Elimen birge eńselenip otyr

Elimiz táýelsizdik alǵanda men 60 jasqa tolǵan edim. Qazir seksenniń seńgirindemin. Zeınetkerlikke shyqqanyma da jıyrma jyl toldy. Osy jıyrma jylda elimiz Elbasymen birge talaı asýlar men tar jol, taıǵaq keshýlerden ótti. Naryqtyń ótpeli kezeńinde eldegi tústi metallýr­gııa­nyń alyptary – О́skemen qorǵasyn-myrysh, tıtan-magnıı kombınattary, Úlbi metallýrgııa zaýyty, basqa da ondaǵan kásiporyndar jabylýdyń sál aldynda turdy. Mine, eldik pen erlik synalar osyndaı sátte Elbasy Nursultan Nazarbaev Kendi Altaıǵa birneshe ret kelip, tıtyqtaǵan kásiporyndardyń «ekinshi ǵumyryn» bas­tat­qanyn kónekóz qarııalardyń qatarynda men de kórgen edim. Sheteldik ınvestorlar mol qarjy quıdy, qazir aty atalǵan kásiporyndar el ekonomıkasyn kóterýge laıyqty úles qosyp keledi. Buqaralyq aqparat quraldarynan halqymyzdyń birtýar uly Nursultan Ábishuly Nazarbaevqa «Halyq Qaharmany» ataǵyn berý  týraly usynys qup alynǵany jóninde estigen kezimde, kóz aldyma jańaǵy oqıǵalar elestedi. Shyn máninde Elbasy qandaı qurmetke de laıyq, munyń aldynda joǵary marapatqa usynǵan kezde odan bas tartqanyn qarapaıymdylyqtyń úlgisi retinde qabyldaǵan bolatynbyz. Nursultan balam, eliń men tóbege kóteretin azamattaryń ózińdi joǵary ataqqa ornymen ári der kezinde usyndy dep esepteımin. Shyn máninde Siz uly tulǵasyz, halyq ardaqtaıtyn azamatsyz. Basqasyn bylaı qoıǵanda, bir jyl ishinde Qazaqstanda nebir keremet oqıǵalar ótti. EQYU-ǵa tóraǵalyq ettik, Uıymnyń Sammıtin uıymdastyrdyq. Azııa oıyndaryn dúrkiretip ótkizý de abyroıymyzdy arttyra tústi. Endi, mine, arada bes-alty jyldan keıin Dúnıejúzilik Ýnıversıada Almatyda ótpek. Demek, Qazaqstannyń kórkeıýi, ósip-órkendeýi Sizdiń bıik bedelińizdiń arqasy emes dep kim aıtar eken? Elimen etene Elbasymen birge Táýelsizdiktiń 20 jyldyq mereıtoıyn el esinde qalarlyqtaı mándi de sándi ótkizetinimiz daýsyz. Endeshe, elimizdi tek bıikterden kórýge jazsyn! Mamyrbek TURǴANBAEV, zeınetker, Qazaq KSR-iniń eńbek sińirgen ustazy. О́skemen.