Saılaýaldy daıyndyǵyn jarııa etti

3 jeltoqsanda «Ádilet» demokratııalyq partııasynyń kezekten tys VII sezi bolyp ótti. Sezd delegattary aldaǵy Parlament Májilisiniń saılaýynda jeńiske jetetindikterine senimderi mol ekendikterin málimdedi. «Bul jeńiske jetý úshin bizdiń qolymyzda barlyǵy: tájirıbe, birlik jáne bolashaqqa degen tal­pynys bar» degen uran aıasynda ótkizilgen sezd óz jumysyn Táýelsiz Qazaqstannyń tarıhı ke­zeńderin eske túsirý men «Ádi­let» partııasynyń qol jetkizgen jetistikterimen kópshilikti tanys etý sharasynan bastady. Sezge qatysýshylar «Ádi­let­ke barar jol» atty partııanyń saılaýaldy baǵdarlamasyn qa­byl­dady jáne 61 adamnan turatyn Parlament Májilisine jáne bar­lyq deńgeıdegi máslıhattar de­pýtattyǵyna kandıdattardyń partııalyq tizimin bekitti. Forýmǵa Qazaqstannyń bar­lyq aımaqtarynan kelgen 246 delegat qatysty. Saılaý aldyn­da­ǵy baǵdar­lamanyń aldyna qoıǵan naqty maqsat-mindetterin partııa tóraǵasy Maqsut Nárikbaev «Bá­rinen de jo­ǵary turatyn ádildik» dep atalatyn baıandamasynda ta­nystyryp ótti. Saılaýaldy baǵ­darlamasynyń ıdeologııalyq negizi ádilettilik ornatý jáne on­syz quqyqtyq, demokratııalyq, áleýmettik memleket qurý múmkin emestigi, árbir qazaqstandyqtyń zańdy múddelerin qorǵaý bolyp tabylady. Bizdiń sezd Táýelsizdiktiń 20 jyly ishinde atqarylǵan is-áre­ketterdi qorytyndylaý kezinde ótip otyr, dedi óziniń sózinde M.Nárikbaev. Búgingi kúni búkil álem ekonomıkalyq daǵdarystyń qaıtalaný qaýpi tóngendikten, ózderiniń daǵdarysqa tótep berý múmkin­dikterin qarastyrýda. El­ba­sy bir sózinde «Daǵdarys­tyń týyndaý sebebi – ádildikten tar­tyný» degen bolatyn. Ádilet­ti­lik­siz aýqatty ári qýatty eli­miz­diń barlyq jetistikteriniń maǵy­nasy men máni joıylady. Onsyz damý men kórkeıý, turaqtylyq pen tynyshtyq bolmaıdy. Ádil­dikti ádilettilik retinde barlyq salalarda qalyptastyrý úshin quqyqtyq, demokratııalyq jáne áleýmettik memleket qurýymyz qajet. Partııanyń saılaýaldy baǵ­dar­lamasynda bolashaq jańa Má­jilis depýtattary oryndaýy tıis má­se­leler men saıası-ekono­mı­ka­lyq jáne áleý­met­tik salada jú­ze­ge asýy kezek kúttirmeıtin bir­qatar usynystar bar eken. Atap aıtqanda, eger «Ádilet» partııa­sy Parlamentten oryndarǵa ıe bolǵan jaǵ­daıda saıasat sala­syn­da keń kólemdegi konstıtýsııa­lyq reforma júrgizý, Parlamenttiń ókilettiligin arttyrý, qala jáne aýdan ákimderin saılanbaly etý, táýelsiz arbıtr bolatyn sot júıesin engizý, qoǵam­dyq telearna ashý, sondaı-aq saıası partııa­lar­dyń ádil básekege túsýin qam­tamasyz etý sekildi, al ekonomıka salasynda tabıǵı monopolııanyń memlekettendirilýi, qosymsha qun salyǵyn 6 paıyzǵa, áleý­­met­tik salyqty 7 paıyzǵa deıin tó­mendetý, ba­ǵa­ly, qundy zattarǵa salyq salý sekildi máseleler jú­zege asyrylmaq kórinedi. Sony­men qatar, bul baǵdarlamada áleý­mettik saıasatta reforma júrgizý, zeınetaqy júıesine tıimdi tártip engizý, gaz, elektr energııasy, temir jol tarıfteriniń ósýine shekteý qoıý, barlyq qazaqstan­dyq­tardy qoljetimdi baspanamen qam­tamasyz etý, bilim berý jáne densaýlyq saqtaý salalarynyń qoljetimdi bolýyn qamtama­syz etý sekildi birshama jáıtter qam­tylypty. Partııa sezinde uıymdyq má­seleler de qaraldy: partııanyń bas hatshysy bolyp Murat Raev, partııa tóraǵasynyń orynbasary bolyp Mádı Artyǵalıev jáne Artyqbaı Úkibaev saılandy. Sonymen qatar, «Ádilet» par­tııa­sy tóraǵasynyń birinshi oryn­basary laýazymynda Tóle­gen Sydyhov óz qyzmetin ári qa­raı jalǵastyratyn boldy. «Ádi­let» partııasy tóraǵasynyń ıdeologııa jónindegi birinshi oryn­ba­sary degen qosymsha laýazym bekitilip, oǵan Ýálıhan Qaısarov taǵaıyndaldy. Partııa basshylyǵy men sezd delegattarynyń atyna tilek bildirgen birqatar hattar kelip tús­se, olardyń qatarynda O.Sú­leı­me­novtiń, sondaı-aq «Spravedlıvaıa Rossııa» partııasynyń tóraǵa­sy N.Levıchevtiń, Ýkraına Sosıalıstik partııasynyń tóraǵasy A.Morozdyń, Belarýs Respýblı­ka­synyń Eńbek jáne ádilet res­pýblıkalyq partııasynyń tór­aǵa­sy V.Zadneprıadnyıdyń jáne sol sııaqty TMD elderi saıası partııa­lary ókilderiniń jedelhattary bar eken. Olar sezd barysynda qatysýshylardyń nazaryna usy­nyldy. Qanat ESKENDIR. Astana.