Ol akkredıtteý ónimder men qyzmetterge baǵa beretin sáıkestikti baǵalaý jónindegi organdardyń quzyrettiligine qoǵamdyq senimdi qamtamasyz etý tetigi ekenin atap ótti.
Budan ózge, UAO-nyń akkredıtteý jónindegi halyqaralyq uıymdarǵa músheligi saýdadaǵy tehnıkalyq kedergilerdi tómendetedi jáne otandyq eksporttaýshylardyń básekege qabilettiligin arttyrady. Bul otandyq ónimdi eksporttaýǵa kómek kórsetý tetiginiń biri.
Investısııalar jáne damý mınıstrligi men Tehnıkalyq retteý jáne metrologııa komıtetiniń jemisti jumysynyń nátıjesinde Ulttyq akkredıtteý ortalyǵy 2010 jyly ILAC-tyń tolyq quqyly múshesi, ILAC MRA-nyń qol qoıýshysy boldy. Al 2013 jyly IAF-tyń tolyq quqyly múshesi jáne IAF MLA kelisiminiń qol qoıýshysy boldy.
Búgingi kúni 199 zerthana ILAC MRA zerthanalyq birlesken belgisi shartyna qol qoıyp, ony paıdalaný quqyǵyn aldy.
199 zerthanaǵa, ıaǵnı Qazaqstannyń zańdy tulǵalaryna 132264 synaq hattamalaryn berdi, onyń ishinde 2678 synaq hattamasy elimizden tys jerlerge berildi.
Sonymen qatar synaq hattamalary negizinen balyq jáne balyq ónimderine, et jáne et ónimderine, shujyq ónimderine, sút jáne sút ónimderine, ara balyna, un ónimderine (jem-shóp arpasy, jem-shóp bıdaıy, bıdaı jarmasy), júgeri, kúnbaǵys, un, kúnbaǵys kúnjarasy, soıa kúnjarasy, raps kúnjarasy, qoı júni, tuqymdyq IQM, teri, IQM terisine berildi, sondaı-aq tabıǵı sý, mıneraldy emdik ashana sýyna berildi. О́nim Qyrǵyzstan, Tájikstan, О́zbekstan, Aýǵanstan, Qytaı, Japonııa, Iran, Serbııa, Ispanııa, Reseı, Belorýssııa, Ázerbaıjan, Grýzııa, Polsha elderine eksportqa shyǵaryldy.
IAF MLA birlesken belgisi bar sáıkestik sertıfıkaty negizinen kómir, lak, syr ónimderine, raps kúnjarasy, soıa kúnjarasy, konservidegi balyqqa berilip, Fınlıandııa, Belarýs, Qyrǵyzstan, О́zbekstan jáne Reseı Federasııasyna eksporttaldy.
Investısııalar jáne damý mınıstrligi TRMK UAO bas dırektorynyń birinshi orynbasary akkredıtteý jónindegi organymen akkredıtteýdiń jańa baǵyttaryn ıgerý jáne halyqaralyq arenada UAO-ny taný salasyn keńeıtý boıynsha júrgizilgen belsendi jumys pen akkredıtteý salasyndaǵy úrdisterdi avtomattandyrý jónindegi jasalǵan jumystar týraly baıandady.
Búgingi kúni Ulttyq akkredıtteý ortalyǵy akkredıtteý úrdisin avtomattandyrý is-sharalaryn josparlap otyr.
Qazirgi kezde ótinish berýshige jeke kabınet ashý múmkindigi bar jańa saıt ázirlendi, 1S bazasynda qujat aınalymyn engizý jalǵasýda.
2018 jylǵy 1 maýsymǵa qaraı akkredıtteýge ESQ qoıylǵan qujattardyń elektrondy jınaǵyn engizý josparlanyp otyr, akkredıtteý salasynyń nysanyna ózgerister engiziletin bolady jáne akkredıtteý úrdisin avtomattandyrýdy aıaqtaý 2018 jyldyń 1 jeltoqsanyna josparlanǵan.
Osynyń nátıjesinde akkredıtteý úrdisiniń shemasy usynylyp otyr. Onyń aıasynda ótinim 3 jumys kúni ishinde (top jasaý, resýrstardy taldaý, jınaqtylyq, kalkýlıasııa, akkredıtteý shartynyń tujyrymy) qaralady, saraptama jasaý ýaqyty 15 jumys kúnine deıin (akkredıtteý materıaldaryn saraptaý, sáıkessizdikterdi joıý (bolǵan jaǵdaıda), ornynda baǵalaý 5-10 jumys kúnine deıin (ornalasqan jeri boıynsha tekserý, sáıkessizdikti joıý (bolǵan jaǵdaıda), akkredıtteý týraly sheshim qabyldaý 19 jumys kúnine deıin (akkredıtteý jónindegi komıssııa jáne akkredıtteý týraly sheshim qabyldaý, akkredıtteý attestatyn berý jáne sýbektiler tizilimine engizý).
Akkredıtteý salasyndaǵy úrdisterdi avtomattandyrý nátıjesinde akkredıtteý jumysyn júrgizýdiń jalpy merzimi qazirgi kezdegi 162 kúnnen 67 jumys kúnine deıin qysqaratyn bolady.
Qabyldanǵan sharalar akkredıtteý salasyndaǵy úrdisterdi avtomattandyrýdy, akkredıtteý rásimderin júrgizýdiń ashyqtyǵyn qamtamasyz etýge, qaǵazdaǵy materıaldardy qaraýdy jáne poshta qyzmetteri shyǵyndaryn joıýǵa, akkredıtteý sýbektileriniń kóbeıýine yqpal etýge jáne eksportty akkredıtteý qyzmetterine qol jetkizedi.
Dınara BITIK,
«Egemen Qazaqstan»
