Tabıǵat qorǵaý – oqýshylar shyǵarmashylyǵynda

О́tken senbide elordadaǵy «Shabyt» Ulttyq óner ınstıtýtynda el Táýelsizdiginiń 20 jyldyq merekesine oraı ótkizilgen «Taza bolsa tabıǵat – aman bolar adamzat» atty respýblıkalyq shyǵarmashylyq konkýrstyń jeńimpazdaryn marapattaý rásimi ótti. Saıystyń basty maqsaty – balalardyń ekologııa problemasyn, ózderiniń tabıǵatqa degen mańyzdy naqty kómekterin qanshalyqty túsinetindikterin, sonymen qatar oǵan qalaı qaraıtyndyqtaryn anyqtaý bolyp tabylady. Jalpy, konkýrsqa uzyn sany elimizdiń jalpy orta bilim beretin 5040 mektebiniń oqýshylary qatyssa, bes myń­­nan astam shyǵarmashylyq jumystar usynylypty. Saıys «Úzdik sýret», «Úzdik taqpaq», «Úzdik maqala», «Úzdik beınerolık», «Úzdik áńgime», «Úzdik zertteý ju­mysy», «Úzdik fotosýret», «Úzdik beınefılm», «Úzdik sáý­let jumysy» atty shyǵarmashylyq nomınasııalar boıynsha respýb­lı­ka­nyń orta mektep oqýshylary arasynda ótti. Konkýrsqa bel­sendi qatysqan mektepter arasynda birinshi oryndy Astana qalasyndaǵy Raıymbek batyr atyndaǵy № 50 «Qa­zǵarysh» mektep-lıseıi jeńip alsa, ekinshi oryndy Qara­ǵan­dy obly­sy, Osakarov aýdany, Pıonerskoe aýylyndaǵy Balalar úıi enshiledi. Al eki úshinshi oryndar Almaty ob­ly­synyń Qa­ra­saı batyr orta mektebi men Pavlodar qala­syndaǵy da­ryn­dy balalarǵa arnalǵan №10 mektep-lıseıine buıyrdy. Ábdirahman QYDYRBEK.