Alǵys arqalaǵan «AqsaıGazServıs»

Sheteldik kompanııalarǵa  sapaly qyzmet kórsetip keledi

Táýelsizdiktiń jıyrma jyly ishinde el ekonomıkasynyń alǵan asýlary aıtarlyqtaı. Árıne, oǵan munaı-gaz sektorynyń qosqan úlesi qomaqty. Beınelep aıtqanda, ol alǵa damý men eldi jańǵyrtýdyń lokomotıvine aınaldy. Ekonomıkanyń progressıvti túrde órleýine egemen­diktiń alǵashqy jyldarynda qabyldanǵan «Aksıonerlik qoǵamdar týra­ly» zańǵa sáıkes ómirge kelgen jańasha óndiristik qurylymdar tyń serpin berdi. Solardyń biri Qarashyǵanaq kenishi aýmaǵyndaǵy «AqsaıGazServıs» aksıonerlik qoǵamy. Ol munaı-gaz kenishterin ıgerip jatqan sheteldik kompanııalarǵa servıstik qyzmet kórsetetin kósh­bas­taýshy otandyq kompanııa bolyp tabylady. Bul ujym 1998 jyldyń 5 naýryzy kúni respýblıka Úkimetiniń qaýlysy negizinde quryldy.

ALǴAShQY ADYMDAR

Jańa kásiporyn alǵashqy jyly 897 mıllıon teńge tabys taýypty. Odan keıingi jyldarda AQ qyzmet kórsetý kólemin birtindep ulǵaıta tústi. 2005 jyly «AqsaıGazServıs» AQ-tyń prezıdenti bolyp, jańasha oılaý júıesin qalyptastyra bilgen, jas ta tájirıbeli óndiris jetekshisi Tilek Shektibaev bekitildi. Ol qysqa ýaqyttyń ishinde úlken ujymǵa bilikti menedjerler men kásibı maman­dar­dy toptastyra bildi. Eń bastysy, oıy ozyq basshynyń bastamasymen AQ-ty odan ári damytýdyń strate­gııa­sy jáne ınnovasııalyq tuǵyr­na­masy jasaldy. Bul irgeli qujat «AqsaıGazServıstiń» basty aksıoneri Merkýrıı kompanııasy basqarý­shy­sy tarapynan qoldaý tapty. Birinshi kezekte munda sheteldik kom­panııalarda qyzmet jasaý táji­rı­besi bar Qazaqstandaǵy, TMD aýqy­myn­daǵy jáne alys shetelderdegi óz­deri tektes kásiporyndardyń is-táji­rı­beleri sarapqa salyndy. Osy­laı­sha baǵalaýlar men taldaýlarǵa toly markentıngtik zertteýlerdiń qorjy­ny tolyǵa tústi. Sonyń nátıjesinde servıstik qyzmet salasynda múldem ózgeshe, jańa tehnologııalyq jeli qa­lyptasa bastady. Iаǵnı, munda sapa­ny ornyqtyrý, eńbek qaýipsizdigi, den­­saý­lyq saqtaý, ekologııa, kadrlar­dy irikteý isinde halyqaralyq deń­geı­de­gi ozyq tájirıbe berik ornyǵa aldy. Sóz joq, munyń ózi respýb­lı­ka­nyń batys óńirindegi áleýeti mol sheteldik tapsyrys ıeleriniń qyzy­ǵý­­shy­ly­ǵyn týǵyzbaı qalmady. Búginde «AqsaıGazServıs» AQ kór­setetin servıstik qyzmettiń toq­san pa­ıyzdan astamy sheteldik kompanııalar úlesinde. Árıne bul úlken senim men jaýapkershilik, ujymdaǵy jumys­shy­lar men ınjener-tehnık qyzmet­ker­ler­diń bıik kásibı deńgeıi degen sóz. Qa­zaqstandyq kompanııa­nyń korporatıvtik ımmıdji sońǵy jyldary odan ári ósip, olar sheteldik kompanııa­lar­daǵy óte qıyn da kúrdeli báseke­lestik ortada tender jeńimpazdary atandy. Kelisim-shart­tar qorjynynyń tolysýyna baı­la­­nys­ty kórsetiletin qyzmet túr­leri­niń órisi de ósti. Tek sol 2005 jyl­dyń ózinde otan­dyq kompa­nııa­nyń jalpy tabysy úsh mıllıard teńgege ıek artty. Sońǵy bes jylda onyń kólemi 5,2 ese ósti. Soǵan sáıkes AQ jergilikti bıýd­jetke túsiretin salyqtyq túsimder de kóbeıdi. Ujym birneshe dúrkin el­diń úzdik salyq tóleýshisi dep ta­nyl­dy. Taǵy bir atap óterlik jáıt, buǵan deıin múldem beıtanys 25 qyzmettiń mamandandyrylǵan, joǵary teh­no­lo­gııa­lyq túrleri ıgerilip, tájirıbege ornyqty. «AqsaıGazServıs» AQ sheteldik kompanııalarǵa usynatyn bul qyzmet túrleri halyqaralyq erejeler men standarttardyń eń qatal talaptaryna sáıkes keledi. Sondaı-aq ol álemdik deńgeıge saı óte qundy jabdyqtar men joǵary bilikti ma­mandardy qajet etedi. Buryn oryn­dalmastaı kóringen qyzmet túr­leri búginde ujym músheleri úshin ádet­tegi iske aınalǵan. Bul arada ýaqyt otandyq kompanııa tańdap alǵan strategııanyń durystyǵyn dáleldedi dep aıqyn tujyrym jasaýǵa bolady.

OTANDYQ KÁSIPORYN AÝQYMYN KEŃEITIP, MÚMKINDIGIN О́SIRÝDE

«AqsaıGazServıstiń» ózge otan­dyq kásiporyndardan basty aıyr­ma­shy­ly­ǵy – onyń kóp qyrlylyǵy. Ol usy­natyn qyzmet túrleriniń aýqymy tań qaldyrmaı qoımaıdy. Ony sanaýǵa on saýsaqtyń ózi jetpeıdi. Búginde ujym qyzmetin paı­da­lanatyn tutyný­shy­lar men isker áriptesterdiń sany elýden asyp túse­di. Árıne onyń eń bastysy Qa­ra­shy­ǵanaq ken ornyndaǵy «KPO b.v» kom­panııasy bolyp tabyla­dy. Otan­dyq óndiris orny men atalǵan sheteldik alıans arasyndaǵy tyǵyz baıla­nys­tar­dyń ornyqqanyna búginde 13 jyl­dan asyp otyr. Osy ýaqyt ara­ly­ǵynda alıansqa kórsetiletin qyz­met túrleri sandyq turǵydan da, sa­palyq tur­ǵydan da tereń ózgeristerge ushy­rady. Bul munaı men gaz ón­dirýge qa­jet­ti tehnıkalyq qamtýdyń joǵary ná­tıjesi, minsiz de sapaly kúrdeli jón­­deý degen uǵymmen para-par. Biz osy aıqarma betti gazetke ázir­leý barysynda «Aq­saıGazServıs» AQ-tyń alǵashqy kúnderden bastap alǵys arqalap kele jatqanyna kýá boldyq. Árıne onyń deni sheteldik kompanııalardan qazaqstandyq kásip­oryn­ǵa keli­sim-sharttardy oryn­daý­daǵy tıimdi qyzmetteri úshin berilgen. Sonymen birge «Aq­saıGazSer­vıs» QR Prezıdenti syılyǵyn sarap­qa salýǵa baıla­nys­ty ótkizilgen «Al­tyn sapa» konkýrsy­na qatysyp jeńimpaz atanypty. Son­daı-aq atal­ǵan ujym «Paryz» respýb­lıkalyq konkýrsynyń da arnaıy júl­desin qanjyǵasyna bóktergen. Al­ǵys hat­tardyń ekinshi bir legine halyqara­lyq sapa standarttaryna sáıkes qyz­met jasaıtyn otandyq kásiporyn­nyń kásibı jetistikterine baılanys­ty qol jetkizgen.

INVESTISIIа – DAMÝ KEPILI

Otandyq kásiporynnyń qurylym­dyq bólimsheleri sheti men shegi joq úlken aýmaqqa ornalasqan. Mundaǵy quraldar men jabdyqtar jyl saıyn jańǵyrtylyp otyrady. Eń bastysy, AQ-qa qarasty qurylymdardyń bári de tek paıdamen jumys isteıdi. Munda jyl saıyn jumys aýqymy ulǵaıyp ke­le­di. Soǵan sáıkes ujym múshe­leri­niń sany da artyp otyr. Aıtalyq 2002-2004 jyldar araly­ǵyn­da olar­dyń sany 450-500 adam deńgeıinde bol­sa, búginde 2000-ǵa ja­qyndady. Bu­dan kásiporynnyń ju­mys berýshi retindegi úlken isin kóremiz. Tek sońǵy alty jyl ishinde «AqsaıGazServıske» 1300-den astam oblys turǵyndary turaqty qyzmetke qabyldanypty. Kásiporyn basshysy retindegi bas­ty ustanymym suranysqa sáıkes ón­di­ris­tiń áleýetin júıeli de jos­parly túrde ósirip otyrý. Ony iske asyrý úshin birinshi kezekte qomaqty kapıtal salý qajettiligin túsinip otyrǵan shyǵarsyz. Árıne, bul ózimiz tapqan paıdanyń bir bóligi esebinen iske asýda. О́ndiristi jańǵyrtý, búgin­gi tilmen aıtqanda, ony modernızasııalaý, óndi­ris­tik bazany d­a­my­tý osyndaı tártip­pen jalǵasa beredi. Buǵan jumsalatyn qarajat sheteldik jáne otandyq ınvestısııa esebinen júr­giziledi, – dedi gazet tilshisine «Aq­saıGazServıs» AQ prezıdenti Tilek Shektibaev.

BASYMDYQTYŃ BASTY TALABY – ÁLEÝMETTIK JAÝAPKERShILIK

Otandyq kásiporyn qazaqstandyq qoǵamnyń áleýmettik jáne mádenı turǵydan jan-jaqty órkendeýine udaıy qoldaý kórsetip keledi. Ási­rese «AqsaıGazServıstiń» respýblıka kóleminde qolǵa alynyp jatqan áleýmettik baǵdarlamalardyń iske asýyna qosyp júrgen úlesi mol. Eldiń qaı túkpirinde de talantty búldir­shinder men jasóspirimder jıi kezdesedi. Olarǵa der kezinde moral­dyq jáne materıaldyq turǵydan qoldaý kórsetilmese janbaı jatyp sónýleri de múmkin. Osy turǵyda kásiporyn balalar shyǵarmashylyǵy ujym­daryn damytýǵa qoldaý kór­setýi atap aıtýǵa ábden bo­latyndaı. Táýelsizdik – kúnde toı emes, ol kez kelgen ýaqytta tótenshe jaǵdaı­laryn tosyp otyratynyn buǵan deıin de jazǵan edik. Almaty oblysy­nyń Qyzylaǵash aýylynda oryn al­ǵan sel apaty, Batys Qazaqstan ob­ly­sy Shalqar kóli mańyndaǵy jer silkinisi, Aqjaıyq óńirinde bıylǵy kóktemde bolǵan alapat sý tasqyny osy pikirimizdiń dáleli. Sonyń bá­rinde de «AqsaıGazServıs» tabıǵat apatyna tap bolǵan otandastary­myz­dyń ortasynan tabyla bildi. Olarǵa materıaldyq qoldaý kórsetti.

IS TETIGIN KADR ShEShEDI

Otandyq kompanııa jetekshisi Tilek Shektibaev kadrlar qyzmetin tıimdi paı­dalanýdyń basty joly – olardy kásibı turǵydan ósýine jaǵ­daı týǵyzý dep tú­si­nedi. Munda óz mamandyǵyn kóterý­men derbes shu­ǵyl­dana bilgen qyzmet­ker­lerdi kó­ter­meleý júıesi ornyqqan. Tájirı­be­si tolysqan qyzmetshilerdiń ón­di­ris­tiń tómengi býynynda qyzmet ja­­saıtyn jastardy kásibı iske baýlı bilýine de keń jol ashylǵan. Al orta býyn saýat­ty mamandar ázirleýdiń jyl sa­ıynǵy óz oqý baǵdarlamalary bar. Qaı­tarymy birden bola qoımaı­tyn, alaıda bolashaǵy óte joǵary mundaı isten kompanııa jetekshileri qarjy úne­min jasaǵan emes. Bul rette basymdyq jas mamandarǵa berilýde. Munyń my­sal­da­ry da jetkilikti. Úlken óndiristik ujym­da otyz jasqa deıingi jas maman­dar­­dyń úlesi elý paıyzǵa jetip jyǵylady.

UJYMǴA QAMQORLYQ UDAIY NAZARDA

Kásiporyn qyzmetkerleriniń ma­te­rıaldyq ıgilikterdi paıdalanýyna jol ashý AQ basshylarynyń taǵy bir ba­sym­dyqqa ıe maqsaty bolyp ta­by­la­dy. Munda 2006 jyldan barlyq ujym mú­shelerine joǵary óndiristik jáne teh­no­logııalyq jetistikteri úshin syı­aqy men on úshinshi jalaqy berilip keledi. Ujymdyq shart talaptaryna sáı­kes «AqsaıGazServıs» ákimshiligi «Qo­ǵam» áleýmettik baǵdarlamasyn iske asyrdy. Bul san-alýan áleý­mettik paketter shoǵyry bolyp ta­bylady. Onyń aıasyna ujym múshe­leri bala­larynyń jazǵy demalysyn uıym­das­tyrýǵa baıla­nys­ty bóline­tin qara­jat­tar, qyzmet­ker­leriniń respýblıka aý­maǵyndaǵy, taıaý jáne alys shetelderdegi shıpajaı men kýrorttarǵa ba­ryp em jáne demalý­lary­na bólinetin tó­lemder kiredi. So­ny­men birge, ujym­dyq shart tar­maq­tary­men kásiporyn qyzmetker­lerin materıaldyq turǵydan kóter­meleýdiń ózge de túrleri qa­rasty­ryl­ǵan, – deıdi «AqsaıGazSer­vıs» AQ kásipodaq ko­mı­tetiniń tóraǵasy Júsipqalı Naǵmanov.

TÚIIN

Qarashyǵanaq jobasy – táýelsizdik jyldarynda respýblıka Prezıdenti Nursultan Nazarbaevtyń bastamasymen qolǵa alynǵan teńdesi joq iri joba bolyp tabylady. Ony iske asyrý arqyly sheteldik ınvestısııa kenishti ıgerýge qyzmet jasaı bastady. Búginde Qarashyǵanaq gazynyń ıgiligin tek res­pýb­lı­kanyń batys óńiri ǵana emes, sonymen birge ońtústik jáne ortalyq oblys­tardyń turǵyndary da kórýi úshin tyń baǵdarlamalar oılastyrylyp otyr. Táýelsizdik merekesi qarsańynda ken orny mańaıynda kómirsýtegi shıkizatyn turaqtandyrý jónindegi qondyrǵy qurylysynyń aıaqtalýy keleshekte qolǵa alynatyn keń kólemdi isterdiń alǵashqy qarlyǵashy ispettes. Bul nysan aldaǵy kúnderi telekópir júıesi arqyly Memleket basshysy N.Á.Nazarbaevtyń nazaryna usynylady dep kútilýde. Bir sózben aıtqanda, ken ornyn ıgerip jatqan sheteldik alıansqa otandyq kompanııanyń qyzmet kórsetý júıesi táýelsizdik jyldarynda tolyqqandy bola tústi. Búgingi áńgimemizdiń basty nysany – «AqsaıGazServıs» AQ bul oraıda joǵaryda aıtylǵandaı naqty is-qımyl stratıegııasyn belgilep, iske asyrýy memlekettik aýqymda atap aıtýǵa turarlyq másele. Kóp jaǵdaılarda kirpııaz da kinámshil sheteldik óndirisshilerdiń talabynan shyǵý, olardyń baǵdaryn bilip, qajettiligin óteý otandyq kompanııa úshin ońaıǵa tústi dep aıta almaımyz. Áıtse de qarqyndylyq pen senimdilikti alǵa tartyp, sapa ustanymyn serik etken «AqsaıGazServıs» AQ ujymynyń servıstik qyzmeti­ne sheteldik kompanııalardyń senimi ornyqqany sóz joq úlken jetistik. Respýblıka aýmaǵynda qyzmet jasaıtyn sheteldik kompanııalarda qazaqstandyq úlesti kóterýdiń budan artyq jarqyn mysalyn taýyp aıta alar ma ekenbiz? Sondyqtan da táýelsizdik tusynda tájirıbeleri tolysqan, ken ornyn ıgerýshilerge álemdik deńgeıdegi servıstik qyzmet túrlerin usynyp, kásibı sheberlikteri arqyly sheteldik óndiris ıelerin moıyndata alǵan «AqsaıGazServıs» AQ ujymy búgingi kúni bıik baǵaǵa ábden laıyqty. Osyndaı óresi joǵary otandyq kompanııalar odan ári kóbeıe berse, álbette nur ústine nur. Batys Qazaqstan oblysy, Bórli aýdany, Qarashyǵanaq ken orny. _____________________ Aıqarma betterdiń materıaldaryn daıyndaǵan «Egemen Qazaqstan» gazetiniń Batys Qazaqstan oblysyndaǵy menshikti tilshisi Temir QUSAIYN.