Foto: gov.kz
Mamandar tehnologııany beıbit baǵytta qoldanýdy qoldap otyr. Atap aıtqanda, drondy munaı-gaz qubyrlaryn kúzetýge, qamys órtterin erte anyqtaýǵa jáne tótenshe jaǵdaı kezinde naqty koordınattardy jedel joldaýǵa paıdalaný josparlanǵan. Ekologııalyq ahýaly kúrdeli Atyraý óńiri úshin mundaı qurylǵynyń mańyzy zor. Sonymen qatar ony shalǵaı mekenjaılarǵa dári-dármek jetkizýge beıimdeýge bolady.
Alǵashqy úlgi qoldanystaǵy model negizinde plastıkten jasalǵan. Alaıda óńirdiń jeldi klımatyna baılanysty onyń beriktigi jetkiliksiz bolǵan. Keıin qurylǵyny shyny talshyq pen plastık qospasynan daıyndaý sheshimi qabyldanǵan. Al qazir úshinshi nusqasy ázirlenip jatyr. Bul modelde ushý apparaty qanatynyń uzyndyǵy 20 santımetrge ulǵaıtylyp, qýatty akkýmýlıator men motor ornatý josparlanǵan. Nátıjesinde ushý qashyqtyǵy artyp, jumys tıimdiligi jaqsarady.
Reseıden Qazaqstanǵa ótetin gaz qubyry qashan iske qosylady?
Joba ázirge synaq kezeńinde. Nursultan Tursynovtyń aıtýynsha, qalada 15-18 qabatty turǵyn úıler kóbeıip keledi. Mundaı bıiktikke órt sóndirý tehnıkasynyń jetýi keı jaǵdaıda qıyndyq týdyrady. Sondyqtan ázirlenip jatqan drondy bıik ǵımarattardaǵy órtti sóndirý jumystaryna da qoldanýǵa múmkindik bar. Sonymen qatar joba avtorlary óndiriste otandyq materıaldardy paıdalanýǵa nazar aýdaryp otyr.
