Qazynaly Atyraý týraly óleńin oqyp bastaǵan keshte Hanbıbi Esenqaraqyzy ómir týraly tolǵanystaryn da kórermenmen bólisip otyrdy. Mahambet atyndaǵy akademııalyq qazaq drama teatrynyń ártisteri aqyn óleńderin mánerlep oqysa, belgili ánshiler Ulyqpan Joldasov, Hadısha Shalabaeva, Medet Qaramyrza men «Samal» toby oryndaǵan ánder de Atyraý aspanynda áýeledi.
– Munaıly ólke, shyraıly ólke týraly óleńderim az emes. Sony ata jurtymnyń aldynda oqyp berer bir kún bolsa ıgi edi dep kópten beri oılap júrgen armanym oryndaldy, – deıdi halyqaralyq «Alash» ádebı syılyǵynyń laýreaty Hanbıbi Esenqaraqyzy.
Aqyn keshine Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymynyń orynbasary Lázzat Súleımen de qatysyp, aq tilegin arnady.
Baqytgúl BABASh,
«Egemen Qazaqstan»
ATYRAÝ
