Foto: gov.kz
Ǵylym jáne joǵary bilim mınıstrliginiń málimetinshe, talapkerlerdiń 68%-y shekti ball jınaǵan. Bes pán boıynsha ortasha ball 64-ti qurap, eń joǵary kórsetkish retinde 138 ball tirkelgen.
«Talapkerlerdiń test tapsyrmalarynyń mazmuny boıynsha testileý aıaqtalǵannan keıin 30 mınýt ishinde apellıasııaǵa berý quqyǵy bar. Tehnıkalyq sebepter boıynsha apellıasııa tikeleı testileý kezinde qabyldanady. Bul joly 19 myńǵa jýyq ótinish qabyldanyp, olardyń ishinde 2 biregeı test tapsyrmasyna qatysty ótinishter qanaǵattandyrylǵan. Respýblıkalyq komıssııa jumysyn aıaqtady, talapkerlerdiń sertıfıkattary jeke kabınette qoljetimdi», delingen mınıstrlik taratqan habarlamada.
Testke qatysýshylardyń basym bóligi – 19,2%-y «Matematıka-Fızıka» kombınasııalaryn tańdaǵan. «Bıologııa-Hımııa» pánderin – 16,8% talapker tańdaǵan. Sondaı-aq test tapsyrýshylardyń – 9,8% «Shyǵarmashylyq emtıhan» kombınasııasy boıynsha bilimin synaǵan.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa 446 talapker qatysqan.
«UBT-ny ótkizý barysynda 320 ereje buzýshylyq anyqtaldy. 198 talapker smartfondardy, shpargalkalardy jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 120 adam testileý kezinde erejelerdi buzǵany úshin aýdıtorııadan shyǵarylyp, olardyń nátıjesi joıyldy. Beıne baqylaýdy tekserý nátıjesinde 2 adamnyń sertıfıkaty jaramsyz boldy. О́zge adamdardyń ornyna kirý faktileri anyqtalǵan joq», delingen mınıstrlik taratqan habarlamada.
Aıta keteıik, 2026 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda UBT nátıjeleri joıylady.
