Qurmetti otandastar!
Qazaqstanda qoǵamdy saıası, ekonomıkalyq, rýhanı jańǵyrtýdyń tutastaı strategııasy iske asyrylyp jatyr.
Jyl basynda usynylǵan «Prezıdenttiń bes áleýmettik bastamasy» shyn máninde áleýmettik jańǵyrtýdyń aýqymdy baǵdarlamasy bolyp tabylady.
Táýelsiz Qazaqstan áý bastan-aq áleýmettik baǵdarlanǵan memleket retinde quryldy. Bes áleýmettik bastama osy baǵyttyń qısyndy jalǵasy bolyp, áleýmettik memleket týraly konstıtýsııalyq normany jańa naqty mazmunmen toltyrdy.
Qoljetimdi turǵyn úımen qamtamasyz etý, salyqtardy azaıtý, qosymsha bilim granttaryn bólý, stýdentterge arnalǵan jataqhanalardy jappaı salý, mıkrokredıtteýdi keńeıtý jáne gazdandyrýdy odan ári jalǵastyrý – bul azamattardyń ómir sapasynyń joǵary standarttaryna qol jetkizýdi maqsat etetin naqty jáne eseptelgen sharalar.
Osy sharalar toptamasynyń arqasynda ekonomıkalyq jáne qoǵamdyq progreske yqpal etetin jaǵdaılar jasalady jáne eń bastysy – árkimniń is júzinde áleýmettik qorǵalýy men tulǵanyń ózin ózi tanytatyndaı eńbek etip, ómir súrýine kepildik beriledi.
Osy arqyly, memlekettiń azamattar aldyndaǵy áleýmettik jaýapkershiligi naqty mánmen tolyǵa túsedi.
Munyń bári de áleýmettik birlik pen qazaqstandyq qoǵamnyń kirigýiniń naqty ári pármendi tuǵyry bolyp tabylady.
Qazaqstan halqy Assambleıasy Memleket basshysynyń áleýmettik bastamalaryn tutastaı qoldaıdy jáne olardy tıimdi iske asyrý jónindegi amaldardy talqylaýǵa belsene atsalysady.
Biz, barsha qazaqstandyqtardy osyǵan shaqyramyz.
Biz, birlesip, jańa ómir múmkindikterin, áleýmettik memleket pen ulttyq ıgiliktiń jańa úlgisin jasaımyz.
Biz, bes áleýmettik bastamany iske asyrý, beıbitshilik pen kelisimdi odan ári nyǵaıtýǵa, azamattardyń ál-aýqatynyń artýyna, Otanymyz – Qazaqstan Respýblıkasynyń órkendeýine járdemdesetinine senimdimiz.
Qazaqstan halqy Assambleıasynyń sessııasy,
Astana qalasy, 2018 jylǵy 28 sáýir
