Osy jolǵy usynystyń jóni bólek

Halqymyzda «El úmitin er aqtar, er ataǵyn  el saqtar» degen bar. Muny Tuńǵysh Prezıdentimiz Nursultan Nazarbaevtyń Táýelsiz Qazaqstandy álemdegi eń qýatty memleketter qataryna engizýdegi eńbegine baılanysty aıtýǵa bo­la­dy.  Osydan 20 jyl buryn eli sengen Elbasy saılaýynda Nursultan Nazarbaevqa respýblıka jurt­shy­lyǵy úlken úmitpen daýysyn bergen edi. Sodan bergi kezeńde Táý­el­siz elimizdiń ekonomıkasynda jyl­ma-jyl ósim baıqalyp keledi. Toz-tozy shyǵa jazdaǵan aýyl sharýa­shy­lyǵynyń tamyryna búlkildep  qan júgirdi. Igerilýi ózimizge qıyn soǵatyn iri munaı kenishteri sheteldik ınvestısııanyń salynýymen el ıgiliginiń qajetine jaraı bastady. Básekege qabiletti otandyq ónimder óndirilip, buryn-sońdy óńimiz tú­gi­li túsimizge kirmegen eren ister atqarylyp jatyr. Árıne, kezinde Qazaqstan táýel­siz­digine kúmánmen qarap, keleshegine oń tileýlestik tanytqysy kelmegen elderdi de bilemiz. О́ıtkeni, olar ózderinde Nursultan Nazarbaevtaı eldiń bolashaǵyn áriden oı­laıtyn, soǵan oraı tyń refor­ma­lar­dy tabandylyqpen qolǵa ala­tyn batyl basshysy bolmaǵannan keıin Qazaqstannyń aldaǵy kún­de­ri­ne qyzǵanyshpen qaraǵan shyǵar. Táýelsizdik jyldarynda «Aldy­men – ekonomıka...» qaǵıdasyn us­tan­ǵan Prezıdentimiz ulttyq eko­no­mıkanyń san salasyn órken­de­tý­men birge, mádenıetke, áleýmettik salaǵa barynsha qoldaý bildirdi. О́zim kóp jyl eńbek sińirgen máde­nıetke qatysty aıtar bolsam, «Má­denı mura» memlekettik baǵdar­la­masynyń iske asyrylýy ulttyq mádenıetimiz ben ónerimizdi bıikke kótergen oń qadam bolǵany daýsyz. Osy baǵdarlama aıasynda qanshama jaý­har dúnıelerimizdi jas urpaq­tyń sanasyna sińire aldyq! Bul kúnderi Qazaqstandy álem elderi ekonomı­kasy qýatty  memleket retinde ǵana emes, mádenıeti men óne­riniń kók­jıegi keńigen el retinde tanıdy. Jáne bir aıtpaýǵa bolmaıtyn jáıt, bizdiń elimizde 130-dan astam ulttyń ókili turady. Osyn­shama ult ókilderi Qazaqstan degen qara­sha­ńyraqtyń astynda ta­tý­lyqtyń, yntymaq pen birliktiń úlgisin kór­setip keledi.  Tuńǵysh Prezıdentimiz álemniń ár qıy­ry­na ár túrli sebeptermen tarydaı shashylǵan baýyrlarymyzdy atameken topyra­ǵy­na shaqyrdy. О́zge elde sultan bolǵannan góri óz elinde ultan bo­lýdy kózdep oralǵan qandasta­ry­myz­ǵa memleket tara­py­nan qoldaý kórsetti. Álemdegi birde-bir el dál Qazaqstandaı, dál Nursultan Nazarbaevtaı tarıhı Otanyna ańsap jetken qan­dastaryna qoldaýdy da, kómekti de bere alǵan joq. Mine, osynyń bári – eliniń baqýatty turmysy men kemel keleshegi, halqynyń namysy men abyroıy úshin emirene eńbek etken Erdiń – Tuńǵysh Prezıdentimiz Nursultan Nazarbaevtyń erlikke para-par eńbeginiń jemisi! Elin súıgen Erdiń eren eńbegi laıyqty baǵasyn alýy tıis. Osy turǵydan aıtqanda, Nursultan Nazarbaevqa eń laıyqty marapat – «Halyq  Qa­harmany» ataǵy. Beıbit ómirimizdiń kepili bola alǵan Nursultan Nazarbaevtyń árkez Táýelsiz elin bıik belesterge bastaı bergenin qalaımyz. Alar marapatyńyz qut­ty bolsyn, Táýelsiz Qazaqstannyń álemdegi mereıin tasytyp, aby­roı­yn kótergen Nursultan Ábishuly! Narıman ÚLKENBAIULY, Qazaqstan Respýblıkasynyń mádenıet qaıratkeri. Atyraý oblysy.