Kollajdy jasaǵan – Záýresh SMAǴUL, «EQ»
Jetkizilimniń shamamen 90 myń tonnasy Teńiz ken orny munaıyna, al 20 myń tonnasy Qashaǵan ken orny ónimine tıesili. Jóneltý Aqtaý teńiz porty arqyly júzege asyrylady. Sonymen qatar, Teńiz munaıyn BTD arqyly jiberý naýryz aıynyń basyna shegerilýi múmkin.
«QazTransOıl» málimetinshe, qańtar aıynda atalǵan baǵyt boıynsha shamamen 106 myń tonna munaı eksporttalǵan.
Memleket basshysy Úkimetke eldegi munaı óńdeý zaýyttaryn jedel jańǵyrtýdy tapsyrdy
Baký – Tbılısı – Djeıhan baǵytymen Túrkııanyń Jeıhan portyna shyǵý Qazaqstanǵa eksportty ártaraptandyrýǵa jáne sanksııalyq shekteýler jaǵdaıynda reseılik porttarǵa táýeldilikti azaıtýǵa múmkindik beredi.
2025 jyldyń qorytyndysy boıynsha Qazaqstan munaıynyń BTD arqyly jetkizilimi 11%-ǵa tómendep, 1,263 mln tonnany qurady. Qysqarý 2025 jyldyń jazynda Azeri BTC partııalarynan organıkalyq hlorıdterdiń anyqtalýyna jáne aıdaý jumystarynyń ýaqytsha toqtaýyna baılanysty boldy. Teńiz ben Qashaǵannan BTD baǵytyna eksport kúzde qaıta jandanǵan.
Álemdik munaı óndirý ósimine yqpal etetin elder qatarynda Qazaqstan bar ma?
