Tarıhı ádilettilik ornaǵan kún

Jaqsy adamdar eldiń baǵy úshin týady degen qaǵıda bar. Árıne, bul – qısyndy sóz. Sol sekildi Memleket basshysy Nursultan Nazarbaev ta halqymyzdyń baǵy úshin ómirge kelgen dara da dana tulǵa desek, esh qate­les­peıtin shyǵarmyz. Elbasy­nyń aza­mat­tyq jáne kóshbasshylyq bitim-bol­my­syn kóterip turǵan bas­­ty faktor – qa­rapaıymdyǵy men kisiligi deý­ge bo­la­dy. Al qara­paı­ymdylyq uly­lyqtyń bir belgisi men nyshany ekeni taǵy da ta­lassyz. El, memleket aldyndaǵy eńbegi erekshe bola tursa da El­ba­sy sol eńbegine laıyqty  usyny­latyn  qurmetter men joǵary ataqtardyń bárinen bas tartyp keledi. Tipti bul oıyn birneshe ret BAQ arqyly qazaqstandyqtarǵa shegelep aıtty da. Al bul joly Parlament Senaty Nursultan Nazarbaevqa tıisti zań­darǵa tolyqtyrý engizý arqyly «Halyq Qaharmany»  ataǵyn berýge múmkindik týǵyzyp otyr. Er kezegi úshke deıin degendeı, bul joly Nurekeńniń tarıhı ádilettilik ta­la­byna saı berilgeli otyrǵan eli­miz­diń eń joǵary ataǵyn alýdan bas tartýǵa haqy joq dep bilemin. Men bul arada er kezegi úshke deıin degen halyq arasynda jıi qolda­ny­latyn tirkesti buǵan deıin de qa­zaqstandyqtar tarapynan joǵary ataqqa usyný týraly áńgimeler qoz­ǵalǵan kezderde Prezıdentimiz bir­neshe ret toıtarys berip tas­taýy­na baılanysty aıtyp otyr­myn. «Halyq qalasa, han túıesin soıady» demeı me? Bul jerde Parlament Senaty  qabyldaǵan zańdy sheshim halyq tilegin bildiretini aıdan anyq. Nursultan Ábishulyna «Halyq Qaharmany» ataǵyn berýge laı­yq­ty krıterııler óte kóp. Sonyń bireýine toqtalǵym keledi. Bul – ártúrli ult ókilderi meken etetin kópkonfessııaly memlekette ýyz­daı uıyǵan tynyshtyqtyń saqta­lyp otyrǵany. El ekonomıkasy men mádenıetin damytýda tatý-tátti qarym-qatynastardyń basty kepilge aınalyp otyrǵany. Muny eń aldymen, Elbasynyń janqııarlyq eńbegimen baılanys­tyr­ǵanymyz oryndy. Bul arada Nurekeńniń jalań uran tastaýǵa múldem jany qas ekenin de ashyp aıtqan jón. О́ıtkeni, qurǵaq sózder men jalań urandar esh ýaqytta  nátıje bergen emes. Kerisinshe, eldiń bereketin ketiretini de bar. «Bizdiń bárimiz Gogoldiń shınelinen shyqqanbyz» dep Dostoevskıı oryndy aıtqandaı, búgingi Qazaq­stan halqy Assambleıasy ókilderi ózderiniń Nursultan Ábishulynyń tól perzenti, bel balasy ekenin laıyqty maqtanysh etedi. Qysqasy, Parlament Senaty tarıhı ádilettilikti el nazaryna da, Elbasy nazaryna da usynyp otyr. Bul sheshimniń aıaqsyz qalmaı­ty­nyna úmit úlken. Baýyrjan TUMANOV, «Artý» qoǵamdyq birlestiginiń tóraǵasy. Oral.