Aqtaý qalasynda Jumyspen qamtýdy úılestirý jáne áleýmettik baǵdarlamalar basqarmasyna qarasty «Ońaltý jáne áleýmettendirý ortalyǵy» 2017 jyly tirek-qımyl apparaty buzylǵan múgedekterdiń jaǵdaılaryn jaqsartý boıynsha arnaýly áleýmettik qyzmet kórsetý maqsatynda quryldy. Ortalyq Aqtaý qalasy 35 sh/a jalpy aýmaǵy 281,9 m2 quraıtyn ǵımaratta ornalasqan. 2018 jyl basynan beri jartylaı stasıonarlyq jaǵdaıda arnaýly áleýmettik qyzmet kórsetýge muqtaj tirek-qımyl apparaty buzylǵan 78 qyzmet alýshyǵa 20 kún arnaıy áleýmettik qyzmet kórsetiledi. Qazirgi tańda ońaltý ortalyǵy Germanııada jasalǵan jalpy sommasy 90 mlg teńge kólemindegi qarjyny quraıtyn 3 ońaltý trenajerymen qamtamasyz etilgen.
-Ortalyqta jylyna 240 adam ońaltýdan ótedi. Jumys tıimdiligin arttyrý úshin jalpy somasy 30 146 800 teńge quraıtyn ońaltý ortalyǵyna taǵy tórt trenajer satyp alý qajet. Sondaı-aq, 50 adamǵa qyzmet kórsetý úshin, jańa keminde 1000 sharshy metr ǵımarat qajet. Osylaısha, oblys kólemindegi atalmysh kómekke muqtajdyqty biraz eńeretin bolamyz, dedi jumyspen qamtýdy úılestirý jáne áleýmettik baǵdarlamalar basqarmasynyń basshysy Qýanysh Berishbaev
Mańǵystaý oblysynyń ákimi Eraly Toǵjanov «Ońaltý jáne áleýmettendirý ortalyǵy» jańa ǵımaratyna qajetti jabdyqtardy satyp alý jáne týynadǵan máseleni sheshýge tapsyrma berdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
