Táýelsizdikpen qurdas mektep uıymdastyrǵan taǵylymdy shara

«Ustazdyq etken jalyqpas, úıretýden balaǵa» dep uly Abaı aıtqandaı, búgingi ustazdar únemi óz bilimderin jetildirip otyrýǵa, jańa tehnologııalardy ıgerýge min­detti. О́ıtkeni, zaman tala­by­na saı, básekege qabiletti oqýshy­lar tárbıelep shyǵarý tek kásibı biligi joǵary ustazdar qolynan ǵana keletin is ekeni haq. Búgingi kúni ǵylym men bilimge qoıylar talap artyp, ustazǵa júk­teler mindet eselenýde. Son­dyq­tan ustazdar qaýymynyń da qarap qalar reti joq. Sonyń aı­qyn dá­le­leli – ustazdardyń us­ta­zy Ul­jalǵas Esnazarovanyń eń­be­gi. Ol – Qazaqstannyń eńbek si­ńir­gen qaı­­rat­keri, pedagogıka ǵy­lym­da­ry­­­­­nyń doktory, professor, Geo­gra­fııalyq ataýly mektep jetekshisi. Búginde ataýly mektep 20 jyl­dyq belesten attady. Bul mereıtoı elimiz táýelsizdiginiń 20 jyldyǵymen tuspa-tus keldi. Osy jyldar ishinde mekteptiń uıymdastyrýymen kóptegen semınarlar ótip, elimizdiń tabıǵaty tamasha jerlerine saıahat jasa­lyp, oqýshylarǵa arnalǵan onda­ǵan kitaptar jaryq kórdi. Osydan shamaly ýaqyt buryn «Týǵan jer geografııasy jáne mekteptegi ól­ketaný jumysyn uıymdasty­rý­dyń ǵylymı negizderi» taqyry­byn­da Mańǵystaý oblysynyń or­ta­lyǵy – Aqtaý qalasyndaǵy Mańǵystaý bilim berý uıymdary qyzmetkerleriniń biliktiligin art­tyrý ınstıtýtynda respýblıka­lyq ǵylymı-ádistemelik semınar ótti. Semınar ataýly mekteptiń jetekshiligimen júzege asty. О́ńir­diń tabıǵaty erekshe jerlerine saıahat jasalyp, jer betinen 132 metr tómen jatqan Qaraqııa oıysynda bolýdyń sáti tústi. Osy jolǵy semınarǵa respýb­lıkamyzdyń túkpir-túkpirinen ataý­ly mektep músheleri, jalpy sany 40 ustaz qatysty. Qala­myz­daǵy 100 jyldyq tarıhy bar Jambyl Jabaev atyndaǵy №4 mek­tep-gımnazııasynyń dırek­to­ry Bazarkúl Syzdyqova da Aqtaý­ǵa Astanadan arnaıy barǵan bir top ustazdyń qataryn tolyq­tyr­dy. Al ustazdar semınar bary­syn­da áriptesterimen óz is-táji­rı­belerin bólisti. Jalpy, Aqtaýda ótken semı­nar­dyń úıreteri kóp, berer taǵy­lymy mol boldy. Respýblıkalyq ǵylymı-ádistemelik jumystar mándiligimen este qaldy. Jansulý BAZARBAEVA, №4 mektep-gımnazııanyń geografııa páninen joǵary sanatty muǵalimi. Astana.