Sonymen qatar aımaq basshysy Q. Kósherbaevtyń, «Nur Otan» partııasy tóraǵasynyń birinshi orynbasary M. Áshimbaevtyń jáne óziniń quttyqtaý haty men syı-sııapatyn tabys etti.
-Jeńis kúni – halqymyzdyń qajymas qaıratynyń, erligi men eńbeginiń arqasynda keldi. Ekinshi dúnıejúzilik soǵystyń qasireti tóngen shaqta maıdangerlerimiz el úshin keýdelerin oqqa tosyp, qan shaıqasqa attandy. Maıdandaǵy batyldyq pen tyldaǵy tabandy eńbektiń nátıjesinde jeńisti jaýdyń qolynan julyp alyp, beıbit ómirge bet burdyq. Otan úshin janqııarlyq erliktiń úlgisin kórsetip, oq pen ottyń arasyna túsken aǵalarymyz ben ákelerimizdiń erligi búgingi urpaqqa úlgi ónege. Táýelsizdik alyp, el eńsesin tiktep beıbit ómir súrý – osynaý merekeniń jemisi. Maıdangerlerimiz ben tyl ardagerlerimizdiń sińirgen eńbekterin biz árdaıym joǵary baǵalaımyz, - dedi Qarmaqshy aýdanynyń ákimi Sultan Maqashov.
