TERILIS
Olar uzaq jyldar boıy qol sozdy –
aınalǵansha naızaǵa ol...
ALLIýZIIа
Balaǵa dop jer sekildi.
Jer dop sekildi bala emeske.
ESKI ǴIMARAT
Tarıhta kiretin esik bar,
shyǵatyny joq.
Sham – shirkeıler mazary, jaryqqa umtylǵan.
KО́NE QUMYRA
Adam eger bərin de umyta alsa –
bosar edi de, qırar edi,
tynyshtyqtyń ashy daýsynan.
О́RKENIET
Adam ózin izdep júrip
bir kúni
taýyp aldy maımyldy.
PIRAMIDA
Səbı kúnin túsire almaı esine,
sýretine qaraıdy olar tańdanyp.
JINALYS
Kún astynda kóp adam,
men bir mańda tynshımyn,
qus qanaty kóleńkesin túsirgen.
BALBAL
Eki qazaq sóılesip tur dalada,
qaraı qalsam,
tas bop qata qalady.
BUZYLǴAN ÚI
Myna kilt,
endi eshbir esikti ashpaıdy.
QALAÝ
Taýǵa shyǵyp aıqaı salǵym keldi de,
órmeledim,
shyńynda –
sybyrlasyp otyr eken eki adam.
SIZIF
Tastyń
jany,
erki,
məni,
serti,
yrqy,
qalaýyna – qarsylyq!
GORGONA MEDÝZA
Eskertkishter –
ózi ózine tike qaraı alǵandar.
JOǴALǴAN URPAQ
Qar jaýyp,
basyldy.
Eń sońǵy aq ulpa
qaısysy ekenin eshkim de bilmedi.
PIKIR
Jaıyn ózin jaǵalaýǵa laqtyrdy,
muhıt ony sezgen joq.
О́MIR AǴAShY
Jelge ilesip ketti jalǵyz japyraq,
endi əlem ózgerdi,
múlde ózgerdi.
PAIDALYLYQ
Japan túzde jatqan tasty kóterme.
POLIGON
Dala tolqyp jatyr tunyq teńizdeı,
kórinedi aǵaryp
babalardyń súıegi.
A Bao A Ký
Adam balasy eseıgen saıyn,
armandary
nege usqynsyz?
DORIAN GREI
О́zine alyp adam kúnásin,
sózder óledi,
beıýaq.
KÚTÝ
Jolǵa qarap turdy jar.
Japyraqtyń boıaýy
aǵyp jatty kózinen.
О́KPELEÝ
Hat jazdy da jyrtty ony.
Keıde adamǵa jazý kerek jaı ǵana,
teńiz túnde shýlaǵandaı.
QYZǴANÝ
Saǵan qarap turǵandardy kórgenshe,
ańǵarmappyn,
ketkenińdi qulpyryp.
KО́KTEM
Qońyraý shaldy belgisiz nómir
úzdiksiz,
úzdiksiz jaýdy jańbyr da.
DIHOTOMIIа
Men saǵan barý úshin gúl alamyn,
al gúldi alý úshin saǵan baram.
ƏSER
Sulýlar ketedi,
óleńder qalady
Almatyda.
DAÝYL
Sol túngi nóserde
jaýmaǵan jalǵyz bult -
shyndyqtyń bulty edi.
Erlan JÚNIS
