Infraqurylymdar daıyndyǵy joǵary

Qazaqstan Táý­elsizdiginiń 20 jyl­dyǵy qar­sańynda respýblıka Pre­mer-Mınıstriniń orynbasary – Indýstrııa jáne jańa tehnologııalar mınıstri Áset Isekeshev pen Kólik jáne kommýnıkasııalar mınıstri Berik Kamalıev, «Qazaqstan temir joly» UK» AQ prezıdenti Asqar Mamın Memleket basshysynyń tapsyrmasymen Almaty oblysynda salynyp jatqan kólik ınfraqurylymy nysandarynyń daıyndyǵyn tekserdi. Negizgi nysandardy iske qosý men tusaýkeser rásimi bıylǵy jylǵy jeltoqsannyń 9-ynda Indýstrııalyq forým aıasynda ótkiziletin bolady. Jobanyń basy-qasynda Qa­zaq­stan men Qytaı memleketteri basshylarynyń turǵany belgili. 2006 jylǵy jeltoqsannyń 20-syn­da Qazaqstan Prezıdenti N. Nazar­baevtyń QHR-ǵa memlekettik sapary aıasynda Qazaqstannyń Kólik jáne kommýnıkasııalar mınıstrligi men QHR Temir jol mınıstrligi arasynda Qazaqstan men QHR arasyndaǵy temir jol­dy Qorǵas (QR) stansasy men Horgos (QHR) arqyly jalǵas­tyrý úshin qury­lys jumys­taryn júrgizý týra­ly memo­randýmǵa qol qoıylǵan bolatyn. Bul jol Qazaqstannyń kólik júıesin damytýdaǵy respýb­lıka­nyń tranzıttik áleýetin paı­dalanýda úlken múmkindik­terge jol ashady. Qurylys barysynda bes myń jumys orny ashyldy. Ol iske qosylǵanda 2055 adam turaqty jumyspen qamtylady. Jol rekordtyq qysqa merzimde salyndy. Magıstraldiń qazaqstandyq bóligin salý 2009 jylǵy tamyzdyń 3-inde bastal­ǵan bolatyn. Osy merzimde otan­dyq merdiger uıymdar 293 shaqyrym jol saldy. 5 stansa, 9 jol aıryǵy, 28 kópir, eki sýaǵar iske qosyldy. Optıkalyq-talshyqty baılanys jelisi tartyldy. Altynkól she­ka­ralyq stansasy men jol aıryq­ta­rynda qyzmettik-tehnıkalyq ǵıma­rat­tar turǵyzyldy. Qazirgi ýaqytta áleýmettik ny­sandar – turǵyn úıler, balabaq­sha­lar, mektep, jataqhanalar, medı­sı­nalyq oryndar salynýda. «QTJ» UK» AQ prezıdenti Qazaqstannyń kóliktik-logıstıkalyq júıesin da­mytý tujyrymdamasy men QTJ ba­zasynda yqpaldasqan kóliktik-logıstıkalyq operatorlyq qyz­meti týraly baıandady. Memleket basshysynyń tapsyrmasymen sa­ly­­nyp jatqan nysandardyń da­ıyn­­dyǵyn tekserý barysynda «Qor­­ǵas» halyqaralyq shekaralyq yn­tymaqtastyq ortalyǵynyń jaıaý júrginshilerge arnalǵan ótkeli túıisýi boldy. Ol arqyly eki eldiń aza­mattary emin-erkin ótetin bo­lady. Joldyń túıisý rásimine Qy­taı ta­rapynan QHR Memlekettik keńe­si­niń vıse-premeri Chjan Deszıan qatysty. 2011 jyl ishinde «Qorǵas» ha­lyqaralyq shekaralyq yntymaq­tastyq ortalyǵynyń nysandary iske qosyldy. Táýligine on myńnan astam adamdy ótkize alatyn tek­serý-ótkizý beketi salyndy. 23 shaqyrymdyq avtojol, avtokópir, tórt týnnel, basqa da shekaralyq- kedendik ınfraqurylymǵa qajetti nysandar turǵyzyldy. Ortalyq iske qosylǵannan bastap ınves­tı­sııa­lyq jobalardy qarjylandyrý men týrıstik jobalardy júzege asyrýǵa qolaıly ahýal jasalǵan. Osynda Altynkól stansasynda údemeli ındýstrııalyq-ınnovasııa­lyq damý baǵdarlamasynyń eń iri jobalarynyń biri – 293 sha­qy­rym­ǵa sozylatyn Jetigen – Qorǵas temir jol magıstraliniń tusaýkeser rásimi ótti. Jetigen – Qorǵas temir jol jelisi qurylysynyń aıaqtalýy jáne «Qorǵas» HShYO paıda­la­nýǵa berilýi bolashaqta «Qorǵas – Shyǵys qaqpasy» ındýstrııalyq-logıstıkalyq habynyń belgili bir kezeńi bolyp tabylmaqshy. Ol son­daı-aq respýblıkanyń tranzıttik áleýetin aıtarlyqtaı arttyratyn, atap aıtqanda, Qazaqstandy Qy­taımen jáne Ońtústik-Shyǵys Azııa elderimen baılanys­ty­ratyn jańa halyqaralyq kólik dálizine aınalady. Kólik jáne kommýnıkasııalar mınıstri B.Kamalıev respýblıka aýmaǵy boıynsha tranzıttik kólikterdiń ótý jyldam­dy­ǵyn ulǵaıtý úshin memleket qa­byldap jatqan sharalar týraly áńgimeledi. Ol atap ótkendeı, ShYU sheńberinde basty mindeti avtomagıstral boıynsha kedergisiz qozǵalys ornatý úshin qolaıly jaǵdaılar jasaý bo­lyp tabylatyn Batys Eýropa – Batys Qytaı transkon­tınen­taldyq dáliz boıynsha úılestirý keńesi qurylatyn bolady. Qyzmet babyndaǵy tekserý barysynda Premer-Mınıstr­diń orynbasary – Indýstrııa jáne jańa tehnologııalar mınıstri Á.Isekeshev kóliktik ın­fraqurylymnyń daıyndyǵyna joǵary baǵa berdi. Qorǵanbek AMANJOL, Almaty oblysy. Sýretti túsirgen Iý.BEKKER