Bul – naǵyz halyq qalaýy

El taǵdyry jolynda tún uıqysyn tórt bólgen Tuńǵysh Prezıdentimiz Nursultan Nazarbaevty elimizdiń jo­ǵary memlekettik nagradasy – «Halyq Qaharmany» ataǵyna usynýdy zań tur­ǵysynda qaraǵan Senattyń plenarlyq otyrysynyń sheshimi barsha qazaq­stan­dyqtardy bir serpiltip tastaǵany anyq. Osy qýanyshqa baılanysty KazSIK, Komsomol eldi meken jurt­shy­lyǵy bir-birinen «Súıinshi!» surasyp, máre-sáre boldy. Bul – qarapaıym ha­lyqtyń Elbasynyń eńbegine ádil baǵa bergeni, saıasatyn tolyqtaı qoldaǵany. Táýelsizdik mereıi atap ótiletin qasıetti kún de jaqyndap keledi. Osy sátte ótken jyldardaǵy atqarylǵan ister, shyqqan belester kóz aldymyzdan tizbektele ótýde. Qaı jaǵynan qarasaq ta eldiń áleýmettik, turmystyq jaǵ­daıy jaqsardy. О́risimiz malǵa toldy. О́ndiris oryndary kóptep ashyldy. Elimizde júrip jatqan saıası, áleýmettik-ekonomıkalyq, quqyqtyq reformalar­dyń jaıy kóńil qýantarlyq. Mine, osynyń bári – Kóshbasshy­myz­dyń álemdi sharlap, damyl tappaı birde anda, birde munda saparlarda júrgeniniń, Qazaqstandy alys-jaqynǵa tanytýynyń nátıjesi. Týǵan Otany­myzdaǵy jańalyqtardy qalt jibermeı, teledıdardan kórip, gazetterden oqı otyryp, Elbasynyń qa­jyr­lylyǵy men sara saıasatyna, kóre­gendigine, kemeń­ger­ligine tánti bo­lamyn. Eli men jerin súıýdiń, halqyna qyzmet etýdiń úlgisi osyndaı-aq bolar. Eren eńbegimen elin tanytýdaǵy tarıhı róline joǵary baǵa berilgenine shyn qýanamyn. Elbasynyń joldaýlary men ob­lys, aýdan ákimderiniń osyǵan baı­lanysty tapsyrmalaryn oryndaý maqsatynda okrýg ákimi retinde uıym­dastyrý­shy­lyq jumysty jandan­dyryp, halyq­tyń jaǵdaıyn jaqsartý, eldi mekenderdi sáýlettendirý jolyn­daǵy kóp­te­gen ju­mystardy tııanaqty júrgizip kelemiz. Kóshbasshymyzdyń tek óz elimizde ǵana emes, halyqaralyq deńgeıde at­qar­ǵan jumystary men bastamashy­lyǵyna da joǵary baǵa berilip júr. Bul – Prezıdenttiń sózi men isi toǵys­qanynyń dáleli. Boıyndaǵy Alla bergen kemeńgerlik, kóregendik qasıetter «myń ólip, myń tirilgen» qazaq halqyn qaıta túletýde úlken ról atqarǵany taǵy anyq. Parlament Senaty qabyldaǵan sheshim – naǵyz halyqtyq sheshim. Elbasy «Altyn Juldyz» jáne «Otan» ordeni qosa tapsyrylyp, «Halyq Kaharmany» atanyp jatsa, bul táýelsizdigimizge, jalpy qazaq halqyna jasalǵan qurmet bolmaq. Bul jeke meniń ǵana emes, Ile aýdanyndaǵy KazSIK aýyldyq okrýgi turǵyndarynyń pikiri. Qasıetti juma kúnin qarııalar osylaı qarsy alyp, aqjarma tilekterin ortaǵa saldy. «Kóp pikiri – kól» degen. Mereıli sátterimiz kóp bolsyn, Kókbaıraǵymyz bıikterde jelbiresin. Bekbolat BEREKETOV, aýyl ákimi. Almaty oblysy, Ile aýdany.